Juan 1:14 - Kashibo-Kakataibo Biblia

¹⁴ Nucën Papa Diosan Bana a ca bëtsi tuásaribi ꞌinun xanun bacë́ancëxa, uni ꞌinun. Nucën Papa Diosan sinánsaribi ꞌixun ca ënë menu ꞌicë unicama abë ꞌixun nuibacëxa. Ax aín Bëchicë Achúshi ꞌaish aín Papa Diossaribi ꞌaish aín sinan upíira upí cananuna isacën.

Nukën 'Ibu Diosan ain unikama 'inan ain bana

¹⁴ Nucën Papa Diosan Bana a ca bëtsi tuásaribi 'inun xanun bacë́ancëxa, uni 'inun. Nucën Papa Diosan sinánsaribi 'ixun ca ënë menu 'icë unicama abë 'ixun nuibacëxa. Ax aín Bëchicë Achúshi 'aish aín Papa Diossaribi 'aish aín sinan upíira upí cananuna isacën.

Juan 1:14 Iomraidhean Croise

Salmos 2:7

ꞌËx kana uisakin ꞌati kara Diosan sinánxa a ñui kiti ꞌain, an ka ësakin ꞌë kaxa: Mix kamina ꞌën bakë bëchikë ꞌain; usa ꞌaish kamina bërí ꞌën bakë bëchikëira ꞌiti ꞌain.

Isaías 40:5

Usa ꞌain ka Nukën ꞌIbun aín, kushia isnun ismiti ꞌikën. Ismikëxun ka kamabi unin timë́xun isti ꞌikën, usai ka Nukën ꞌIbu ax kiaxa.”

Isaías 53:2

Nukën ꞌIbun ka kuëëankëxa, aín uni axa ñu ꞌapákëx bërí koi kani aín tapunkama me ëskikë ꞌukëmëu kuankë usairibi ꞌiti. Usa ꞌaínbi ka upíma ꞌianan, chabáchabákikë upima ꞌiakëxa, ain namix ka usa ka kixun unin ñachakin istisama ꞌiakëxa;

Isaías 7:14

Diosan ka unibë ꞌikintankëma xanu: Xuntaku achúshi tuuñu ꞌinun ꞌimiti ꞌikën, ꞌimikëx bakëntankëxun ka Emanuel kakin anëti ꞌikën. Emanuel kikë ax ka, ‘Dios ka nubë ꞌikë ki kikë ꞌikën’.

Ezequiel 37:27

Usai ꞌëx atubë ꞌi atun Dios ꞌimainun, ka atúxribi ꞌën unikama ꞌiti ꞌikën.

Mateo 1:16

Jacob ax ca Josénën papa ꞌiacëxa. José ax ca María an Jesús, Cristo cacë, a tuua, aín bënë ꞌiacëxa.

Lucas 2:11

Ënë nëtën ca bacë́anxa anuax David bacë́an ëmanuax an camabi uni aín ꞌucha tërë́ncë ꞌaish Nucën Papa Diosnan ꞌinun ië́miti. Ax ca Nucën ꞌIbu Cristo, a ꞌicën.

Lucas 2:7

Sënë́ncëbë ca anu ꞌiti xubu anu ꞌaínbia ꞌaisamaira ꞌixun unin tsitsiruan anuxun ñuina pimiti ꞌitinuax María bacë́ancëxa. Bacë́nxun ca chupan rabúnxun anuxun ñuina pimiti bunánti anu aín tuá racáncëxa.

Lucas 9:32

Usa ꞌain ca ꞌuxcënan tënáncëxbi ꞌuxquinma Pedro ꞌimainun abë ꞌicë uni rabëtan Jesús bëtsicë isanan abë ꞌicë uni rabë́ aribi isacëxa.

Juan 1:1

Nucën Papa Diosan ñu unioisama pain ꞌaínbi ca aín Bana ꞌiacëxa. Aín Bana ax ca Nucën Papa Diosbë ꞌiacëxa, ax ca Nucën Papa Diosbi ꞌiacëxa.

Juan 11:40

Usaquian cacëxunbi ca Jesusan Marta cacëxa: —ꞌËn cana mi can, asë́rabi ꞌëmi catamëquin camina Nucën Papa Diosan aín cushin ñu ꞌaia isti ꞌain. ¿Usa cat?

