Josué 4:5 - Kashibo-Kakataibo Biblia

⁵ ësokin kakëxa: Jordán baka ëskikë nëbë́tsi anua Diosan bunántisa okin ꞌakë kurin ratakakakë ꞌikë anua kamina mitsun achúshi achúshi ñakánu ꞌikë unin maxáx ꞌiarukin mapai rabë́ ꞌimainun rabë́ sënën ꞌitanun biti ꞌain.

Josué 4:5 Iomraidhean Croise

Génesis 31:46

nankin ka abë ꞌikë unikama kakëxa: —¡Kamina maxáxkama timëkin bixun bukúnti ꞌain! Ësokian kakëxun ka kamaxunbi maxax timëtankëxun achúshishi ꞌitánun maburukin buküankëxa, bukuntankëxun ka a rapasu timë́xun pikankëxa maxáxkama maburukin bukúnkë anuxun.

Éxodo 24:4

Usa ꞌain ka Moisésnën Nukën ꞌIbun kakësabiokin kamabi bana kuënëokëxa, kuënëoxun ka pëkarakëma ꞌaínshi nirutankëxun, anuxun a rabiti achúshi ñu aín bashi tanain ꞌamiakëxa, ꞌatankëxun ka a rapasu mapai rabë́ ꞌimainun rabë́ maxax nankëxa, a ka Jacobnën bakë bëchikëkama ꞌia ami sinánkin nankëxa.

Deuteronomio 9:1

Amiribishi ka Moisésnën Israel unikama ësokin kakëxa: ꞌën mitsu kamainun kamina kuakanti ꞌain, Israel unikama anúnmi Jordán kakë baka sikarakëti kuani kuanti nëtë ka ꞌurama ꞌikën, anu ꞌikë ëmakamax ka chaiirabu ꞌimainun ka anu tsókë unikamaxribi mitsubë sënë́mabuira kushiira ꞌaish nun titikaisamabu ꞌikën, ꞌimainun ka atun ëmakama axribi chaiorukin kënëabu ꞌikën;

Josué 4:4

Usa ꞌain ka Josuénën mapai rabë́ ꞌimainun rabë́ uni kaískë a kuënxun,

Josué 4:6

Akamax ka a isi numi sinania nun rëbúnkikama ënuxun ka Diosan atu ꞌakinkin ñu chaiira ꞌakëxa kixun sinánti ꞌiti ꞌikën, sinánkin ka mitsun bakë bëchikëkaman ñukáti ꞌikën: ¿Uisoti nan kara ënë maxákama ënëx ꞌik?,