Jonás 1:3 - Kashibo-Kakataibo Biblia

³ Ësokin kakëxbi ka Jonás Diosan kakësabiokin ꞌaíma, uisaxira kara abáti ꞌikë kixun pain sinántankëx, anuaxa manë nunti Jope kakë ëmanu kuani chikiti anu kuankinbi ka, achúshi manë nunti ꞌuraira menu ꞌikë ëma Tarsisnu kuanti ꞌuramashi ꞌikë mërakëxa; mëraxun ka anun kuanuxun kupíokëxa, kupíotankëx ka anun kuani ꞌiruakëxa.

Jonás 1:3 Iomraidhean Croise

Génesis 3:8

Usakë a xupibukëbëtan ka bëbu ꞌimainun xanun Nukën ꞌIbu Dios bari kuainakëkëbëa suñu bëkikëbë nitsia kuakëxa, kuati ka uni aín xanubë abákiani kuanx naësanu ꞌikë ikama tanain unëakëxa.

Génesis 4:16

Usakian Nukën ꞌIbu kakëx ka Caín anuaxa abë banakë me ëbiani kuankëxa, kuantankëx ka Nod, kakë me amiaxa bari urukë Edén ꞌikë anu ꞌiakëxa.

1 Reyes 19:3

Usakian kamikëxun a bana kuati ꞌitsaira rakuë́ti ka Elías ënu kana ꞌitima ꞌai kixun sinani aín uni achúshibë Beerseba kakë ëma Judá menua ꞌikë anu abati kuankëxa, kuanx anu bëbaxun ka abëa kuankë aín uni anu ëankëxa.

1 Reyes 19:9

Usai anu bëbatankëx ka Elías bashi kini achúshinu atsíankëxa, atsíntankëx ka anu achúshi imë́ ꞌuxakëxa. ꞌUxunbi ka Diosan kakëxun aín bana kuakëxa. “¿Elías añu kaina ënuxun ꞌain?”

Esdras 3:7

Usokin ꞌakin sënë́ontankëxun ka an xubuati ꞌunánkë unikama ꞌimainun carpinterokama kuríki ꞌinánkëxa, ꞌinánan ka atun piti ꞌimainun xëati, xëni akamaribi Tiro ꞌimainun Sidónu ꞌikë unikama Líbano menuxunbia parúmpapa bakan uanxuan kunxan tukapakë Jopenubi uanun ꞌapu Ciro kakë Persia menu ꞌikë an kirika ꞌaxun ꞌinánkëxa, ꞌinánkëxun ka usabi okin ꞌakëxa.

Job 1:12

Ësokin kakëxun ka Diosan ñunshin ꞌatima a kakëxa: —Asabi ka. Usa ꞌain kamina uisokin kaina ꞌaisatani usakin Jobnën ñukama ꞌati ꞌain, ꞌaínbi kamina aín ꞌibu a uisabi otima ꞌain. Usakian kakëx ka ñunshin ꞌatima anuaxa Diosbë banakë anuax uinu kara Job ꞌikë anu kuankëxa.

Job 2:7

Ësokian Diosan kakëx ka anuaxa abë banakë anuax ñunshin ꞌatima kuankëxa, kuanxun ka Job aín taëmiaxi chanku ꞌinsinan ꞌia aín nami kamanubi ꞌianan aín maxkánubi ꞌirunun ꞌimiakëxa.

Salmos 107:23

Nun chaitiokëkamax ka nunti chaiira marutankëx anun ain ñu marui parúmpapa bakan kuani niakëxa. Nitsi ka bëtsi ëmakamanu kuani niakëxa,

Isaías 60:9

Tarsisnu ꞌikë manë nunti kama ax ka atu rëkuëonbiani manë nunti kama raíri abë biranan kuatsini kuankin, Jerusalénnu ikë unikama bëi ukin, mitsun bëchikëkama ꞌurakëo bëanan, kuri manë uxua akama bëti aka ax ꞌikën, a ñukamax ka min ꞌIbu Israel kaman Dios upíira a bëxunkë ꞌiti ꞌikën, an ka kushiira ꞌixun mitsu ꞌakiankëxa.

Ezequiel 2:8

Usa ꞌain kamina min ꞌën kakëxun upíokin kuati ꞌain, kuati kamina atux ꞌikësaribiti bana kuakëma unisa ꞌitima ꞌain. Usa ꞌain kamina añu karana ꞌën mi ꞌinani a piti ꞌain.”

