Juan 1:38 - Kashibo-Kakataibo Biblia

³⁸ Nuibiancëxun caxu bësuquin isquin ca Jesusan cacëxa: —¿Añu caramina barin? Cacëxun ca ñucácëxa: —¿Uinu cara min ꞌiti ꞌic, rabí? (Rabí quicë bana, ax ca an uni ꞌunánmicë uni qui quicë ꞌicën.)

Nukën 'Ibu Diosan ain unikama 'inan ain bana

³⁸ Nuibiancëxun caxu bësuquin isquin ca Jesusan cacëxa: —¿Añu caramina barin? Cacëxun ca ñucácëxa: —¿Uinu cara min 'iti 'ic, rabí? (Rabí quicë bana, ax ca an uni 'unánmicë uni qui quicë 'icën.)

Juan 1:38 Iomraidhean Croise

1 Reyes 10:8

Ësokin min ñu ꞌakëbë sapi ka min xanukamaxa upiti tsómainun, an mi ñu mëëxunkë min uni ënë kamaribi upíokin sinánkin ñu ꞌai upitani kuëënia, atun ka mi rapasu ꞌixun ñu ꞌunánkëira ꞌixun kakëxun min bana kuatia. Usa ꞌain ka atux kamáxbi kuëënia.

Salmos 27:4

Achúshi ñushi kana Nukën ꞌIbu ñukan, usa ꞌain kana achúshi ñu ashi kuëënin: ax ka anuxun Nukën ꞌIbu rabiti xubunu ꞌëx kamabi nëtë anun tsókë a nëtëkama ꞌikën, a xubunuxun kana rabikin a ñukáti ꞌain. Ñukákin kana an unio ñukama upí iskin ashi rabiti ꞌain.

Proverbios 13:20

Uin kara ñu ꞌunánkë uni kamabë nitsia an ka atun ꞌakësaribi okin ñu upí ꞌunania; ꞌaínbi ka uix kara ñu ꞌunántisama tankë unikamabë nitsia an ñu ꞌunanima.

Proverbios 3:18

Uix kara ñu ꞌunairakë ꞌikë ax ka i bimiñu unin upí iskë usaribi ꞌixun ꞌatima ñu ꞌaisa tankinbi tënëia; ax ka chuámarua tani usokin ñu ꞌakëma ꞌaish tsóti ꞌikën. ¡Ax ka chuámarua usakin ñu ꞌakë ꞌaish tsotia!

Proverbios 8:34

Chuámarua ka uin kara ꞌën kakëxun ꞌën bana kuatia ax ꞌiti ꞌikën, ꞌianan ka kamabi nëtë́an an bërúankë unisa ꞌixun ꞌën xubu xëkuë kamanuxun, bana kuati ukë a ka Diosan ꞌakinti ꞌikën.

Lucas 10:39

ꞌAtsíntancëxuan bana ñuixunia ca Martanën xucën, María, axribi anu ꞌixun, a tanáin tsóxun Jesusan bana upí oquin cuacëxa.

Lucas 14:25

ꞌAisamaira uníxa abë cuania ca a isi cuainacëquin Jesusan ësoquin cacëxa:

Lucas 15:20

Usaquin sinántancëx ca aín papanu cuanxa. Cuania ca ꞌuránxunbi aín papan mëraxa. Mërai nuibati cuëëni abáquiani cuanxun ca ꞌicúquin biquin bëtsucucaxa.

Lucas 19:5

Usaía anu ꞌicë ca Jesusan anun cuanquin manámi bësuquinbi mëraquin ësaquin cacëxa: —Zaqueo, bënëtishi ca ꞌibúcuatsini ut. Bërí cana min xubunu ꞌi mibë cuainsa tanin.

Lucas 22:61

Banacëbë cuainacëquin ca Nucën ꞌIbu Jesusan Pedro ñachaquin isacëxa. Ñachacëxun ca Pedronën ësaquian Jesusan a cacë bana sináncëxa: Ënë imë́ camina ꞌatapa banatisama pan ꞌain, min isamina ꞌë ꞌunáncëma ꞌai quixun ꞌë ñuiquin rabë́ ꞌimainun achúshi oquin uni paránti ꞌain.

