Josué 1:1 - Kashibo-Kakataibo Biblia

¹ Usa ꞌain ka Moisés Nukën ꞌIbun uni ax ñukë ꞌain, Josué an Moisés ꞌakinkë Nunnën bëchikë a Nukën ꞌIbun ësokin kakëxa:

Josué 1:1 Iomraidhean Croise

1 Reyes 19:16

ꞌimainun kamina Jehú kakë uni Israel Nimsí aín xuta aribi Israel unikaman ꞌapu ꞌinun anëti ꞌain; ꞌanan kamina mix chikímainua an ꞌëx kikë bana uni ñuixunun Eliseo Safatnën bëchikë, Abel-meholá ëmanua ꞌikë aribi anëti ꞌain.

Nehemías 8:17

Usa ꞌain ka kamabi uni axa bëtsi menu buan ꞌaish utëkënkë unikama atúxribi ꞌuta ꞌatankëx anu ꞌikankëxa, usakin ka Nunnën bakë bëchikë Josué an ꞌamikëxun ishi ꞌa ꞌixun ëan ꞌixunbi ꞌakëxa. Usai ka ꞌaíma ꞌi në́a ꞌixun, ꞌai a unikamax ꞌitsaira kuëënkankëxa.

Éxodo 24:13

Usakian kakëx ka Moisés nirukiani aín bashi Sinaí kakë anu an ꞌakinkë Josué a uani kuankëxa.

Números 11:28

Usokian kaia kuakin ka Josué, Nunnën bëchikë bënáxuinshi ꞌakinia ax kanikë an Moisés kakëxa: —¡Diosan uni Moisés min, kamina usakian ꞌakanun ꞌamitima ꞌain!

Números 12:7

usa ꞌaínbi kana ꞌën uni Moisés abëishi usai banaima ꞌëxbi abë banakin kana asérabi kain. Ax ka ꞌën uni raíri ꞌikësai ꞌima ꞌën kakësabi oi ꞌia,

Lucas 16:10

ꞌItsama curíquiñu ꞌixunbia nëtë́miquinma upí oquin sinánquin, anun upí ñu ꞌacë uni an ca ꞌitsa curíquiñu ꞌixun usabi oquin upí oquin sinánquin nëtë́miquinma anun upí ñu ꞌati ꞌicën. ꞌImainun ca ꞌitsama curíquiñu ꞌixunbia nëtë́mianan upí oquin sinánquinma anun ꞌaisama ñu ꞌacë uni, an ꞌitsa curíquiñu ꞌixun usabi oquin nëtë́mianan anun ꞌaisama ñu ꞌati ꞌicën.

Hechos 7:45

A xubu ca nucën raracaman anu uni ꞌicëma menuax cuanquin capúnquin mëníoquin bibianquin, anu atux tsóti menu cuanquin abi buáncëxa. Nucën Papa Diosan ꞌamicëxun ca a menu bucucë unicama nucën raracaman Josuébëtan abámiacëxa. Abámitancëxëxa: Anuxun ꞌë rabiti xubu ꞌaquin camina cëxtú chupa ꞌën mi ismicëxunmi iscë usabi oquin ꞌati ꞌain. Usoquian cacësabi a aín menu tsómainun ca a chupa xuburibi anu ꞌiacëxa. ꞌAin ca a xubunuxun bari itsi bari itsi buínquin nucën raracaman Nucën Papa Dios rabiacëxa, David axa ꞌapu ꞌitámainun.

Romanos 1:1

ꞌËx cana Pablo ꞌain, an Jesucristo quiásabi oquin aín bana uni ñuixuncë. Usa ꞌixun cana mitsu quirica buánmin. Nucën Papa Diosanbi ca Jesucristomi catamëquin ainan ꞌinux ië́nun unicama aín bana ñuixunun ꞌë caísacëxa.

