Juan 1:46 - Kashibo-Kakataibo Biblia

⁴⁶ Felipenën cacëxun ca Natanaelnën cacëxa: —¿Nazaret ëmanu cara ñu ꞌunáncë uni ꞌiti ꞌic? Cacëxun ca Felipenën cacëxa: —Usa ca mi isnun ca ꞌëbë cuani ut.

Nukën 'Ibu Diosan ain unikama 'inan ain bana

⁴⁶ Felipenën cacëxun ca Natanaelnën cacëxa: —¿Nazaret ëmanu cara ñu 'unáncë uni 'iti 'ic? Cacëxun ca Felipenën cacëxa: —Usa ca mi isnun ca 'ëbë cuani ut.

Juan 1:46 Iomraidhean Croise

Mateo 10:3

Raírinëx ca Felipe cacë ꞌimainun Bartolomé cacë ꞌimainun Tomás ꞌimainun Mateo, an ꞌapu buánmiti curíqui bicë, acama ꞌiacëxa. ꞌImainun ca Jacobo, Alfeonën bëchicë, a ꞌimainun Lebeo ꞌicëbi Tadeoribi cacë a ꞌiacëxa.

Mateo 2:23

Galilea menu bëbatancëx ca Nazaret ëmanu tsoti cuancëxa, usai ꞌitioquian an Nucën Papa Dios quicë bana uni ñuixuncë unicaman ñuiasabi oi. A banax ca ësai quia, Jesús ca Nazaretnu ꞌicë uni ꞌicë quixun ca unin caia.

Lucas 12:57

Ësaquinribi ca Jesusan cacëxa: —¿Uisacatsi caramina bëtsibë upí ꞌinux mitsúxbi mëníonaniman?

Juan 1:44

Felipe Betsaida ëmanu ꞌicë uni ꞌain, ca Andrés ꞌimainun Pedroribi, anu ꞌicë uni ꞌiacëxa.

Juan 1:45

Usaquian Jesusan cacëx cuanxun ca Felipenën Natanael cacë uni bariquin mëraquin cacëxa: —A ñuiquian Moisés ꞌimainun an Nucën Papa Diosan sinánmicëxun uni bana ñuixuncë unicaman cuënëo, a uni cananuna mëran. Ax ca Jesús, Nazaretnu ꞌicë uni, Josénën bëchicë, a ꞌicën.

Juan 12:21

Cuanxun ca Galilea menu ꞌicë ëma itsi, Betsaida, anu ꞌicë uni, Felipe, a mëraquin cacëxa: —Jesús cananuna istisa tanin.

Juan 14:8

Quia ca Felipenën cacëxa: —Nucën Papa Dios ca nu ismit. Bëtsi ñuuma, ashi cananuna mi ñucatin.

Juan 4:29

—ꞌËbë banaquin ca achúshi unin ꞌëx usai ꞌicëcama ñuiquin ꞌë caxa. Ënëx sapi ca asérabi Cristo ꞌicën, ca isi ut.

Juan 6:5

Anuxun ꞌaisamaira uníxa a nuibëtsini aia isquin ca Jesusan Felipe cacëxa: —¿Uinua caranuna a ënë unicama pimiti pán biti ꞌain?

Juan 6:7

Cacëxun ca Felipenën cacëxa: —Doscientos curíqui cupí bicëxbi ca pán achúshi achúshi camabi uni ꞌináncëx sënë́ntima ꞌicën.

Juan 7:52

Cacëxun ca sacerdotenën cushicamabëtan fariseo unicaman Nicodemo cacëxa: —¿Mixribi caramina Galilea menu ꞌicë uni ꞌain? Nucën Papa Diosan bana cuënëo upí oquin isquin camina isti ꞌain, uisa ꞌaíshbi ca an Nucën Papa Dios quicë bana unicama ñuixuncë uni Galilea menu ꞌicë uni ꞌicëma ꞌicën.

1 Tesalonicenses 5:21

Unían bana ñuixuncëxun camina, Nucën Papa Diosan sinánmicëx cara quia quixun pain cuati ꞌain. Cuacë́xa usa ꞌicë camina aín bana upí oquin cuati ꞌain.