Juan 14:6

Cacëxun ca Jesusan cacëxa: —ꞌËx cana anun cuanti bai, a ꞌain. ꞌIanan cana an Nucën Papa Diosan sináncë ñucama ꞌunánquin ax cuëëncësabi oquin ꞌacë, a ꞌain. ꞌIanan cana an uni anun tsóti nëtë ꞌináncë, a ꞌain. Uix cara Nucën Papa Diosnu cuainsa tania ax ca ꞌëmi pain catamëti ꞌicën.

Juan 14:9

Cacëxunbi ca Jesusan cacëxa: —¿Camabi nëtën mitsubë ꞌiabi caramina uisa uni carana ꞌai quixun ꞌë ꞌunaniman? An ꞌë iscë uni, an ca Nucën Papa Diosribi isia. ¿Usa ꞌaínbi caramina uisa cupí, nu ca Nucën Papa Dios ismit quin?

Juan 17:22

Nux cananuna rabë́ ꞌaíshbi achúshishi ꞌain. Usaribitia atux ꞌitsa ꞌaíshbi achúshisaishi ꞌinun cana ꞌëx misaribi ꞌixun atúxribia ꞌësaribi ꞌinun ꞌimian.

Juan 17:24

Papan, ënë nëtë unitisama pan ꞌain camina ꞌë nuibaquin misaribi ꞌinun min cushi ꞌë ꞌináncën. Usa cana ꞌëx ꞌai quixun isnúxa minmi ꞌë ꞌináncë unicamax anu ꞌëx ꞌicë anuribi ꞌëbë ꞌiti cana cuëënin.

Juan 18:37

Cacëxun ca Pilátonën catëcëancëxa: —¿Usa ꞌain caramina asërabi ꞌapu ꞌain? Quixuan cacëxun ca Jesusan cacëxa: —ꞌËx cana ꞌapu ꞌain, min ꞌë cacësabi oi. Usai ꞌinux cana ënë nëtënu uacën, Nucën Papa Diosan sináncë ñucama ñuiquin camabi uni canux. Uicaman cara uisaira cara a bana ꞌicë quixun ꞌunántisa tania, an ca ꞌën bana cuatia.

Juan 2:11

Usoquin ca Jesusan Galilea menu ꞌicë ëma, Caná, anuxun aín sinanëinshi ꞌatabaquin uni itsin ꞌacëma ñu ꞌacëxa, uni itsin cushisamaira ca aín cushi ꞌicë quixuan unicaman ꞌunánun. Usaquian ñu ꞌaia isi ca aín ꞌunánmicë unicama ami catamëacëxa.

Juan 3:16

Camabi uni asérabi nuibaquin ca Nucën Papa Diosan aín Bëchicë achúshi ënë menu xuacëxa, uicamax cara ami catamëtia axa nëtë́timoi abë ꞌinun.

Juan 3:18

Aín Bëchicëmia catamëcë uni ax ca Nucën Papa Diosan ꞌuchocë ꞌima. Usa ꞌaínbi ca axa ami catamëcëma uni ax aín Bëchicë achúshi ami catamëcëma cupí Nucën Papa Diosan aín ꞌucha cupí castícantishi ꞌicën.

Juan 6:51

ꞌËx cana naínuax uá ꞌaish anúan uni Nucën Papa Diosbë ꞌiti a ꞌain. Usa ꞌain ca axa ꞌëmi catamëcë uni ax ainan ꞌaish xënibua ꞌaínbi Nucën Papa Diosbë ꞌia. Uníxa ainan ꞌaish xënibua ꞌaínbi Nucën Papa Diosbë ꞌinun cana ꞌëx bamatsianxmabi bamati ꞌain.

Juan 8:32

Usai ꞌiquin camina ꞌën cushi, anun mitsux upí ꞌiti, a asérabi ꞌunánti ꞌain. ꞌUnanimi mitsux ꞌëx cuëëncësa oíshi ꞌia ca uínbi uisa ñu ꞌatimabi mitsu ꞌamitima ꞌicën.

Hechos 13:33

Salmos dos, anu ca Nucën Papa Diosan aín bëchicë cá bana ꞌicën, ësai quicë: “Mix camina ꞌën Bëchicë ꞌain. Usa ꞌicë cana xënibua ꞌaínbimi ꞌëbë ꞌinun mi ꞌimin”. Usai ꞌinun ca Nucën Papa Diosan aín Bëchicë Jesucristo baísquimiacëxa. Usaquin ca ꞌacëxa quixun cananuna nun ꞌunanin.

