Juan 1:12 - Kashibo-Kakataibo Biblia

¹² Usa ꞌixunbi ca uicamax cara ami sinánan ami catamëtia, acama Nucën Papa Diosan bëchicëa ꞌinun ꞌimiacëxa.

Nukën 'Ibu Diosan ain unikama 'inan ain bana

¹² Usa 'ixunbi ca uicamax cara ami sinánan ami catamëtia, acama Nucën Papa Diosan bëchicëa 'inun 'imiacëxa.

Juan 1:12 Iomraidhean Croise

2 Samuel 7:24

Min kamina Israel unibunëxa xënibua ꞌaínbi min uni ꞌiti kuëënxun usakin ꞌakën, ꞌanan kamina mix Dios ꞌixun usakin ꞌakë ꞌaish nun Diosribi ꞌiti ꞌain.

Oseas 1:10

“Usa ꞌain ka Israel unikama achúshi nëtën parúmpapa masi iskësaira ꞌaish, uínbi uiti ꞌitsaira kara kixun tupuntisama ꞌiti ꞌikën. Usa ꞌikë ka mitsux kamina ꞌën unima ꞌain kakima Diosan mitsu kati ꞌikën, mitsux kamina axa bamatima oi tsókë Dios ain bëchikë ꞌai kixun kati ꞌikën.”

Mateo 10:40

Ësaquinribi ca Jesusan aín ꞌunánmicë unicama cacëxa: —An mitsun bana cuacë uni an ca ꞌën banaribi cuatia. An ꞌën bana cuacë uni an ca Nucën Papa Dios, an ënë nëtënu ꞌë xua, aín banaribi cuatia.

Mateo 12:21

Judíosma unibunëxribi ca ami catamëti ꞌicën, an ca atu ꞌaquinia quixun ꞌunani.

Mateo 18:5

Uicaman cara ꞌëmi sinánquin ënë tuásaribi ꞌicëa —ñuumara ca —quixun unin sináncë uni a ꞌaquinsa ꞌicë nuibaquin ꞌaquinia, an ca ꞌëribi ꞌaquinia.

Juan 1:11

Ënë nëtënu ꞌicë unicaman ca an unio ꞌixunbi, atubë ꞌinúxa ucëbi biisama tancëxa.

Juan 1:7

Ax ca Nucën Papa Diosan Bana, an ꞌuchañuira ꞌicëbi uni aín nuitu upí ꞌimiti, ax ucëbëa ami catamënun camabi uni a ñuixuni uacëxa.

Juan 11:52

Judíos unicamaxëshima bëtsi bëtsi nëtënuaxa ax Nucën Papa Diosmi sináncë unicamaxribia ainan ꞌaish achúshisa ꞌinúan Jesús bamati ñuiquin ca usaquin cacëxa.

Juan 2:23

Pascua anun carnero ꞌati nëtën Jerusalénu ꞌixuan Jesusan uni itsin ꞌacëma ñu ꞌaia isi ca ꞌaisamaira uni —an ca asérabi Nucën Papa Diosan cushin ñu ꞌaia —quixun sináncëxa.

Juan 20:31

Jesús ax ca asérabi Cristo, Nucën Papa Diosan Bëchicë ꞌicë quixun ꞌunanimi ami catamëti mitsux xënibua ꞌaínbi Nucën Papa Diosnan ꞌinun cana ënë banacama cuënëon.

Juan 3:18

Aín Bëchicëmia catamëcë uni ax ca Nucën Papa Diosan ꞌuchocë ꞌima. Usa ꞌaínbi ca axa ami catamëcëma uni ax aín Bëchicë achúshi ami catamëcëma cupí Nucën Papa Diosan aín ꞌucha cupí castícantishi ꞌicën.

Hechos 3:16

Usa ꞌain ca nux asérabi ami sináncë ꞌixun —Jesusan ca ënë uni pëxcuti ꞌicë —quixunu nun sináncëbë, mitsúnmi a iscë ꞌixun ꞌunáncë uni ënëx upiti pëxcúaxa. Jesucristonëan pëxcutisa tancëbëtan nun ꞌaquincëx ca upitiira pëxcúaxa quixun camina iscanti ꞌain.

