Jonás 4:9 - Kashibo-Kakataibo Biblia

⁹ Usai ꞌiabi ka Diosan kakëxa: —¿Usaími an mi tupë́onkë itsi barin aín pëikëñunbi ë́skan nishkë ax kara asábi ꞌik? —¡ꞌËn sinánkëx ka asábi ꞌikën! —kixun ka Jonásnën kakëxa. ¡ꞌËn nishkënbi kana bamatisa tanin kixun ka kakëxa!

Jonás 4:9 Iomraidhean Croise

1 Reyes 21:4

Ësokia kakëx ka Ahab amo nishananbi masánuitu kiani aín xubunu kuankëxa, Nabotnëan ꞌën papa ꞌimainun ꞌën titan ñukin ꞌë ënxua me kana mi ꞌinanima kixuan kakë a bana sinani. Usai kuantankëx ka aín xubunu nukuti ain chikën ami bësui rakakëxa, rakaxun ka añubi piti sinánma ꞌikën masá nuitukin.

Job 5:2

An ꞌunántisa ꞌikëbi ñu ꞌunánkëma uni ax ka Diosmi ꞌatimati sinánkë kupí ñuia, ꞌimainun ka bëtsi unin paránkin kakëxunbia an usama ka kixun kakinma asábi ka kixun kakë axribi bamaia.

Jonás 4:1

Jonásnën iskëx ka usakin Diosan ꞌakë ax upíma ꞌiakëxa, usa ꞌain ka a kuëënima ꞌitsaira nishakëxa.

Jonás 4:10

Usa ꞌain ka Diosan kakëxa: —Min ꞌapákëx koókëma ka a itsi ꞌiaxa; achúshi imë́ kotankëxun mi tupëonbaitibi ka a pëkaratëkënkë anun chushikë ꞌiaxa. Usa ꞌaínbi kamina min ꞌitsaira a sinanin.

Jonás 4:8

Usa ꞌain ka amiaxa bari urukë auküax bari urukëbëa suñu xanaira bëkinun Diosan ꞌimiakëxa, ꞌimikëbë ka ami katamëti ꞌaíma ꞌaia aín maxkámixun barin xarokëxa bënainsatankë anunbi Jonás bamatisa tankëxa. —Usai ꞌika ꞌuran tsókë ꞌimainun kana bamakë ꞌiti ꞌai —kixun sinani kiakëxa.

Mateo 26:38

Usai ꞌiquin ca acama cacëxa: —Cana ꞌaisamaira masá nuitutin. Micamax ca ënu tiquit. ꞌAíshbi camina ꞌëmi sinani ꞌuxtima ꞌain.

2 Corintios 7:10

Aín ꞌuchacama cupí masá nuitutancëxa uni sinanati ca Nucën Papa Dios cuëënia. Sinanatancëx ca aín ꞌucha tërë́ncë ꞌaish Nucën Papa Diosnan ꞌinux ië́cë ꞌia. Usai ꞌitancëx cuëënquin ca —ꞌëx ꞌën ꞌuchacama sinani pan masá nuituti ca asábi ꞌiaxa —quixun sinánti ꞌicën. Usa ꞌaínbi ca uni raíri aín ñu ꞌatima ꞌacë cupí masá nuituquinbi acama ëni ami sinanacëma ꞌaish Nucën Papa Diosnan ꞌima.

Apocalipsis 9:6

Usaía ꞌimainun ca a ꞌacë unicamax axbi bamatisa taníbi bamatima ꞌicën. Asérabi cana bamatisa tani quibi ca ꞌaisamaira oquin paë taníbi bamatima ꞌicën.

Jueces 16:16

Usakian Dalilanën nëtë́tibi kamabi hora ꞌurainra ubíokin an kakësabiokin ñukákëx, ka Sansón atsanx a kuaisama tani anunbi bamatisa tankëxa;