Romanos 8:3

Uisa ñux cara ꞌati ꞌicë, uisa ñux cara ꞌatima ꞌicë quicë bana a ꞌunánquinbi ca aín sinan upíma ꞌixun unin a bana quicësabi oquin ꞌatima ꞌicën. Usa ꞌaínbi ca unían a bana quicësabi oquin ꞌanun quixun Nucën Papa Diosan aín Bëchicë, nusaribi uni ꞌinun, xuacëxa. Xutancëxun ca aín Bëchicë, ꞌuchañuma ꞌaíshbia camabi unin ꞌucha cupí bamanun ꞌimiquin uni, aín ꞌuchacama tërë́anan ꞌuchatëcëanxma ꞌinun mëníocëxa.

Romanos 9:5

Israel unicamax ca Abraham ꞌimainun Isaac ꞌimainun Jacob, Israelribi cacë, acaman rëbúnqui ꞌicën. Uni ꞌaish ca Cristonën ꞌunánpaparibi Israelnën rëbúnqui ꞌiacëxa. Ax Diosribi ꞌaish ca camabi uni, camabi ñun ꞌibu ꞌianan ángelcaman ꞌiburibi ꞌicën. A ca camabi unin xënibua ꞌaínbi rabiti ꞌicën. Usai ca ꞌiti ꞌicën.

1 Corintios 15:47

A pain unio uni ax ca me ꞌacë ꞌiacëxa. A caxua ucë ax ca me ꞌacëma, naínuaxa ucë, Nucën ꞌIbu Jesucristo, ꞌiacëxa.

2 Corintios 12:9

Ñucácëxunbi ca ꞌë caxa: “ꞌËn mi nuibaquin ꞌaquincëxun ꞌunani camina usashi ꞌiti ꞌain. An —cushima cana ꞌai —quixun sináncë uni, a cana ꞌën cushínbi upí oquin ñu ꞌanun ꞌaquinin”. Usoquin ca Nucën ꞌIbu Jesucristonën upiti ami catamëquin ñucë ꞌixunbi ñu ꞌanun ꞌë ꞌaquinia quixun ꞌunani cana ꞌëx ñucë ꞌaíshbi cuëënin.

Gálatas 4:4

Usa ꞌaínbi ca aín uti nëtë sënë́ncëbëtan Nucën Papa Diosan aín Bëchicë ënë nëtënu xuacëxa. Achúshi xanúxa bacë́ncëx canitancëx ca judíos unicama ꞌicësaribiti Moisésnën cuënëo bana, usaía judíos unicama ꞌiti, a ꞌunáncë ꞌiacëxa.

Efesios 3:8

ꞌËx axa ami catamëcë uni raíribë sënë́nmara ꞌicëbi ca Nucën Papa Diosan nuibaquin, judíosma unicama Cristo ñui quicë bana ꞌunánminun ꞌë ꞌimiaxa, uisaira oquin cara Cristonën aín unicama nuibaquin ꞌaquinia quixuan ënë nëtënuxun aín unicaman ꞌunáinracëma ꞌicëbi.

Colosenses 1:19

Nucën Papa Dios cuëëncësabi oi ca Jesucristo ax asaribi cushiira ꞌianan upíira sinánñu ꞌiacëxa, uni ꞌaíshbi.

Colosenses 2:3

An camabi ñu ꞌunáncë ꞌixun ca ainan cupíshi Cristonën aín unicama ꞌunánmia.

Colosenses 2:9

Cristonëx ca uni ꞌicën, ꞌaíshbi ca uisaira cara Nucën Papa Dios ꞌicë usaribi ꞌicën.

1 Timoteo 3:16

Asérabia unin ꞌunáncëma ñu Nucën Papa Diosan aín unicamaishi ꞌunánmicë ꞌain ca nun ñuicë bana ënëx asérabi ꞌicën: Jesucristo ax ca Diosribi ꞌaish ënë menuax uni ꞌiacëxa. Jesucristonën ca aín nuitu upí ꞌixun upí ñuishi ꞌaia quixun ca Nucën Papa Diosan Bëru Ñunshin Upitan unicama sinánmiacëxa. ꞌImainun ca Jesucristonëx ángelnënribia iscë ꞌiacëxa. Usa ꞌain ca a ñuiquin aín unicaman camabi menuxun uni ꞌunánmia. A ñuicë banax ca asérabi ꞌicë quixun sinani ca camabi menuax, uni ami catamëtia. Usa ꞌaish ca ënë menu ꞌitancëx aín Papabë ꞌi aín nëtënu cuancëxa.

