Josué 4:3 - Kashibo-Kakataibo Biblia

³ a kamina kati ꞌain, mapai rabë́ ꞌimainun rabë́ maxax anuaxa baka tëarabëti ëskikë anua sacerdotekama nirakëkë anuabia achúshi achúshi maxax bibiakin uinu kara ñantabukëbë bëankibutia anubi buánun kati ꞌain.

Josué 4:3 Iomraidhean Croise

Génesis 28:22

ꞌËn kana uinu karana ënë maxax nankë anubi Nukën ꞌIbu Dios anuxun rabiti ꞌati ꞌain; ꞌimainun kana mi asérabi manukima uisa ñukama kaina ꞌë ꞌinani a mësú mi ꞌinánti ꞌain.

Salmos 103:2

ꞌËn kana Nukën ꞌIbu Dios ꞌën kushibëtanbi rabiti ꞌain; usakin ꞌakin kana kamabi ñu ꞌë ꞌakinkë a manukinma sinánti ꞌain.

Lucas 19:40

Cacëxun ca Jesusan cacëxa: —ꞌËn cana mitsu cain, ënë unicaman ꞌë rabicëbëtanma ca ënë maxáxcama ënën cuëncëni sharáquin ꞌë rabiti ꞌicën.

Josué 24:27

usokin ꞌatankëxun ka Josuénën Israel unikama kakëxa: —Ënë mapara chaiira ꞌën nitsinkin nankë ënëx ka, uisakin karanuna nun Nukën ꞌIbun ꞌamikëxun ñu ꞌakën kixunmi mitsun ñuiti ꞌinuxun ꞌaia. Ënëx ka a isia bëtsi unikamax mitsux ismina usai ꞌiakën kikë ax këmëkësa ꞌitima kupín kamina upiti Diosmi sinánkanti ꞌain.

Josué 3:13

Uínsaran kara sacerdotekaman bunántisa okin ꞌakë kurin ratakakakë anua Nukën ꞌIbun kamabi men ꞌibu ain bana a buani tapukikiankëbë ka tëarabëti amo rabë́ chairui aín rëbumiax ꞌia ubúkë ax tikimainun kuabúkë ax amorabë́ chitëti nunkuruti ꞌikën.

Josué 4:4

Usa ꞌain ka Josuénën mapai rabë́ ꞌimainun rabë́ uni kaískë a kuënxun,

Josué 4:8

Usokian Josuénën kakëxun ka an kakësabiokin. Jordán kakë baka panárabëti ëskikë anua, mapai rabë́ ꞌimainun rabë́ maxá achúshi achúshi Israel unin bibiankin anua ꞌikankë anu buánxun maburukin nankëxa, usokin ꞌanúan Nukën ꞌIbun Josué kakësabiokin.

1 Samuel 7:12

Usakin ꞌan ka Samuelnën achúshi mapara chaiira bixun Mispá kakë ëmabëa Sen kakë me sënënakëkë anu nitsíankëxa, nitsintankëxun ka Eben-ézer kakin anëakëxa anëi ka ësai kiakëxa: “Bërí ka ënuxun Nukën ꞌIbun nukama ꞌakianxa kiax kiakëxa.”