Jonás 1:9 - Kashibo-Kakataibo Biblia

⁹ Ësokin kakëxun ka Jonásnën atu kakëxa: —ꞌËx kana Israelkama ꞌain, usa ꞌixun kana ꞌën ꞌIbu Dios naínu ꞌikë a rabin, an ka parúmpapa ꞌimainun me uniokëxa.

Jonás 1:9 Iomraidhean Croise

Génesis 1:10

Axa ëskikë a ka Nukën ꞌIbu Diosan me kakin anëakëxa, anëanan ka axa timë́ax ꞌianëmë ꞌëosa ꞌaish rakákë a parúmpapa kakin anëakëxa. Usai ꞌiá ka kamabi Nukën ꞌIbu Diosan upí ꞌikë isakëxa,

Génesis 14:13

Usakian ꞌakëbë ka uni achúshi abákëxa, abaxun ka usaía ꞌikë Abram hebreo uni a ñuixuankëxa, ax ka uni achúshi Mamré aín menu tsókë ꞌiakëxa, a unix ka amorreo unibu ꞌiakëxa, Mamré ax ka Escol ꞌimainun Aner aín xukë́n ꞌiakëxa, usa ꞌaish ka a unikamax Abrambë nuibanankë ꞌiakëxa.

Génesis 24:7

Nukën ꞌIbu Dios, naínu ꞌikë an ka ꞌën aintsikaman menua chikinbëtsinkin bëxun ꞌë ꞌimainun ꞌën rëbúnkikama ënë me ꞌinan, an ka aín ángel abë kuantankëxumi achúshi xanu ꞌën bëchikë bixunun mi ꞌakinti ꞌikën.

Génesis 39:14

aín xubunu ꞌikë an ñu mëëxunkë unikama kuënkë́nkin kakëxa: —Ka kuat, ꞌën bënën ka ënë hebreo uni achúshi ñu mëënun kixun bëaxa usa ꞌaíshbi ka bërí ꞌëmi kuaitisatania. Usa ꞌaish ka ꞌëx mëu ꞌain ꞌëbë ꞌikatsikiax atsíanxa atsínkin bikëx kana ꞌëx munuma kuënkëan,

Esdras 1:2

Persia menu ꞌikë ꞌapu Ciro ax ësai kiakëxa: Nukën ꞌIbu Dios naínu ꞌikë, an ka ꞌapu ꞌixun kamabi menu ꞌikë unikama ꞌakinnun ꞌë ꞌimiaxa, ꞌimainun ka ꞌën achúshi anuxun a rabiti xubu Jerusalén Judá menua ꞌikë anu ꞌaminun ꞌë sinánmiaxa.

Nehemías 1:4

Ësokin ꞌë kakëxun a banakama kuatankëx kana tsótax iankën uiti nëtë ꞌitsaira masánuituti ꞌiakën, usai ꞌi pikëmëanan abë banakin kana naínu ꞌikë Nukën ꞌIbu Dios ñukákën.

Nehemías 2:4

Kakëxun ka —¿Añu karana mi ꞌaxúnti ꞌain? —kixun ꞌapun ñukákin ꞌë kakëxa. Usakin kakëx Dios naínu ꞌikë abë pain banatankëxun kana,

Nehemías 9:6

Ësokin unikama katankëxun ka Esdrasnën Dios ësokin kakëxa: “Mixmi Dios ira ꞌain ka misaribi Dios uixi ꞌitima ꞌikën. Min kamina naíkamë ꞌëo ꞌanan a manámia ꞌikë ñukama këñun anu ꞌikë ꞌispakamaribi uniokën; ꞌanan kamina meribi ꞌatankëxun anu ꞌikë ñukamaribi ꞌakën, ꞌatankëxun kamina parúmpapanu ꞌikë ñukamaribi ꞌakën. Usa ꞌain ka min ꞌimikëx kamabi ñukamax upiti tsotia. Usa ꞌikë ka min ángel naínu ꞌikë kaman rabimainun menuxunribi mi rabiti ꞌikën.

Job 1:9

Kixuan kakëxunbi ka ñunshin ꞌatimanënribi kakëxa: —Jobnëa min kakësabiokin ꞌakë ax ka an sinánkësokishia ꞌakë ꞌikën.

