Juan 1:17 - Kashibo-Kakataibo Biblia

¹⁷ Uisai cara Nucën Papa Diosan uni ꞌiti ꞌicë quixun ca Moisésnën nucën raracama ꞌunánmiacëxa. Usa ꞌaínbi ca axira uxun Jesucristonën asérabi nuibaquin aín ꞌucha tërë́nquin Nucën Papa Dios cuëëncësabi oía aín uni ꞌinun ꞌimiaxa.

Nukën 'Ibu Diosan ain unikama 'inan ain bana

¹⁷ Uisai cara Nucën Papa Diosan uni 'iti 'icë quixun ca Moisésnën nucën raracama 'unánmiacëxa. Usa 'aínbi ca axira uxun Jesucristonën asérabi nuibaquin aín 'ucha tërë́nquin Nucën Papa Dios cuëëncësabi oía aín uni 'inun 'imiaxa.

Juan 1:17 Iomraidhean Croise

Génesis 22:18

usa ꞌain ka kamabi menu ꞌikë unikama atu kupin upíokin sinánxunkë ꞌiti ꞌikën, min kamina ꞌën kakësabiokin ꞌan usa ꞌain.

Génesis 3:15

ꞌËn kana mixmi xanubë nishananun ꞌimiti ꞌain, ꞌën ꞌimikëx ka min rëbúnki ꞌimainun xanun rëbúnki nishananti ꞌikën. Aín rëbúnkinën ka min maxkánu mi amánuxun ꞌaia, ꞌakëxun kamina aín taë tsipútunu ꞌanuxun ꞌain.

Miqueas 7:20

¡ꞌËn ꞌIbu mix upí ꞌixun nu nuibakin kamina bërámami nun chaitiokëkama Abraham ꞌimainun Jacob kásabiokin nuribi ꞌakinti ꞌain!

Juan 1:14

Nucën Papa Diosan Bana a ca bëtsi tuásaribi ꞌinun xanun bacë́ancëxa, uni ꞌinun. Nucën Papa Diosan sinánsaribi ꞌixun ca ënë menu ꞌicë unicama abë ꞌixun nuibacëxa. Ax aín Bëchicë Achúshi ꞌaish aín Papa Diossaribi ꞌaish aín sinan upíira upí cananuna isacën.

Juan 14:6

Cacëxun ca Jesusan cacëxa: —ꞌËx cana anun cuanti bai, a ꞌain. ꞌIanan cana an Nucën Papa Diosan sináncë ñucama ꞌunánquin ax cuëëncësabi oquin ꞌacë, a ꞌain. ꞌIanan cana an uni anun tsóti nëtë ꞌináncë, a ꞌain. Uix cara Nucën Papa Diosnu cuainsa tania ax ca ꞌëmi pain catamëti ꞌicën.

Juan 18:37

Cacëxun ca Pilátonën catëcëancëxa: —¿Usa ꞌain caramina asërabi ꞌapu ꞌain? Quixuan cacëxun ca Jesusan cacëxa: —ꞌËx cana ꞌapu ꞌain, min ꞌë cacësabi oi. Usai ꞌinux cana ënë nëtënu uacën, Nucën Papa Diosan sináncë ñucama ñuiquin camabi uni canux. Uicaman cara uisaira cara a bana ꞌicë quixun ꞌunántisa tania, an ca ꞌën bana cuatia.

Juan 5:45

ꞌËn isana mitsumi Nucën Papa Dios manóin quixun sinánxunma ca ꞌat. Moisésnëan cuënëo bana, ax isa upí ꞌicë quiáxmi quicë, ax ꞌë ñui quicë ꞌaínbimi ꞌëmi sináncëma cupí camina ꞌuchocë ꞌiti ꞌain.