Deuteronomio 31:23

Usakian ꞌakë ka Josué Nunnën bëchikë a Nukën ꞌIbun ësokin kakëxa: Josué mix kamina kushi sinanñu ꞌianan rakuë́ ꞌitima ꞌain, mix kamina ꞌën mi ꞌakinmainun an Israel unikama a ꞌinánuxun ꞌën ka me anu buani abë kuanti a ꞌain. Usa ꞌaish kana ꞌëx mibëbi ꞌiti ꞌain.

Deuteronomio 31:3

Usa aínbi ka Nukën ꞌIbu Diosan kuania mitsu ꞌakinti ꞌikën anu ꞌikë ëmakamanu ꞌikë unimi aín me binuxumi abë ꞌakanankin këñukin ꞌanun ka mitsu ꞌamiti ꞌikën. Josuénën ka ax ꞌapu ꞌixun Nukën ꞌIbun kakësabiokin mitsu buánti ꞌikën.

Deuteronomio 33:1

Anúan ñuti nëtë ꞌurama ꞌain ka aín uni ꞌiti Diosan kaískë ꞌixun Moisésnën upíokin sinánxunkin Israel unikama

Deuteronomio 34:12

ꞌimainun ka Diosan aín kushin ꞌamikëxun Moisésnën ꞌasaribiokin an kamabi Israel unibunën ismainunbi ñu chabuira ꞌakin an atu ismikë uni ꞌaíma ꞌiakëxa.

Deuteronomio 34:5

Usa ꞌain ka Moisés Diosan uni ax Moab kakë me anuax Nukën ꞌIbun kakësabi oi ñuakëxa.

Deuteronomio 34:9

ꞌImainun ka Diosan Moisés kakësabi oi Nunnën bëchikë Josué a ain maxkánu aín mëkën nankin Moisésnën aín sinan ꞌinánkë ꞌiakëxa. Usa ꞌikë ka Israel unibunën aín bana kuakin Moisés Nukën ꞌIbun kásabiokin Israel unikaman Josuénën bana tankëxa.

Tito 1:1

ꞌËx cana Pablo, an Nucën Papa Dios cuëëncësabi oquin ꞌanan Jesucristonëan a ñuiquin aín bana ñuixunun caísa ꞌain. Usa ꞌaish cana ꞌëx, uisai cara a Nucën Papa Diosan ainan ꞌinun caísa unicama Jesucristomi catamëti upí ꞌiti ꞌicë quixun ꞌunánmicë uni ꞌain.

Santiago 1:1

ꞌËx cana Santiago, an Nucën Papa Dios ꞌimainun Nucën ꞌIbu Jesucristonën cacësabi oquin ñu ꞌacë ꞌain. Israelnën bëchicë mëcën rabë́ ꞌimainun rabë́ aín rëbúnqui ꞌaíshmi bëtsi bëtsi menu tsóti cuan ꞌicë cana mitsu ënë quirica buánmin.

Josué 1:15

Nukën ꞌIbun ꞌakinkëxuan atúnribi ainanbi ꞌitanun ꞌibuakin me binun atu pain ꞌakinti ꞌain. Usakin atu pain ꞌakintankëx kamina amiribishi Moisés Nukën ꞌIbun uni an mitsu ꞌinan mekama baka nëkë manan ꞌikë ënubi utankëxun mitsunanbi ꞌinun biti ꞌain.

Josué 1:2

ꞌËn kaisa uni Moisés ka ñuaxa, usa ꞌain kamina bërí min Jordán kakë baka kamabi Israel unikama shitákinbiani, a ꞌinánuxun ꞌën ká me a mitsu ꞌinánun kuanti ꞌain.

Apocalipsis 1:18

ꞌËx cana axa bamatimoi tsócë a ꞌain. Bamatancëx baísquia ꞌaish cana bamatëcëntimoi tsotin. Ui unicamax cara uiti nëtën tsóti ꞌicë, uisa nëtën cara bamati ꞌicë quixun cana ꞌën mëníoin. Bamatancëx cara aín ꞌucha cupí anuax uni tëmëracë anu cuanti ꞌicë, cara anua aín ꞌucha tërë́ncë uni ꞌicë anu cuanti ꞌicë quixun cana mëníoin.