Josué 10:3 - Kashibo-Kakataibo Biblia

³ Usai ꞌitsaira rakuë́kin ka Adonisédec Jerusalénnu ꞌikë ꞌapu an ñakáitsinu ikë ꞌapukama katánun xukin kamia a ka ënëkama ꞌiakëxa Hoham, Hebrónnu ꞌikë ꞌapu ꞌimainun Jarmut, kakë ëmanu ꞌikë ꞌapu Piram ꞌianan Jafía Laquisnu ꞌikë ꞌimainun Debir Eglón anu ꞌikë ꞌapu akamabi kamiakëxa:

Josué 10:3 Iomraidhean Croise

Génesis 23:2

ati baritia tsótankëx ka ñuakëxa Quiriat-arbá, kakëbia Hebrón kakin anëkë ëma anuax, ka Canaán me anu ꞌiakëxa. Usa ꞌain ka Abraham aín xanu ñukë ꞌain ꞌitsaira masá sinani iakëxa.

Génesis 37:14

—Kakëxun ka Jacobnën asábi ka kixun kakëxa. Ka istan uisa kara min xukë́nkama ꞌikën, ꞌimainun nun ꞌarakakë ovejakama kara uisa ꞌikë kamina isi kuanti ꞌain, isbëtsini kamina ꞌë kai uti ꞌain. Ësokin kaxun ka Jacobnën aín bëchikë José Hebrón kakë me anuxun xuakëxa, xukëx kuanx ka Siquem kakë me anu bëbakëxa,

2 Reyes 18:14

Usa ꞌain ka Ezequías Judá menu ꞌikë ꞌapun an ësokin Asirianu ꞌikë ꞌapu Laquis kakë ëmanua ꞌikë a kamiakëxa: “ꞌËn kana ꞌaisama okin ñu ꞌan. Usa ꞌain kamina ꞌën menuax uiti kaina ꞌë ñukáti atibi mi kupíonun anuax chikiti ꞌain.” Ësakin kamikëxun ka Asirianu ꞌikë ꞌapun Ezequías Judánu ꞌikë ꞌapu ati ꞌitsa kupíonun kamiakëxa, nueve mil novecientos kilo manë uxua ꞌimainun novecientos noventa kilo kuri aribia ꞌinánun kixun kamiakëxa.

2 Reyes 18:17

Usokin ꞌakëxunbi ka Asirianu ꞌikë ꞌapu Senaqueribnën, an ꞌapu Ezequías rabë́ ꞌimainun achúshi aín suntárunën kushikama abëa nuibanairakë akama këñun suntáru ꞌakánanti ꞌunáirabu akama Laquisnua Jerusalén ꞌatanun kixun xuakëxa. Xukëx kuanx ka Jerusalénnu bëbax anun uni nikë bai rapasua ꞌikë baka anuxun chupa chukakëx uxuira ꞌikë kakin anëkë anu bëbakankëxa.

Miqueas 1:13

Axa Laquis kakë ëmanu tsókë unikama mitsunribi kamina, Israel kamaxa ꞌiásaribiti ꞌikin, bana kuaisama tani ꞌiakën, usai ꞌikë ax ka Jerusalénnu tsókë unikama ꞌuchakë kupí ꞌikë ꞌiakëxa, usa ꞌain kamina caballo kamami bikin an nirinbianun mitsun caballonën nikinkë akama tëkërëkakanti ꞌain.

Josué 10:1

Adonisédec kakë uni ax ka Jerusalén ëmanu ꞌapu ꞌiakëxa, anuxun ka Josuénën abë ꞌakanankin Ai kakë ëmanu ikë suntárukama këñukin ꞌaxa kixun ñuiña kuakëxa, Jericónu ꞌikë ꞌapu aín unikama këñunbi ꞌakësaribi okían këñúkë kuati ka ꞌitsaira rakuëkankëxa, ꞌimainun ka gabonita unikamabë ka israel unikamax bërí atubë timë́ax tsotia kixun ñuikania kuakëxa. Usai atux ꞌikë kuatira ka ꞌaisamairai rakuëkankëxa, Gabaón kakë ëma ax ka chaiira ꞌaish Ai ëmabëtan sënë́nma upíira ꞌiakëxa, usa ꞌaish ka anu ꞌapu ꞌiisa ꞌaíshbi a ëmanu ꞌapu ꞌaíma ꞌiakëxa ꞌimainun ka anu ꞌikë suntárukamax ꞌakánanti ꞌunánbuira ꞌiakëxa.

Josué 10:5

Kamikëx ka mapai achúshi amorreo ꞌapukama abë Jerusalénnu ꞌikë ax biranankëxa, atux ka Hebrón Jarmut, Laquis ꞌimainun Eglón akamax timëkiani atun suntárubë Gabaónnu ꞌikëkama ꞌakatsikiax kuankëxa.