Éxodo 1:15

Usa ꞌain ka Egipto menu ꞌikë ꞌapu ax Sifrá kakë ꞌimainun Puá kakë abë banakëxa, ax ka hebrea xanukama an nachikitia ꞌakinkë xanu rabë́ ꞌiakëxa:

Éxodo 2:13

Usakin ꞌoonx pëkarakëbë kuantëkënkinbi ka hebreo uni rabëtax mëëanania mërakëxa. Mërakin ka an bëtsi mëëkë uni a kakëxa: —¿Uisa kupín kaina min aintsibëbi mëëananin?

Daniel 2:44

Usa ꞌain ka ënë ꞌapukaman, tsókëpan aín unikama ꞌapu ꞌixun ꞌakinkëbëtan Dios naínu ꞌikë an achúshi me anu ꞌapu ꞌikë uinsaranbia bëtsi menu ꞌikë ꞌapukaman masókin atun sinánkësa okin ꞌanun ꞌimitima ꞌikën, usa ꞌixun ka ainra kamabi këñukin bëtsi menu ꞌikë ꞌapukama ꞌatankëx axira uínsarabi këñútimoi ꞌapu ꞌiti ꞌikën.

Oseas 3:5

Usai pain ënë ñukama ꞌikë ꞌain ka Israelkaman ami sinanatëkënkin, Nukën ꞌIbu Dios rabiti sinántëkënti ꞌikën, ꞌimainun ka atun ꞌapu ꞌia David aín rëbúnki achúshi atun ꞌapu ꞌiti ꞌikën. Anuan ënë nëtëkama këñuti a nëtë ꞌikëbëtan ka ami rakuë́kin Dios upíokin a ꞌakinun kixun ñukáti ꞌikën.

Hechos 14:15

—¿Uisocasquin caramina ësoquin ñu ꞌacanin? Nuxribi cananuna mitsusaribi unishi ꞌain. Usa ꞌaíshbi cananuna an mitsu ꞌaquincëxunmabimi ñancábi ñu rabicë, a ënquin Nucën Papa Dios ashi rabinun quixun mitsu cai uan. An bamatiomoi tsóo ꞌixun naí, me, bacacama ꞌimainun anu ꞌicë ñucamaribi unio, a camina sinánti ꞌain.

Hechos 27:23

Ënë imë́ cana ainan ꞌixun ꞌën a rabicë, Nucën Papa Diosan xucë́xa ucë ángel isan.

Filipenses 3:5

ꞌËx mëcën achúshi ꞌimainun rabë́ ꞌimainun achúshi nëtë ꞌicë ca judíos unin bëchicë ꞌicë ꞌë ꞌunántiocëxa. Usa ꞌaish cana Benjamínën rëbúnqui ꞌaish ꞌën aintsi ꞌicësaribiti hebreo banan banain, ꞌën papa ꞌën tita ꞌicësaribiti. Usa ꞌaish cana ꞌëx Moisésnën cuënëo bana fariseo unicaman ꞌunánmicësabi oi ꞌiacën.

Apocalipsis 11:13

Usai ꞌicëbë ca me ꞌaisamaira shaíquiaxa. Shaíqui ca Jerusalén ëma nëbë́tsi rabë́, mëcën rabë́ oquin tëacësa ꞌaíshbi amo ꞌicë achúshi rurucubuaxa. Rurucubucëbë ca ꞌaisamaira uni siete mil bamaxa. Acama bamacëbëtan ca bamacëma unicaman racuë́quin, Nucën Papa Dios naínu ꞌicë rabiaxa.

Apocalipsis 15:4

Nucën ꞌIbu Dios, ¿uix cara mimi racuë́tima ꞌic? ¿Uin cara mi rabitima ꞌic? Mixëshi camina upíira upí sinánñu ꞌain. Mix upí sinánñu ꞌixun ñu upíshi ꞌaia iscë ꞌixun ca camabi menu ꞌicë unicaman mimi sinánquin mi rabiti ꞌicën.

Apocalipsis 16:11

Paë tani bënë́quin ca aín paë ꞌimainun aín chancu ꞌaisamaira ꞌain, axa naínu ꞌicë Nucën Papa Dios, ami nishi ꞌatimati banaquin ñuiaxa. Usai ꞌi ca ñu ꞌatima ꞌati ëni sinanacëma ꞌicën.