Juan 1:18 - Kashibo-Kakataibo Biblia

¹⁸ Uinu ꞌicë unínbi ca Nucën Papa Dios isáma ꞌicën. Aín Bëchicë Achúshi, axa aín Papabë ꞌicë, an cuni ca uisa cara Nucën Papa Dios ꞌicë quixun nu ꞌunánmiacëxa.

Nukën 'Ibu Diosan ain unikama 'inan ain bana

¹⁸ Uinu 'icë unínbi ca Nucën Papa Dios isáma 'icën. Aín Bëchicë Achúshi, axa aín Papabë 'icë, an cuni ca uisa cara Nucën Papa Dios 'icë quixun nu 'unánmiacëxa.

Juan 1:18 Iomraidhean Croise

Génesis 16:13

Usa ꞌain ka Agar Nukën ꞌIbubë banatankëx abi kiakëxa, kikin anëkin ka Diosan ka ꞌë isia kikin anëakëxa, usa ꞌain kana bëríbi Diosan ꞌë iskëxbi ñukëma pain tsoti ꞌain.

Génesis 18:33

Ësai pain Abrahambë banatankëx ka Nukën ꞌIbu, anuax kuankëxa; ax kuankëbë ka Abraham axribi aín ꞌiti chupa këxtú ꞌakë anu utëkëankëxa.

Éxodo 24:10

Anuxun ka axa mapë́rakëkëkama atuinshi Israel unikaman Dios isakëxa: Iskin ka anua nikë ax upíira ꞌaish chabáchabákikë zafiro kakë a naí kuman bëtsi iskësa ꞌikë isakëxa.

Proverbios 8:30

anu kana ꞌëxribi a ënima abëbi ꞌiakën. Anu kana an ñu uniokë unisa ꞌaish nëtë́tibi ꞌëx kuëënmi anu ꞌiakën, usai ꞌikana an ismainunbi kamabi nëtë abë kuaiakën;

Isaías 40:11

ꞌIanan ka an ñuina bërúankë unían aín ñuina bërúankin; aín ñuinakama nuibakin aín shikami okin ꞌikúkin bixun tuianan, axa bërí bakënkëkamaribi bëruinra okë usaribi okin ꞌaia.

Números 12:8

ꞌimainun kana abë banai an unánkë unibë bësúnax banakësai banain, ꞌimainun kana kuaisabi ꞌitánun abë banakin ꞌënbi kain. ¿Usa ꞌaínbi karamina mitsux a ñui ꞌatimai banain?”

Mateo 11:27

Usaquin aín Papa Dios catancëxun ca Jesusan anu ꞌicë unicama amiribishi cacëxa: —ꞌËn Papa Diosan ca camabi aín sinan ꞌë ꞌunánmiaxa. Uinu ꞌicë unínbi ca uisa uni ꞌianan añu ꞌai carana ꞌëx uacën quixun ꞌunanima. ꞌËn Papa Diosan cuni ca ꞌunania. Usaribi oquin ca uinu ꞌicë unínbi, uisa cara Nucën Papa Dios ꞌicë quixun ꞌunanima. Aín Bëchicë, ꞌën cuni cana ꞌunanin, ꞌimainun ca a ꞌën uisaira cara ax ꞌicë quixun ꞌunánmisa tancë unicama anribi ꞌunania.

Lucas 10:22

Usaquin aín Papa Dios catancëxun ca Jesusan anu ꞌicë unicama amiribishi cacëxa: —ꞌËn Papa Diosan ca camabi aín sinan ꞌë ꞌunánmiaxa. Uinu ꞌicë unínbi ca uisa uni ꞌianan añu ꞌai carana ꞌëx uacën quixun ꞌunanima. ꞌËn Papa Diosan cuni ca ꞌunania. Usaribi oquin ca uinu ꞌicë unínbi, uisa cara Nucën Papa Dios ꞌicë quixun ꞌunanima. Aín Bëchicë, ꞌën cuni cana ꞌunanin, ꞌimainun ca a ꞌën uisaira cara ax ꞌicë quixun ꞌunánmisa tancë unicama anribi ꞌunania.

Juan 1:14

Nucën Papa Diosan Bana a ca bëtsi tuásaribi ꞌinun xanun bacë́ancëxa, uni ꞌinun. Nucën Papa Diosan sinánsaribi ꞌixun ca ënë menu ꞌicë unicama abë ꞌixun nuibacëxa. Ax aín Bëchicë Achúshi ꞌaish aín Papa Diossaribi ꞌaish aín sinan upíira upí cananuna isacën.

Juan 12:41

Ësaquin ca Isaíasnën cuënëocëxa, an Nucën Papa Diosan ꞌimicëxun Jesusan usoquin ñu ꞌati isanan bana ñuixunti iscë cupí.

Juan 13:23

Usa ꞌain ca aín ꞌunánmicë uni achúshi, aira Jesusan nuibacë, ax Jesús rapasu ꞌiacëxa.

Juan 14:9

Cacëxunbi ca Jesusan cacëxa: —¿Camabi nëtën mitsubë ꞌiabi caramina uisa uni carana ꞌai quixun ꞌë ꞌunaniman? An ꞌë iscë uni, an ca Nucën Papa Diosribi isia. ¿Usa ꞌaínbi caramina uisa cupí, nu ca Nucën Papa Dios ismit quin?