Hebreos 1:3

Nucën Papa Dios ax ca unin sinánsamaira ꞌaish upíira ꞌicën. Usa ꞌain ca aín Bëchicë Jesucristo axribi asaribi ꞌicën. Usa ꞌain ca uisa cara ax ꞌiacëxa quixun ꞌunánquin unin ꞌunánti ꞌicën, aín Papa Dios ax ca asaribi upí ꞌicë quixun. An unio ꞌixun ca an unio ñucama, aín banánbia usabi ꞌinun ꞌimia. Usa ꞌaish ca camabi unin ꞌucha tërë́ncë ꞌinun bamax baísquitancëx, aín Papan nëtënu cuan ꞌaish aín mëqueu abë ꞌApu ꞌicën.

Hebreos 1:5

Nucën Papa Diosan ca uinu ꞌicë ángelbi cáma ꞌicën: Mix camina ꞌën Bëchicë ꞌaish xënibua ꞌaínbi ꞌëbë ꞌiti ꞌai quixun. ꞌImainun ca uinu ꞌicë ángelbi ñuima, Jesúsëshi ñui, Nucën Papa Dios ësairibi quiacëxa: ꞌËx cana aín Papa ꞌiti ꞌain. Ax ca ꞌën Bëchicë ꞌiti ꞌicën.

Hebreos 10:5

Usa ꞌain ca Cristonën ënë nëtënu uquin aín Papa Dios ësaquin cacëxa: Ñuina unin rëxun xaroti cuëënquinma camina ꞌëx uni ꞌaish unicaman ꞌucha cupí bamati mëníon.

Hebreos 2:11

Jesús, an aín unicama Nucën Papa Diosan iscë́xa upí ꞌinun ꞌimicë a ꞌimainun an usaquin ꞌimicë unicama, acaman Papa ca Nucën Papa Dios ꞌicën. Usa ꞌain ca Jesús aín unicama sinani rabinima, atux ca ꞌën xucë́antu ꞌicë quia,

Hebreos 5:5

Usaribiquin ca Cristonën anbi judíos sacerdotenën cushicaman ꞌapu ꞌiti sinánma ꞌicën. Nucën Papa Dios an Mix camina ꞌën Bëchicë ꞌaish xënibua ꞌaínbi ꞌëbë ꞌiti ꞌai, quixun cacë, anbi ca Cristo judíos sacerdotenën cushicaman ꞌapu ꞌimiacëxa.

1 Juan 4:14

Nunbi cananuna, an atun ꞌucha tërë́nquin ënë menu ꞌicë unicama ainan ꞌinun ië́minuan Nucën Papa Diosan xuá, aín Bëchicë a isacën. Isá ꞌixun cananuna a ñuiquin mitsu cain.

1 Juan 4:9

Nucën Papa Diosan ca aratsuishi ꞌicëbi aín Bëchicë ënë menu uni ꞌinun xuacëxa, a cupínu nux ainan ꞌaish nëtë́timoi abë ꞌinun. Usoquian ꞌá ꞌain cananuna ꞌunanin, uisaira oquin cara Nucën Papa Diosan camabi uni nuibatia quixun.

2 Juan 1:7

ꞌItsa unin ca camabi menu cuanquin uni paránquin —Nucën Papa Diosan Bëchicë ca uni ꞌinux uacëxa —quixun caquinma, bëtsi bana ñuiquin uni parania. Usa unix ca an uni paráncë ꞌianan an ꞌatimaquinra Cristo ñuicë uni a ꞌicën.

Apocalipsis 19:13

Aín chupa ca imin pucucë ꞌiaxa. Ax ca aín anë Nucën Papa Diosan Bana caquin anëcë ꞌiaxa.

Apocalipsis 21:3

Isanan cana naínuaxa munuma ësai qui banaia cuan: —Camina isti ꞌain, anua uni bucucë, anu ca Nucën Papa Dios bërí ꞌia. Anu aín unicama ꞌicë anu ca Nucën Papa Dios ꞌiti ꞌicën. A unicamax ca asérabi aín uni ꞌiti ꞌicën. Ax aín Dios ꞌaish ca aín unicamabë ꞌiti ꞌicën.