Josué 3:1 - Kashibo-Kakataibo Biblia

¹ Usakian kónkëx ka pëkarakëma ꞌaínshi, Josué ꞌimainun israel unibu Sitim kakë anu paia bukukë anuax kuantankëx Jordán kakë baka anu bëbakankëxa; bëbatankëx ka sikarakënux anu pain ꞌikankëxa.

Josué 3:1 Iomraidhean Croise

Génesis 21:14

Usokin konkë a pëkarakëma ꞌaínshi ka Abrahamnën an ñu ꞌaxunkë xanu Agar aín xubunuax kuantanun xukin pán ꞌimainun aín piti ꞌinánan achúshi ñu xaká burasa okin ꞌakë ami aín ꞌumpax ꞌinánkëxa; ꞌinánkin ka aín kaxunu kañumiakëxa, usakin ꞌinántankëxun ka aín bëchikë Ismael kuantanun kixun aín titakëñun xuakëxa. Xukëx ka uimi kara kuanti ꞌikë kixun ꞌunánimabi anu uni ꞌikëma me aukikiani kuantankëx Beerseba au kuankëxa.

Génesis 22:3

Usakian koónkëxun, ka pëkarakëma ꞌaínshi, nirukin Abrahamnën aín asno kaxu mëníotankëxun; anu karu tëapaxun nëakë, puruakëxa anun ñuina xaroti usakin ꞌabiani ka Nukën ꞌIbu Diosan anu kuanun kakë anu, aín bëchikë Isaac ꞌimainun an ñu mëëmikë uni rabë́ buani kuankëxa.

Jeremías 26:5

an bana ñuikë ꞌën unikama ꞌitsokin xutia xutiabi, kamina an kakë banakama kuaisamatankankë ꞌaínbi kamina atun bana kikësokin ꞌakankëma ꞌain,

Jeremías 7:13

ꞌËn amiribi amiribi usaími tsókankë a ñuikin kakëxunbi kamina mitsun kuaisama tankën, usa ꞌaínbi kamina kuaisama tankin, ꞌëbi kaisama tankën. ꞌËx Min ꞌIbu ꞌaish kana ësai kin.

Miqueas 6:5

ꞌËn unikama bërí kamina sinánkanti ꞌain uisakin kara Balac Moabnu ꞌikë ꞌapu an sinánkëxa kixun, ꞌimainun kara Balaam Beornën bakë bëchikë an uisakin ribi a kamiakëxa kixun. ꞌImainun kamina Sitimnuax, Guilgalnu kuania kara Diosan mitsun ꞌunánun uisokëxa kixun aribi sinánkanti ꞌain.

Marcos 1:35

Usoquin ꞌoonx ca pëcaracëma ꞌaínshi niruquiani anua uni ꞌicëmanu cuanx Jesús Nucën Papa Diosbë banacëxa.

Josué 2:1

Achúshi nëtën ka anua Israel unikama bukukë Sitim kakë anuxun rabë́ uni Josuénën unë́kianxuan istánun xuakëxa: Xukin ka kakëxa anu kuanxun kamina Canaán kakë me ñachanan anua ꞌikë Jericó ëma a isikuanti ꞌain. Usakin kakëx ka a uni rabë́ kuantankëx bëtsi bëtsi unin ꞌain nami ꞌakë xanu Jericó ëmanu ꞌikë Rahab aín xubunu ñantan ꞌuxi bërúakëxa.

Josué 6:12

ꞌInëti pëkarakëma ꞌaínshia, Josué nirukëbëtan ka sacerdotekaman bunántisa okin akë kurin ratakakakë anua Nukën ꞌIbun ñukama ꞌarukë ꞌiakin biruakëxa.

Josué 6:15

Usai ꞌikë mapai achúshi ꞌimainun rabë́ nëtë ꞌikë anun ka pëkarakëma ꞌaínshi tsuakirukianx ëma ꞌuri mañarakëtëkëankëxa, bëráma ꞌikësabi oí, ka a nëtën mapai achúshi ꞌimainun rabë́ oi ëma uri mañarakëtëkënkankëxa.

1 Samuel 17:20

Usokia koónkëxun ka pëkarakëma ꞌaínshi, niruxun Davidnën ax kuantamainua aín papa Jesé aín ñuina bërúanxunti uni barixun ami ëbiani, aín xukë́nkama ꞌinántia aín papan ꞌinánkë piti a buani kuankëxa. Kuantankëx anua ꞌikankë anu bëbakin kuakëxbi ka Israel suntárukamax ꞌakanani kuanux mëníokati sharatia kananuna atu rëtëi kuanti ꞌai kiax kikania kuakëxa.