Juan 1:1 - Kashibo-Kakataibo Biblia

¹ Nucën Papa Diosan ñu unioisama pain ꞌaínbi ca aín Bana ꞌiacëxa. Aín Bana ax ca Nucën Papa Diosbë ꞌiacëxa, ax ca Nucën Papa Diosbi ꞌiacëxa.

Nukën 'Ibu Diosan ain unikama 'inan ain bana

¹ Nucën Papa Diosan ñu unioisama pain 'aínbi ca aín Bana 'iacëxa. Aín Bana ax ca Nucën Papa Diosbë 'iacëxa, ax ca Nucën Papa Diosbi 'iacëxa.

Juan 1:1 Iomraidhean Croise

Génesis 1:1

Uniotabakin ka Nukën ꞌIbu Diosan uniokëxa, naíkamë ꞌëo ꞌimainun me.

Isaías 7:14

Diosan ka unibë ꞌikintankëma xanu: Xuntaku achúshi tuuñu ꞌinun ꞌimiti ꞌikën, ꞌimikëx bakëntankëxun ka Emanuel kakin anëti ꞌikën. Emanuel kikë ax ka, ‘Dios ka nubë ꞌikë ki kikë ꞌikën’.

Isaías 9:6

Usa ꞌain ka nunu achúshi tuá bakënun ꞌimiaxa, Diosan ka nukama achúshi tuá ꞌinánxa, a tuá ka axa ꞌapu ꞌitiokin aín kushi ꞌinánkë ꞌiti ꞌikën. Usa ꞌikë ka ësokin kakë ꞌiti ꞌikën: “An bana ñuixunkin ꞌësëkëxun kuati upitani kuëënti,” “Dios uínbi kanantisama,” “Nukën papa Dios axa këñutima oi tsókë,” “Achúshi ꞌapun rëkuë́n bëchikë chuámarua ꞌinun uni ꞌakinux bakë́an.”

Mateo 1:23

Xanu achúshi unibë ꞌicëma pain ꞌaish ca tuñu ꞌitancëx bacë́nti ꞌicën. Aín tuá ax ca Emanuel caquin anëcë ꞌiti ꞌicën. Emanuel quicë ax ca “Nucën Papa Dios ca nubë ꞌicë” qui quicë ꞌicen.

Lucas 24:53

Cuantancëxun ca nëtë camabi anuxun Nucën Papa Dios rabiti xubunu cuanxun cuanxun, a rabiacëxa. Ashi.

Juan 1:14

Nucën Papa Diosan Bana a ca bëtsi tuásaribi ꞌinun xanun bacë́ancëxa, uni ꞌinun. Nucën Papa Diosan sinánsaribi ꞌixun ca ënë menu ꞌicë unicama abë ꞌixun nuibacëxa. Ax aín Bëchicë Achúshi ꞌaish aín Papa Diossaribi ꞌaish aín sinan upíira upí cananuna isacën.

Juan 1:18

Uinu ꞌicë unínbi ca Nucën Papa Dios isáma ꞌicën. Aín Bëchicë Achúshi, axa aín Papabë ꞌicë, an cuni ca uisa cara Nucën Papa Dios ꞌicë quixun nu ꞌunánmiacëxa.

Juan 1:2

Usa ꞌain ca ñu uniocëma pain ꞌain aín Bana, ax Nucën Papa Diosbë ꞌiacëxa.

Juan 16:28

Nucën Papanuax cana ënë nëtënu uacën. Uá ꞌaíshbi cana ënë nëtënuax amiribishi Nucën Papabë ꞌi cuantëcënin.

Juan 17:5

Usa ꞌain camina ënë nëtëa unicëma pain ꞌain ꞌëx ꞌiásabi oi misaribi ꞌitëcënun, minu cuania ꞌë ꞌimitëcënti ꞌain.

Juan 20:28

Cacëxun ca Tomásnën —mix camina asérabi ꞌën ꞌIbu ꞌianan ꞌën Diosribi ꞌai —quixun cacëxa.

Juan 8:58

Quia ca Jesusan cacëxa: —ꞌËn cana asérabi mitsu cain, Abraham ꞌicëma pain ꞌain cana ꞌëx ꞌiacën.

Romanos 9:5

Israel unicamax ca Abraham ꞌimainun Isaac ꞌimainun Jacob, Israelribi cacë, acaman rëbúnqui ꞌicën. Uni ꞌaish ca Cristonën ꞌunánpaparibi Israelnën rëbúnqui ꞌiacëxa. Ax Diosribi ꞌaish ca camabi uni, camabi ñun ꞌibu ꞌianan ángelcaman ꞌiburibi ꞌicën. A ca camabi unin xënibua ꞌaínbi rabiti ꞌicën. Usai ca ꞌiti ꞌicën.

