Jonás 2:9 - Kashibo-Kakataibo Biblia

⁹ ꞌaínbi kana ꞌën mi asábi ka kai kuëënkin rabiti ꞌain rabikin, kana ñuina ꞌatankëxun xaroxunti ꞌain; usakin ꞌakin kana uisokin ꞌaxunuxun karana mi ka usabi okin ꞌati ꞌain: ¡Mixëshi kamina axa ië́mianankë Dios a ꞌain!

Jonás 2:9 Iomraidhean Croise

Génesis 35:3

Ësokin katankëxun ka kakëxa bëríbi kananuna Betel menu kuanti ꞌain, kuantankëxun kananuna achúshi maxá maburukin ꞌatankëxun anuxun Nukën ꞌIbu Dios rabiti ꞌati ꞌain, an ka ꞌë ꞌatimakin sinaniabi ꞌakiankëxa, ꞌimainun ka ꞌë ꞌakinia uinu karana kuani anuabi.

2 Samuel 15:7

Usakin ꞌakëbëa rabë́ ꞌimainun rabë́ baritia ꞌinukëbëtan ka Absolónnën anu kuanxun ꞌapu kakëxa: —ꞌËn kana mi kain mixmi ꞌapu ꞌikë min karamina Hebrónnu kuantankëxun ꞌën a ꞌaxunuxun kakë Dios ꞌaxuni kuantanun xutima ꞌain.

Salmos 107:22

Usa ꞌain ka ñuina ꞌaxun xaroxuni an ꞌa ñukama, a sinani kuëënkin rabikanti ꞌikën.

Salmos 27:1

Nukën ꞌIbun ka ꞌë ꞌakianan bërúaia, ¿uimi karana ꞌëx rakuë́ti ꞌain? Nukën ꞌIbuinshi ka ꞌën tsoti bërúaia, usa ꞌain ka ꞌëx ami rakuë́ti uni ꞌaíma ꞌikën.

Salmos 95:2

Usai ꞌi kuëëni kananuna a ꞌuramanuax ꞌikësai kantai, anun kantati ain bana ꞌakë anun kantai ꞌasabi ka kai kuëënti ꞌain.

Isaías 45:17

ꞌAínbi ka Nukën ꞌIbun Israel unikama a ië́miakëxa, ië́mikin xënibua ꞌaínbi ꞌitiokin ië́miakëxa. Usa ꞌaish ka uínsaranbi katë́ti ñuumara ꞌitima ꞌikën.

Oseas 14:2

Usa ꞌain kamina Diosmi sinanatëkënkin ësokin mitsun a ñukáti ꞌain: “Nukaman ꞌuchakama kamina nu mëníoxunti ꞌain, mëníoxunkin kamina mix upí ixun nun mi rabikëxun upíokin kuati ꞌain.

Juan 4:22

Mitsun camina ui caramina rabi quixun ꞌunaniman. Nun cananuna ui caranuna rabi quixun ꞌunanin. An uni Nucën Papa Diosnan ꞌinun ië́miti, ax ca judío uni ꞌiti ꞌicën. An usaia ꞌinun mënío, a cananuna nun rabin.

Hechos 4:12

Nucën Papa Diosan ca nuxnu nun ꞌuchacama tërë́ncë ꞌaish abë ꞌinúan an nu ië́minun Jesúsëshi ꞌimiaxa. Usa ꞌain ca an Nucën Papa Diosnan ꞌinun nu ië́miti bëtsi uni ꞌaíma ꞌicën.

Romanos 12:1

Usa ꞌain cana ësaquin mitsu cain, ꞌën xucë́antu. Nucën Papa Diosan mitsu nuibaquin ainan ꞌinun caíscë ꞌixun camina ꞌatima ñu ꞌaquinma asérabi ax cuëëncësabi oquinshi ꞌanan, ainanshi ꞌiti ꞌain. Mitsúxmi usa ꞌiti ca Nucën Papa Dios cuëënia.

Hebreos 13:15

Usa ꞌain cananuna Jesucristo cupí camabi nëtën abë banai cuëënquin Nucën Papa Dios nun cuëbitan rabianan —mix camina asérabi nun ꞌApu ꞌai —quixun caquin a rabiti ꞌain.

Apocalipsis 7:10

Usa ꞌaish ca camáxbi munuma banai quiaxa: Anu ꞌApuira tsóti, axa anu tsócë Nucën Papa Dios, an ca Carnero ꞌicësaribitia unin ꞌucha cupí bama, a cupí nun ꞌuchacama tërë́nquin xënibua ꞌaínbi ainan ꞌinun nu ië́miaxa.

1 Samuel 12:21

Usa ꞌain kamina bërí unin diosmabi rabikë ñukama a ënti ꞌain, an ka mitsu uisa ñu kara inutiabi ꞌakianan uisakinbi ië́mitima ꞌikën, ax ka unin këmëkinshi ꞌakë ꞌikën.