Jonás 1:5 - Kashibo-Kakataibo Biblia

⁵ Usai ꞌikëbë ka an manë nunti nikinkë unikamax ꞌitsaira rakuë́akëxa, rakuëkin ka atun dios achúshi achúshixun atuisa ꞌakinun kixun ñukákankëxa. ꞌAínbi ka atun diosan ꞌakianma ꞌikën, usai ꞌurainra ꞌikëbëtan ka manë nuntisa bëspúrui urutanun kixun anua ꞌikë ñukama parúmpapanu puakëxa. Usakin ꞌakamainun ka Jonás manë nunti kataitsi ꞌukëmëu anu ñu puruti ꞌakë anu kuabúax ꞌaímai napëkëti ꞌuxkë ꞌiakëxa.

Jonás 1:5 Iomraidhean Croise

1 Reyes 18:26

Kakëxun ka atun pain vaca bakë bërí kanikë bëxun ꞌinánkëxun rëxun mëníokëxa, mëníoxun ka pëkarakëma ꞌaínshi ꞌapunkin bari xamánrumikin atun dios Baal ñukákëxa. Ñukati ka kikankëxa: “Baal nun kakëxun kamina kuati ꞌai kixun kakëxa” kai sharati ka anuxun ñuina xaroti ꞌakë ratanarati chirini ꞌikankëxa, ꞌaínbi ka uisa banarabi kakëxuma okankëxa.

Job 2:4

Kixun kakëxunbi ka ñunshin ꞌatimanën Dios kakëxa: —Uínbia aín naminu ꞌatimokin paëokëma ꞌaish ka uni asábi nitsia. ꞌAínbi ka unix upí tsótisa tani uisa ñu kara inutia abi inutibi tënëax ꞌiti ꞌikën.

Salmos 107:25

Usa ꞌain ka Dios kiakëxa suñúan kushiira bëkikin ka chaiirabu ꞌinun ain bëchun tukinun parúmpapa ꞌumpax ꞌimiakëxa;

Salmos 148:8

¡ꞌAmainun ka kaná mëríkë, matsi bëruñu, ꞌimainun matsi uxu kuainkë ꞌianan kuénkuru akamanribi ꞌati ꞌikën! ¡ꞌAmainun ka suñúan bënamë kuatsinkë anribi, ax kikësabiokin a rabiti ꞌikën!

Eclesiastés 3:6

Anu ka anun ñu ꞌaisa kara kixun tanti nëtë ꞌikën, ꞌimainun ka anun ñu ꞌakatsikixun ꞌaxunbi sinanatëkënkin ënti nëtëribi anu ꞌikën. Anu ka anun ñu bukunrukin nanti nëtë ꞌikën, ꞌimainun ka anun ñu puti nëtëribi anu ꞌikën.

Isaías 45:20

“Kamabi unikama axa bëtsi menu buánkëx tëxëkë, mitsux kamina rikuatsini ꞌurama timë́ti ukanti ꞌain. Mitsun kamina ñu ꞌunánma ꞌixun unínbia, a rabinuxun ꞌakë i a ꞌiabiankin buani kuankanin, an mitsu ꞌakinumabi kamina dioskama ñukákanin, ñukákëxunbi ka a dioskaman mitsu ië́mitima ꞌikën.

Jeremías 2:28

Judá menu tsókë unikaman. ¿Uinu kara bërámami mitsúnbi ꞌa dioskama ax ꞌik? ¡Mitsun dios ax ka ꞌitsaira ꞌaish ëma kamabëtan sënë́maira ꞌikën! ¡Usa ꞌain ka atux ꞌatima ñu inutia uisakin, ië́misakara kixun mitsu isi uti ꞌikën!

Jonás 1:14

Usai ꞌikëbëtan ka munuma banakin an ꞌakinun kixun ñukákin Dios ësokin kakankëxa: Dios nukamina ënë unin ꞌucha kupín bamanun ꞌimitima ꞌain. ꞌIanan kamina axa ñu ꞌatima ꞌakëma ꞌaish bamakëbëtan, nukamaxnu anun ꞌuchakësa ꞌinun ꞌimitima ꞌain, usa ꞌixun kamina mix Dios ꞌixun uisakin kaina ꞌaisatani usakin ñu ꞌain.

Jonás 1:16

Usai ꞌia isi ka an manë nunti nikinkë unikama ꞌitsaira rakuë́ti asérabi ka Jonásnën rabikë Dios anu ꞌikë kixun sinani ꞌitsaira rakuë́kankëxa, rakuë́ti ka ñuina kananuna xaroxunti ꞌai kixun xaroxuankëxa ꞌaxuni ka ënëx kuni ka asérabi a rabiti Dios a ꞌikë kiax kikankëxa.

Jonás 1:6

Usai ꞌikëbëtan ka manë nuntinu ꞌikë aín kushi an, anu kuanxun Jonás kakëxa: —¿ꞌUxkënan tapun min kaina añu ënuxun ꞌain? ¡Nirukin kamina min Dios munuma banakin ñukati ꞌain! Usakin mi ñukákëxun ka numi sinánkin nu ꞌakinti ꞌikën.

Mateo 25:5

Atúxa lamparín buani cuanbi ca an xanu biti uni panáxa. Panacëbë ca ꞌuxcënan tënáncëx ꞌuxcanxa.

Mateo 26:43

Cabëtsini uquinbi ca Pedro, Juan, Jacobo, acamaxa ꞌuxcënan tënántëcëncëx ꞌuxcë mëratëcëancëxa.

Mateo 26:45

Catëcëanx amiribishi utëcënxun ca Pedro, Juan, Santiago, acama cacëxa: —Asá ca. Bërí camina tantianan ꞌuxti ꞌain. Anúan uni ꞌuchañucaman binun uni itsin ꞌë ꞌinánti nëtë ca uaxa.

Hechos 27:38

Acaman ca uiti cara piisa tania pitancëxun, manë nuntia xanúntanun trigo sacocama parúnpapanu puacëxa.

Jueces 16:19

Umainun ka Dalilanën Sansón aín kisinu makëpimëtia ꞌuxnun ꞌuxmiakëxa, ꞌuxmixun ka achúshi uni an aín bu mapai achúshi ꞌimainun rabë́ okin xëokë a tëanun kuëankëxa. Kuënkëx uxuan aín bu tëan ka. Sansón bësuni,

1 Samuel 24:3

Kuantankëx ka anua carnero bërúankë unikaman aín ñuina xëpukë a ꞌurama ꞌikë bashi kini anu bëbakëxa, bëbaxka anua David ꞌain suntárukamabë unëkë ꞌaínbi ꞌunánkëma ꞌaish. Saúl anu puikatsi kiax kini anu atsíankëxa,