Efesios 3:9

Nucën Papa Dios, an camabi ñu unio, an ca —Cristo ca uti ꞌicë —quixun bëráma mënío ꞌixunbi Cristo ucëmapan ꞌain, a ñui quicë bana uisai quicë cara quixuan unin cuanun ꞌunánmiama ꞌicën. ꞌUnánmiama ꞌixunbi ca bërí a bana unicama ꞌunánminun Nucën Papa Diosan ꞌë caxa.

Filipenses 2:6

Aribi ꞌaish Nucën Papa Diosbë ꞌixunbi ca —anu ꞌëx asaribi ꞌaish ꞌën Papa Diosbë ꞌicë ënë nëtë cana ëbiántima ꞌai —quixun sinánma ꞌicën.

Colosenses 1:15

Uinu ꞌicë unínbia Nucën Papa Dios istima ꞌaínbi ca unían uisa cara Nucën Papa Dios ꞌicë quixun ꞌunánun asaribi ꞌaish aín Bëchicë ënë menu uacëxa. Añu ñubi unitisama ꞌain ca axira pain aín Papabë ꞌiacëxa.

Colosenses 1:17

Ñucama uniocëma pan ꞌaish ca axira pain ꞌiacëxa. ꞌIxun ca uniotancëxun, usabia ꞌinun camabi ñu mëníocëxa.

1 Timoteo 3:16

Asérabia unin ꞌunáncëma ñu Nucën Papa Diosan aín unicamaishi ꞌunánmicë ꞌain ca nun ñuicë bana ënëx asérabi ꞌicën: Jesucristo ax ca Diosribi ꞌaish ënë menuax uni ꞌiacëxa. Jesucristonën ca aín nuitu upí ꞌixun upí ñuishi ꞌaia quixun ca Nucën Papa Diosan Bëru Ñunshin Upitan unicama sinánmiacëxa. ꞌImainun ca Jesucristonëx ángelnënribia iscë ꞌiacëxa. Usa ꞌain ca a ñuiquin aín unicaman camabi menuxun uni ꞌunánmia. A ñuicë banax ca asérabi ꞌicë quixun sinani ca camabi menuax, uni ami catamëtia. Usa ꞌaish ca ënë menu ꞌitancëx aín Papabë ꞌi aín nëtënu cuancëxa.

Tito 2:13

Usaquin ꞌunánmianan ca nu ꞌunánmia, nux ainan ꞌixun cananuna ax quiásabi oía an nu ië́micë Jesucristo, ax Nucën Papa Diosribi ꞌaish, aín cushibëbi utëcënti nëtë caínti ꞌai quixun.

Hebreos 13:8

Jesucristo ax ca usabi ꞌiá ꞌaish bëríribi usabi ꞌaish, usabi ꞌiti ꞌicën.

Hebreos 7:3

Melquisedec a ca uix cara aín papa ꞌiacëxa, uix cara aín tita ꞌiacëxa, añu nëtën cara bacë́ancëxa, añu nëtën cara bamacëxa, uicamax cara aín rara ꞌiacëxa, abi unin ꞌunánma ꞌicën. Usa ꞌain ca judíos unibunëx —Melquisedec ax ca bamama ꞌicë —quia. Nucën Papa Diosan Bëchicënëx ca nëtë́timoi xënibua ꞌaínbi sacerdote, an unicama Nucën Papa Dios ñucáxuncë ꞌicën, uni Melquisedec ñui quiásaribiti.

2 Pedro 1:1

ꞌËx cana Simón Pedro, ax cuëëncësabi oquin ꞌanan aín bana uni ñuixunuan Jesucristonën caísa ꞌain. An nu ië́micë Jesucristo, axbi Nucën Papa Diosribi ꞌaish upí ꞌixuan nu ꞌacësaribi oquin ainan ꞌinun ië́micë, mitsu cana ënë quirica buánmin.

1 Juan 5:20

ꞌUnánan cananuna ësaquinribi ꞌunanin, aín Bëchicënën ca ënë menu ax uá ꞌaínu ami catamëtia uisa cara Nucën Papa Dios, axëshia asérabi Dios, ax ꞌicë quixun nu ꞌunánmia. Aín Bëchicë, Jesucristo, ax nubë ꞌain cananuna an ꞌaquincëx ax cuëëncësabi oi tsotin. Ax ca axëshi asérabi Dios ꞌaínu nux ainan ꞌaish abë xënibua ꞌaínbi ꞌiti a ꞌicën.

1 Juan 5:7

Usa ꞌain ca naínu ꞌicë Nucën Papa Dios ꞌimainun aín Bana, Jesucristo, ꞌimainun aín Bëru Ñunshin Upí, acama ꞌaish rabë́ ꞌimainun achúshi ꞌicën. Usa ꞌaíshbi ca achúshishi ꞌicën. Anribi ca nu ꞌunánmia, Jesus, ax ca asérabi Cristo, Nucën Papa Diosan Bëchicë, a ꞌicë quixun.

