Juan 1:3 - Kashibo-Kakataibo Biblia

³ Aín Banáinshi ca camabi ñu uniacëxa. Nucën Papa Diosan Bana ꞌaíma ꞌia ꞌain ca ñu ꞌaíma ꞌianan ñancáishi ꞌitsíanxa.

Nukën 'Ibu Diosan ain unikama 'inan ain bana

³ Aín Banáinshi ca camabi ñu uniacëxa. Nucën Papa Diosan Bana 'aíma 'ia 'ain ca ñu 'aíma 'ianan ñancáishi 'itsíanxa.

Juan 1:3 Iomraidhean Croise

Génesis 1:1

Uniotabakin ka Nukën ꞌIbu Diosan uniokëxa, naíkamë ꞌëo ꞌimainun me.

Génesis 1:26

Usa ꞌain ka kamabi ñu ꞌatankëx Nukën ꞌIbu Dios ësai kiakëxa: Bërí kananuna nu iskësabi ꞌitánun uni unioti ꞌain. Ax ka bakanu ꞌikë ñuinakama ꞌimainun pëchiñu ñuina ꞌimainun a piti pitima ñuinakama ꞌianan, ñuina raëkëma ꞌimainun men niríkë ñuinakamax ka an bërúankë ꞌiti ꞌikën.

Salmos 33:6

Diosan ka aín banan ishi naíkamë ꞌëo uniokëxa, ꞌanan ka bari ꞌuxë ꞌispa akamaribi uniokëxa.

Proverbios 8:30

anu kana ꞌëxribi a ënima abëbi ꞌiakën. Anu kana an ñu uniokë unisa ꞌaish nëtë́tibi ꞌëx kuëënmi anu ꞌiakën, usai ꞌikana an ismainunbi kamabi nëtë abë kuaiakën;

Isaías 45:12

ꞌËn kana mekama unionan anu ꞌikë unikama ꞌakën, ꞌanan kana naíkamë ꞌëo ꞌën mëkënan pëninkësa okin ꞌakën, ꞌanuxun kana anu ꞌikë ꞌispakama mëranun ꞌimiakën.

Isaías 45:18

Ësai ka an naíkamë ꞌëo unio, Nukën ꞌIbu Dios ax kia, an ka me ꞌatankëxun anubia ꞌitinu nankëxa, mex ka ñankáishi rakatima ꞌikë anu ka uni ꞌiti ꞌikën: ꞌËx kana Nukën ꞌIbu ꞌain, usa ꞌain ka bëtsi ꞌaíma ꞌikën.

Juan 1:10

An aín sinan upíira ꞌixun uni upí ꞌimiti ax ca ënë menu ꞌiacëxa. Usa ꞌixun an Nucën Papa Diosbëtan camabi me ꞌimainun camabi ñucama unio ꞌicëbi ca unicaman, ui cara ax ꞌicë quixun ꞌunánma ꞌicën.

Juan 1:2

Usa ꞌain ca ñu uniocëma pain ꞌain aín Bana, ax Nucën Papa Diosbë ꞌiacëxa.

1 Corintios 8:6

Usaquian sináncëbëtanbi cananuna nun ꞌunanin, achúshi ca Nucën Papa Dios ꞌicën. An ca camabi ñu uniocëxa. Ainan ꞌinun ca nuribi uniocëxa. ꞌImainun ca Nucën ꞌIbu achúshi, Jesucristo, ashi ꞌicën. An ca aín Papabëtan camabi ñu unionan nuribi uniocëxa.

Efesios 3:9

Nucën Papa Dios, an camabi ñu unio, an ca —Cristo ca uti ꞌicë —quixun bëráma mënío ꞌixunbi Cristo ucëmapan ꞌain, a ñui quicë bana uisai quicë cara quixuan unin cuanun ꞌunánmiama ꞌicën. ꞌUnánmiama ꞌixunbi ca bërí a bana unicama ꞌunánminun Nucën Papa Diosan ꞌë caxa.

Hebreos 11:3

Ënë nëtëcamax ca Nucën Papa Dios quicëbëshi an sináncësabi oi uniacëxa. Uisa ñu ꞌaíma ꞌaínbi ca an unin iscë ñucama uniocëxa. Usoquin unioia isáma ꞌixunbi cananuna a bana acama ñuiquin cuënëo a isquin, usai ca ꞌiacëxa quixun ꞌunanin.

1 Juan 5:1

An —Jesús ax ca Cristo, axa utia judíos unicaman caían, Nucën Papa Diosan Bëchicë, a ꞌicë —quixun sináncë unicamax ca Nucën Papa Diosan bëchicëribi ꞌicën. Uicamax cara Nucën Papa Diosmi sinania ax ca aín bëchicëcamamiribi sinania.

Apocalipsis 3:14

Usaquin catancëxun ca ësaquinribi cuënëonun Jesusan ꞌë caxa: —Axa Laodiceanuax ꞌëmi catamëcë unicama an Nucën Papa Diosan bana ñuixuncë, a buánminuxun camina ësoquin cuënëoti ꞌain: Ax upíira upí ꞌixuan uisa cara Nucën Papa Dios ꞌicë quixun paránquinma uni ꞌunánmicë, an Nucën Papa Diosbëtan camabi ñu unio, an ca ësaquin mi caia:

Apocalipsis 4:11

Nucën ꞌIbu Dios, min camina camabi ñu uniocën. Mix cuëëncësabi oi ca ꞌiacëxa, mix cuëëncësabi oquin camina min cushínbi camabi ñu ënë menu ꞌicë ꞌimainun naínu ꞌicë ñuribi uniocën. Usa ꞌaish camina camabi unicama ꞌimainun ángelcamanribi rabitisa ꞌain.