Lucas 8:38

Cuaniabi ca anuaxa ñunshin ꞌatima chiquícë uni an abë cuancatsi quixun Jesús cacëxa. Cacëxunbi ca Jesusan aín xubunua cuantánun quixun xuquin abë cuanxma ꞌinun cacëxa.

Juan 1:37

Usaía quia cuaquin ca Juanën ꞌunánmicë uni rabëtan Jesús nuibiancëxa.

Juan 1:39

¿Uinu ꞌicë cara min ꞌiti ꞌic? quixun cacëxun ca Jesusan cacëxa: —Isi cuanun ca ut. Cacëx cuanxun ca aín ꞌiti isacëxa, istancëx ca bari xupíbucëbëa baquíshti ꞌurama ꞌain abë ꞌiacëxa.

Juan 1:49

Cacëxun ca Natanaelnën cacëxa: —Mix camina Nucën Papa Diosan Bëchicë ꞌianan Israel unicaman ꞌapu ꞌain.

Juan 12:21

Cuanxun ca Galilea menu ꞌicë ëma itsi, Betsaida, anu ꞌicë uni, Felipe, a mëraquin cacëxa: —Jesús cananuna istisa tanin.

Juan 18:4

Ami bëbaia ca, bëráma usocanti ꞌunánxunbi ꞌë uisoi cara aia quixun sinánquin mëramiquin Jesusan atu cacëxa: —¿Ui caramina baricanin?

Juan 18:7

Usai ꞌia ca amiribishi Jesusan ñucátëcëancëxa: —¿Ui caramina baricanin? Cacëxun ca: —Jesús, Nazaretnu ꞌicë uni, a cananuna bari —quixun cacancëxa.

Juan 3:2

Usa ꞌixun ca anu ñantan cuanxun Jesús cacëxa: —Unían mix camina cushiira ꞌai quixun ꞌunánun camina uinu ꞌicë unínbia ꞌacëma ñu ꞌain. Nucën Papa Diosa abëma ꞌain ca uinu ꞌicë unínbi minmi ꞌacësoquin ñu ꞌatima ꞌicën. Usa ꞌain cananuna ꞌunan, Nucën Papa Diosan ca minmi nu ꞌunánminun ënë menu mi xuacëxa quixun.

Juan 3:26

Usai cuëbicananquiani anu cuanxun ca Juan cacëxa: —A ñuiquinmi nu cacë uni axa mibë Jordán ꞌucë manan ꞌicë, Jesús, an unicama nashimicëbë ca camabi unix anu ricuatsinia.

Juan 4:31

A xanúa cuancëbëtan ca aín ꞌunánmicë unicaman Jesús —camina piti ꞌai —quixun cacëxa.

Juan 6:25

Usa ꞌain ca ꞌucë manan cuanxun bariquin mëraquin Jesús cacëxa: —¿Uinsaran caramina ënu uan?

Hechos 10:21

Cacëx ꞌibúquin ca Cornelionëan xucë unicama Pedronën cacëxa: —ꞌËx cana ami baricë a ꞌain. ¿Añuai caina uan?

Hechos 10:29

Usa ꞌain cana min ꞌë camicëx, judío uni ꞌaish, cana cuanima quixun sinanima bënëtishi uan. Usa cupí cana uisoti caramina ꞌë camia quixun ꞌunántisa tanin.

Rut 1:16

Kakëxunbi ka Rutnën kakëxa: —ꞌË kamina mi ëbiani mibë ënanankiani kuantanun kixun katima ꞌain. ¡Uinu karamina kuanin anubi kana ꞌëxribi mibë tsóti kuanti ꞌain! ꞌImainun ka min ëma ax ꞌën ëmaribi ꞌiti ꞌikën, min Dios axribi ka ꞌën Dios ꞌiti ꞌikën, min ëmanu tsókë unikama ax ka ꞌën aintsiribi ꞌiti ꞌikën, ꞌimainun kana min rabikë Dios aribi ꞌën Dios ꞌikë rabiti ꞌain.