Apocalipsis 1:11

Banai ësai quia cana cuan: —ꞌËx cana uisa ñubia ꞌaíma ꞌaínbi ꞌiacën, usa ꞌaish cana ënë menu ꞌicë ñucama cëñúcëbë usabi ꞌiti ꞌain. Usa ꞌaish cana a pain ꞌunánti bana “A” ꞌimainun tsiánquinribi ꞌunánti bana “Z” asaribi ꞌain. Ënuxunmi min iscë ñucama ñuiquin camina quiricanu cuënëoti ꞌain. Cuënëotancëxun camina axa ꞌëmi sinani ꞌëmi catamëcë unicama, mëcën achúshi ꞌimainun rabë́ ëmanu ꞌicë, acamami cuënëocë quirica buánmiti ꞌain, Efeso, Esmirna, Pérgamo, Tiatira, Sardis, Filadelfia, Laodicea, a ëmacamanu ꞌicë unicama a.

Apocalipsis 1:17

Usa isi cana racuëtan bamai a tanáin nipacëan. Nipacëtia ca aín mëcën mëqueunën ramëquin ꞌë caxa: —Racuëaxma ca ꞌit. ꞌËx cana ñu ꞌaíma pan ꞌain ꞌiacën. Usa ꞌaish cana camabi ñu cëñúcëbë usabi ꞌiti ꞌain.

Apocalipsis 1:2

Xucëxuan ismicëxun ca Juanën uisa ñu cara isaxa quixun cëmëquinma a ñucama cuënëoxa. Usaquin ca Juanën Nucën Papa Dios quicësabi oquian Jesucristonën a ismianan a ñuiquin cacë banacama cuënëoxa.

Apocalipsis 1:8

Nucën ꞌIbu Dios, axa usabi ꞌiá ꞌaish usabi ꞌicë, ax ca cushiira ꞌaish, uisa cushi cara, aín cushibëtanbi sënë́nmaira ꞌicën. Usa ꞌaish ca ax ësai quia: —ꞌËx cana uisa ñubia ꞌaíma ꞌaínbi ꞌiacën, usa ꞌaish cana ënë menu ꞌicë ñucama cëñúcëbë usabi ꞌiti ꞌain. Usa ꞌaish cana a pain ꞌunánti bana “A” ꞌimainun tsiánquinribi ꞌunánti bana “Z” asaribi ꞌain.

Apocalipsis 19:13

Aín chupa ca imin pucucë ꞌiaxa. Ax ca aín anë Nucën Papa Diosan Bana caquin anëcë ꞌiaxa.

Apocalipsis 2:8

Usaquin catancëxun ca ësaquinribi cuënëonun ꞌë caxa: —An axa Esmiranuax ꞌëmi catamëcë unicama ꞌë ñui quicë bana ñuixuncë uni, a buánminuxun camina ësoquin cuënëoti ꞌain: Axa ñu ꞌaíma pan ꞌain ꞌiá ꞌaish camabi ñu cëñúcëbë usabi ꞌiti, axa bamaxbi bamatëcëntimoi baísquicë, Jesús, an ca ësaquin mi caia:

Apocalipsis 21:6

Caxun ca ꞌë caxa: —Anuishi sënë́nquin cana ꞌan. ꞌËx cana uisa ñubia ꞌaíma ꞌaínbi ꞌiacën, usa ꞌaish cana ënë menu ꞌicë ñucama cëñúcëbë usabi ꞌiti ꞌain. Usa ꞌaish cana a pain ꞌunánti bana “A” ꞌimainun tsiánquinribi ꞌunánti bana “Z” asaribi ꞌain. Shimaia uni ꞌunpax ꞌacatsi bënë́cësa, usaribitia ꞌënan ꞌiisa tani bënëtia, cana ꞌënan ꞌaísha ꞌën Bëru Ñunshin Upíñu ꞌinun, cupí ñuixunquinma, ꞌimiti ꞌain.

Apocalipsis 22:13

ꞌËx cana uisa ñubia ꞌaíma ꞌaínbi ꞌiacën. Usa ꞌaish cana ënë menu ꞌicë ñucama cëñúcëbë usabi ꞌiti ꞌain. Usa ꞌaish cana a pain ꞌunánti bana “A” ꞌimainun tsiánquinribi ꞌunánti bana “Z” asaribi ꞌain.

Apocalipsis 3:14

Usaquin catancëxun ca ësaquinribi cuënëonun Jesusan ꞌë caxa: —Axa Laodiceanuax ꞌëmi catamëcë unicama an Nucën Papa Diosan bana ñuixuncë, a buánminuxun camina ësoquin cuënëoti ꞌain: Ax upíira upí ꞌixuan uisa cara Nucën Papa Dios ꞌicë quixun paránquinma uni ꞌunánmicë, an Nucën Papa Diosbëtan camabi ñu unio, an ca ësaquin mi caia: