Josué 2:1 - Kashibo-Kakataibo Biblia

¹ Achúshi nëtën ka anua Israel unikama bukukë Sitim kakë anuxun rabë́ uni Josuénën unë́kianxuan istánun xuakëxa: Xukin ka kakëxa anu kuanxun kamina Canaán kakë me ñachanan anua ꞌikë Jericó ëma a isikuanti ꞌain. Usakin kakëx ka a uni rabë́ kuantankëx bëtsi bëtsi unin ꞌain nami ꞌakë xanu Jericó ëmanu ꞌikë Rahab aín xubunu ñantan ꞌuxi bërúakëxa.

Josué 2:1 Iomraidhean Croise

Génesis 42:16

Usa ꞌain ka mikama achúshinën a bitsi kuanti ꞌikën. A bitsia kuantamainun ka raírinëx sipuakë ꞌiti ꞌikën. Usa ꞌain kananuna mitsúxmi kikë ënëx kara asérabi ꞌikën kixun isti ꞌain, mitsux kikë asérabima ꞌain ka këmëkuatsini ukë ꞌiti ꞌikën. Ësakin kana faraónën anën mitsu kain.

Génesis 42:9

Usa ꞌain ka atux usai ꞌitia namá a sinánkin aín xukë́nkama Josénën kakëxa: —Mitsux kamina këmëkuatsini ꞌutunanishi uan. Usa ꞌain kamina uisaxun ꞌaisa kara ënë ëma ꞌikë kixun isi ukan.

Miqueas 6:5

ꞌËn unikama bërí kamina sinánkanti ꞌain uisakin kara Balac Moabnu ꞌikë ꞌapu an sinánkëxa kixun, ꞌimainun kara Balaam Beornën bakë bëchikë an uisakin ribi a kamiakëxa kixun. ꞌImainun kamina Sitimnuax, Guilgalnu kuania kara Diosan mitsun ꞌunánun uisokëxa kixun aribi sinánkanti ꞌain.

Números 13:1

Achúshi nëtën ka Nukën ꞌIbun Moisés ësokin kakëxa:

Números 13:2

“Israel unibu raíri kamina ꞌën mitsu ꞌinánuxun ka Canaán kakë me a ñachatanun xuti ꞌain. Xukin kamina achúshi achúshi ñakánu ꞌikë aín kushibu xuti ꞌain.”

Mateo 1:5

Salmón ax ca Booznën papa ꞌiacëxa, Rahab aín tita ꞌimainun. Booz ax ca Obednën papa ꞌiacëxa, Rut aín tita ꞌimainun. Obed ax ca Isaínën papa ꞌiacëxa.

Mateo 10:16

ꞌËn cana carnero ꞌinúan nëëcë nëbë́tsinu ꞌicësaribi ꞌinun mitsu xutin. Nëëquin ca ꞌinúanën carnero binuxun bëarati ꞌicën. Usaribi oquin ca axa mitsumi nishcë unin mitsu ꞌatimocatsi quixun sinánti ꞌicën. Usaquian sináncëbë camina bërúancati ꞌain, runu ꞌicësaribiti. Bërúancanan camina axa mitsumi nishcë uni ami nishi abë ꞌatimonantima ꞌain, numacuru ꞌicësaribiti.

Efesios 5:5

Camina asérabi ꞌunánti ꞌain, axa aín xanuma ꞌaínbi xanubë ꞌicë uni, axa xanúxmabi unibë ꞌicë uni, an ainanma uni itsin ñu cuëëncë uni, a unicamax ca Nucën Papa Diosmabi, unínbi ꞌacë ñuishi rabicësa ꞌicën. Usa unicamax ca Nucën Papa Diosan nëtë anua Cristoribi ꞌicë anu abë ꞌitima ꞌicën.

Hebreos 11:31

A cënë rurucubúcëbëa anu ꞌicë unicama an Nucën Papa Diosan bana cuacëma ꞌaish cëñúmainun ca ꞌatima xanu Rahab cacë, axëshi ꞌiacëacëxa, an Nucën Papa Diosmi sinánquin judíos unibunën xucë uni rabë́ ꞌaquincë cupí.

Santiago 2:25

Usaribi oquin ca Rahab cacë xanu ax ꞌaisama ꞌixunbia Israel uni rabë́ Jericó ëmanu ꞌicë unicaman ꞌatin rabanan, aín xubunu unëxun bëtsi bain cuantánun xucë, a cupí Nucën Papa Diosan upí isacëxa.

Josué 1:18

Usa ꞌain ka uin kara min kakësabiokin ꞌaisamatani kërutia a unix ꞌakë ꞌiti ꞌikën. Usa ꞌain kananuna nun mi kain uisai kara uni ꞌikëbëbimi rakuëaxma kushinun.

Josué 2:2

ꞌAínbi ka anu ꞌikë unin ñuia kuabianxun Jericó ëmanu ꞌikë ꞌapu ësokin kakëxa: —Uiti israel uni sapi kaisa nun me ñachai ënë imë́ uonxa.

Josué 3:1

Usakian kónkëx ka pëkarakëma ꞌaínshi, Josué ꞌimainun israel unibu Sitim kakë anu paia bukukë anuax kuantankëx Jordán kakë baka anu bëbakankëxa; bëbatankëx ka sikarakënux anu pain ꞌikankëxa.

Josué 5:10

Usa ꞌain ka Guilgal kakë anu pain israel unikama ꞌiakëxa, mapai rabë́ ꞌimainun rabë́ ꞌimainun rabë́ nëtë a xupibukëbëtan ka anua ꞌikankë Jericó ꞌuramanuxun Pascua nëtë inúkin fiesta ꞌakankëxa.