Romanos 8:14

Uicaman cara an sinánmicëxun Nucën Papa Diosan Bëru Ñunshin Upitan sinánmicësabi oquin ꞌaia, acamax ca asérabi Nucën Papa Diosan bëchicë ꞌicën.

Romanos 8:16

Aín Bëru Ñunshin Upitanbi ca nun nuitu mëúxun nu ꞌunánmia, nux cananuna asérabi Nucën Papa Diosan bëchicë ꞌai quixun.

Romanos 8:19

Cristo utëcëntamainun ca axbi ꞌiti ꞌaíshmabi, usai ꞌitioquian Nucën Papa Diosan mëníosabi oi camabi ñu tëmëranan cëñutia. Unin ꞌucha cupí usai tëmëranan chëquiti ꞌixunbi ca camabi ñu ꞌimainun camabi unínribi anúinra ꞌaímai tëmëranan chëquiti nëtë cainia.

Gálatas 3:26

Usa ꞌain camina mitsux Cristo Jesúsmi catamëti abë ꞌaish Nucën Papa Diosan bëchicë ꞌain.

Gálatas 4:6

Mitsux camina asérabi aín bëchicë ꞌai quixunmi ꞌunánun ca Nucën Papa Diosan aín Bëchicënën Bëru Ñunshin Upí mitsubëa ꞌinun xuacëxa. Usa ꞌain camina aín bëchicë ꞌixun —ꞌën Papa Dios camina mix ꞌai —quixun Nucën Papa Dios cain.

Colosenses 2:6

Usa ꞌain camina ainan ꞌiisa tania Nucën ꞌIbu Jesucristonën mitsu ainan ꞌimicë cupí axa mitsun ꞌibuira ꞌain, upitiira ami catamëti abë ꞌi ax cuëëncësabi oíshi ꞌiti ꞌain.

2 Pedro 1:4

Ainan ꞌimiquin ca aín bana ꞌinánquin Nucën Papa Diosan uisaira oquin cara nu ꞌaquinti ꞌicë quixun nu ꞌunánmia. Usaquian ꞌunánmicëx, a banami catamëti camina an sinánmicësabi oquin sinánan uni itsían ñunshínquin ñu ꞌatima ꞌaia isquinbi, usaribi oquin ꞌaquinma upí ñuishi sinánti ꞌain.

1 Juan 3:1

Nux cananuna Nucën Papa Diosan bëchicë ꞌain, an cacësabi oi. An aín bëchicë ca quixun nu cacë cupí cananuna ꞌunánti ꞌain, uisaira oquin cara an nu nuibatia quixun. Usa ꞌaínbi ca an ënë menu ꞌicë ñuishi sináncë unicaman ainanma ꞌixun Nucën Papa Dios ꞌunáncëma cupí, nux cananuna aín bëchicë ꞌai quixun ꞌunanima.

1 Juan 3:10

Ënëx ca ësa ꞌicën. Ui unin cara ñu upí ꞌaima ax ca Nucën Papa Diosnanma ꞌicën, ui unin cara uni itsiribi nuibatima axribi ca Nucën Papa Diosnanma ꞌicën. Usa ꞌain cananuna uinu ꞌicë unix cara Nucën Papa Diosan bëchicë ꞌicë quixun ꞌunánan uinu ꞌicë unix cara ñunshin ꞌatimanën ꞌapunan ꞌicë quixun ꞌunánti ꞌain.

1 Juan 3:2

ꞌËn nuibacë xucë́antu, bërí cananuna Nucën Papa Diosan bëchicë ꞌain. Usa ꞌicëbi ca uisaira caranuna ꞌinuxun ꞌai quixun an nu ꞌunánmicëma pan ꞌicën. Usa ꞌaínbi cananuna ꞌunanin, Jesucristo utëcëncëbëtan cananuna upí oquin uisa cara ax ꞌicë quixun isti ꞌain. A isi cananuna asaribi ꞌiti ꞌain.

1 Juan 3:23

Axa quicësabi oquin ꞌati bana ax ca ësa ꞌicën, cananuna aín Bëchicë Jesucristomi catamëanan bëtsibë bëtsibë nuibananti ꞌain, an nu cacësabi oi.