Ezequiel 3:14

Usa ꞌain ka Diosan kushi anua ꞌë chikíanxa, chikinkëx kana anuax masá nuitukë ꞌianan nishkë kuan, kuankinbi kana Diosan aín mëkënanbi kushiokin tuinkësa tan.

Jonás 1:10

Usakin kakin ka Jonásnën manë nunti chaiira anu tëkë unikama ꞌëx kana Dios kikësokin ꞌaisama tani abati uá kixun atu kakëxa, kakëxun kuati ꞌitsaira rakuë́kin ka atun kakëxa: —¿Uisa kupín kaina min usokin ñu ꞌan? Ësokin kakëxun iskinbi parúmpapa ꞌaisamaira bëchunia isi rakuë́kin ka atun Jonás ñukákëxa: ¿Uisa karanuna mi parúmpapa ꞌain bëchunkë bukubutanun oti ꞌain?

Jonás 4:2

Usa ꞌain ka abë banakin Dios ësokin kakëxa: —ꞌËn ꞌIbu Dios ësa ñu ka ꞌiti ꞌikë, kiax kana ꞌën menuaxi ꞌëx kian. Usa ꞌain kana bënëtishi Tarsis menu abáti sinánkë ꞌian, ꞌën kana mix kamina achúshi Dios nuibanairakë ꞌaish bënëtishi nishkëma a ꞌai kixun ꞌunánkë ꞌian, usa ꞌain kamina ꞌën sinánkëxun ꞌitsaira uni nuibakin ꞌatimokin tëmëramikatsi kixunbi mimia sinanatia ꞌakëma ꞌain kixun ka munuma banai ami nishkin Dios kakëxa.

Lucas 9:62

Quia ca Jesusan cacëxa: —Ënëx ca ësa ꞌicën. An vaca bënën buáncëxuan me tucabianmainun manë paránën xo tuíncë uni an ca amami amamia isquin ꞌatimaquin aín ñuina ꞌamia. Usaribiti ca uni Nucën Papa Dios cuëëncësabi oquin ñu ꞌati manuquin bëtsi bëtsi oquin sináncë ax aín uni ꞌiisama ꞌicën.

Hechos 15:38

Buántisa taniabi ca Pablonën Bernabé cacëxa: —Panfilia nëtënuax ca nubëtan Nucën Papa Diosan bana unicama ñuixunima nu ëbëtsini uaxa. Usa ꞌain cananuna a buántima ꞌain.

Hechos 26:19

Pablonën ca ësaquinribi Agripa cacëxa: ꞌApu Agripa, cana mi cain, usaquian Jesusan naínuxun ꞌë cacëxun cana aín bana parë́quinma an cacësabi oquin ꞌacën.

Hechos 9:36

Jesucristomi sináncamainun ca Jope cacë ëmanu ꞌicë xanu achúshi Tabita, aín anë itsi Dorcas, anribia Nucën Papa Diosan bana cuacë, ax ꞌiacëxa. A xanun ca ñu upíshi ꞌaquin usabi ocë ꞌixun ñuñuma unicama ñu ꞌináncëxa.

Hechos 9:38

Jopenuaxa Tabita bamacëbëtan ca anu ꞌicë axa Jesucristomi catamëcë unicaman, Pedro ca Lidanu ꞌicë quixuan ñuicania cuacëxa. Usa ꞌain ca Lida ëma axa Jope ꞌurama ꞌain bënëtishia unúan Pedro catánun rabë́ uni xuacëxa.

Hechos 9:42

Usoquin ꞌacëa cuacoia ca camabi unin Jope ëmanuxun cuacëxa. Cuati ca ꞌitsa uni Nucën ꞌIbu Jesúsmi sinani ami catamëacëxa.

Hechos 9:43

Usotancëx ca Pedro ꞌitsa nëtën Jopenu, an ñuina xacá mëníoti ꞌunáncë uni, Simón cacë, aín xubunu ꞌiacëxa.

1 Corintios 9:16

ꞌËn Jesusan bana unicama ñuixuncë cupí cana rabiacátima ꞌain. ¡Aín bana ñuixunun Jesucristonën ꞌë cacë ꞌixunbi an cacësa oquin ꞌacëma ꞌaish carana uisai ꞌicë ꞌitsían!

2 Tesalonicenses 1:9

Usoquian xënibua ꞌaínbi cëñútimoquin ꞌaisamaira oquin castícancë unicamax ca Nucën Papa Diosan nëtë upí, aín cushían pëcacë, anu Nucën ꞌIbu Jesúsbëma ꞌaish, a ꞌura ꞌianan aín cushin ꞌaquincëma ꞌiti ꞌicën.