Juan 7:19

Moisésnën ca uisai cara Nucën Papa Diosan uni ꞌiti ꞌicë quixuan unin ꞌunánun aín bana cuënëocëxa. ¿Usa cat? Usa ꞌaínbi camina achúshi unínbi a bana quicësa oquin ꞌaiman. ¿ꞌËx Nucën Papa Diosan bana quicësabi oi uá ꞌicëbëbi caramina uisa cupí ꞌë ꞌacatsi quin?

Juan 8:32

Usai ꞌiquin camina ꞌën cushi, anun mitsux upí ꞌiti, a asérabi ꞌunánti ꞌain. ꞌUnanimi mitsux ꞌëx cuëëncësa oíshi ꞌia ca uínbi uisa ñu ꞌatimabi mitsu ꞌamitima ꞌicën.

Juan 9:29

Nun cananuna ꞌunan, Moisésbë ca Nucën Papa Dios banacëxa. Usa ꞌixunbi cananuna uinuax cara a uni uaxa quixun ꞌunaniman.

Hechos 28:23

Usa ꞌain ca a nëtë́an Pablonën bana ñuia cuacatsia quicë a nëtën ꞌaisamaira uni anua Pablo ꞌicënu uacëxa. Aía timëtia ca bari xamárutamainun ñuixuanan xupíopaquinribi bana ñuixuancëxa. Bana ñuixunquin ca uisari cara uni Nucën Papa Diosnan ꞌiti ꞌicë quixun canan —Moisés ꞌimainun an Nucën Papa Dios quicë bana uni ñuixuncë unicamaxribia, axa uti Cristo a ñui quiásabi oi ca Jesús uacëxa —quixun ñuixuancëxa.

Hechos 7:38

Moisés ax ca axa anu uni ꞌicëma menuax Israel unicama nëbë́tsi ꞌianan, aín bashi Sinaí cacë a tanáinuax abë banacë ángelbë ꞌianan nucën raracamabëribi ꞌiá ꞌiacëxa. ꞌIanan ca a aín unicamax usai ꞌiti bana Nucën Papa Diosan ꞌináncë, a ꞌiacëxa. A bana, Israel unicama nun ꞌunánuan cuënëonun ca Nucën Papa Diosan Moisés usaquin cacëxa.

2 Corintios 1:20

Nucën Papa Dios quicësabi oi ca camabi ñu Cristo Jesús cupí sënë́oncë ꞌiti ꞌicën. Usaquin ꞌunánquin cananuna Jesucristo cupí, aín bana cuaquin —ca usai ꞌiti ꞌicë —quixun Nucën Papa Dios rabin.

Gálatas 3:17

Ësa ca a bana ꞌicën. Nucën Papa Diosan ca aín rëbúnqui achúshi ñuiquin, a cupí ca camabi menu ꞌicë unicama an iscëx upí ꞌaish cuëënti ꞌicë quixun caquin Abrahambëtan ashiquin mëníocëxa. Usaquian mënío ꞌixun ca cuatrocientos treinta baritia inúcëbëtan Nucën Papa Diosan usai ca judíos unicama ꞌiti ꞌicë quicë bana Moisés cuënëomiacëxa. Usaquin cuënëomiquinbi ca an Abrahambëtan mënío bana ñancáishia ꞌinun Nucën Papa Diosan tërë́cama ꞌicën.

Deuteronomio 33:4

Moisésnën ka nukama a tanti Diosan bana Jacobnën rëbúnkikama ꞌinánkëxa,

Hebreos 9:22

Usa ꞌain ca usoquin ca judíos sacerdotenën ꞌati ꞌicë quixun Moisésnën cuënëo bana quicësabi oquin, anun Nucën Papa Dios rabiti ñucama ami imi ánscacë ꞌiacëxa, a ñuxa Nucën Papa Diosan iscëx upí ꞌinun. Ñuina bamacëbëma ca judíos unin ꞌucha tërë́ncëma ꞌiá ꞌitsíanxa. Usaribiti ca Jesús bamama ꞌain unin ꞌucha tërë́ncëma ꞌitsíanxa.