Juan 17:26

ꞌËx atubë ꞌimainun min ꞌë nuibacësaribitia atúxribi bëtsibë bëtsibë nuibananun cana uisaira caramina mix ꞌain quixun atu ꞌunánmian. Usa ꞌixun cana usabi oquin ꞌunánmiti ꞌain.

Juan 17:6

Minmi usama ꞌicëbi ꞌëmi sinánmicë, acama cana uisa caramina mix ꞌai quixun ꞌunánun bana ñuixuan. Min unio ꞌaísha minan ꞌicëbi camina ꞌëmia sinánun ꞌimia. Usaquinmi ꞌimicëx ca ꞌën min bana ñuixuncëxun cuati ax quicësabi oi ꞌiaxa.

Juan 3:11

Asérabi cana mi cain, nun ꞌunáncë ñu ñuianan nun iscë ñuribi ñui cananuna nux quin. Quiabi camina nun bana ca asérabi ꞌicë quixun sinaniman.

Juan 6:46

Uinu ꞌicë unínbi ca Nucën Papa Dios iscëma ꞌicën. Axa anuax uá ꞌëinshi cana a isacën.

2 Corintios 4:4

Usaquin sináncë unicaman ca ñunshin ꞌatimanën ꞌapúan sinánmicëxun, uisairai cara aín ꞌucha tërë́ncë ꞌaish Nucën Papa Diossaribi, Cristo, ainan ꞌiti ꞌicë quixun ꞌunanima.

Deuteronomio 4:12

usaía ꞌikëbë ka Nukën ꞌIbu tsi rëkirukësa a mëuküax mitsu kai banakëxa. Mitsúnbi kamina ax banaia kuakën, aín bana kuakinbi kamina, aín nami isanan a ñu ñubi mëratia iskanma ꞌain.

Colosenses 1:15

Uinu ꞌicë unínbia Nucën Papa Dios istima ꞌaínbi ca unían uisa cara Nucën Papa Dios ꞌicë quixun ꞌunánun asaribi ꞌaish aín Bëchicë ënë menu uacëxa. Añu ñubi unitisama ꞌain ca axira pain aín Papabë ꞌiacëxa.

1 Timoteo 1:17

Usa ꞌain cananuna Nucën Papa Dios, axa usabi ꞌApuira ꞌiá ꞌaish cëñútimoi usabi ꞌiti, a unin aín bërúnbi iscëma, ꞌianan an camabi ñu ꞌunáncë, axëshia Dios, a xënibua ꞌaínbi rabiti ꞌain. Usai ca ꞌiti ꞌicën.

1 Timoteo 6:16

Nucën Papa Dios axëshi ca cëñutima usabi ꞌia. Ax ca uíxbi bëbaquiantisama oquian pëcacë nëbë́tsi ꞌicën. Uínu ꞌicë unínbi ca a isáma ꞌicën. Istisama ca ax ꞌicën, uínbi ca a isima. Ax cushiira cushi ꞌicë ca xënibua ꞌaínbi camabi unicama ꞌimainun ángelcamanribi a rabiti ꞌicën. Usaquin ca ꞌati ꞌicën.

Josué 5:13

Achúshi nëtë́n Jericó ꞌurama ꞌixun ka Josuénën, ami achúshi uni aín manë xëtokë tuianx a bëmáno nikë isakëxa. Isi a ꞌurama obiani kuankin ka ñukákëxa: —¿Mix karamina nubë ꞌikë kama a ꞌain, ama ꞌaish kaina numi nishkë unikama a ꞌain?

1 Juan 4:12

Nucën Papa Dios ca uinu ꞌicë unínbi isáma ꞌicën. Usa ꞌaínbinu nux bëtsibë bëtsibë nuibanancëbë ca ax nubë ꞌicën. Nubë ꞌixun ca an ꞌacësaribi oquinu unicama nuibanun nu ꞌimia.

1 Juan 4:20

An —ꞌëx cana Nucën Papa Diosmi sinani ami catamëti —quicë ꞌaíshbi ami nishquin uni itsi nuibacëma ꞌaish ca a uni cëmëia. Usa ꞌixun ca a isquinbi uni itsi nuibaquin sináncëma ꞌixun a iscëma, Nucën Papa Dios, aribi sinanima.

1 Juan 4:9

Nucën Papa Diosan ca aratsuishi ꞌicëbi aín Bëchicë ënë menu uni ꞌinun xuacëxa, a cupínu nux ainan ꞌaish nëtë́timoi abë ꞌinun. Usoquian ꞌá ꞌain cananuna ꞌunanin, uisaira oquin cara Nucën Papa Diosan camabi uni nuibatia quixun.

1 Juan 5:20

ꞌUnánan cananuna ësaquinribi ꞌunanin, aín Bëchicënën ca ënë menu ax uá ꞌaínu ami catamëtia uisa cara Nucën Papa Dios, axëshia asérabi Dios, ax ꞌicë quixun nu ꞌunánmia. Aín Bëchicë, Jesucristo, ax nubë ꞌain cananuna an ꞌaquincëx ax cuëëncësabi oi tsotin. Ax ca axëshi asérabi Dios ꞌaínu nux ainan ꞌaish abë xënibua ꞌaínbi ꞌiti a ꞌicën.