Jonás 1:14 - Kashibo-Kakataibo Biblia

¹⁴ Usai ꞌikëbëtan ka munuma banakin an ꞌakinun kixun ñukákin Dios ësokin kakankëxa: Dios nukamina ënë unin ꞌucha kupín bamanun ꞌimitima ꞌain. ꞌIanan kamina axa ñu ꞌatima ꞌakëma ꞌaish bamakëbëtan, nukamaxnu anun ꞌuchakësa ꞌinun ꞌimitima ꞌain, usa ꞌixun kamina mix Dios ꞌixun uisakin kaina ꞌaisatani usakin ñu ꞌain.

Jonás 1:14 Iomraidhean Croise

Génesis 9:6

Uin kara bëtsi uni ꞌaia, aka bëtsi unínribi ꞌati ꞌikën. Unix ka Nukën ꞌIbu Diosan a iskësabi okin unio ꞌikën usa ꞌain.

Salmos 107:28

Usai bënë́kin ka Dios an ꞌakinun ñukákankëxa, ñukákëxun ka usai bënë́kë a upí tani kuëëntanun atu ꞌakiankëxa;

Salmos 115:3

Nun ꞌIbu Dios ax ka naínu ꞌikën; usa ꞌixun ka añu kara ꞌaisa tania akamabi ꞌakëxa.

Jonás 1:13

Usai ꞌimainun ka an manë nunti nikinkë unikaman atun kushibëtanbi me ꞌurama oti sinánxun inákankëxa ꞌixunbi ka ꞌakanma ꞌikën, usakin ꞌakëbëbi ka parúmpapa atiainra aín bëchun tuki kushiakëxa.

Jonás 1:16

Usai ꞌia isi ka an manë nunti nikinkë unikama ꞌitsaira rakuë́ti asérabi ka Jonásnën rabikë Dios anu ꞌikë kixun sinani ꞌitsaira rakuë́kankëxa, rakuë́ti ka ñuina kananuna xaroxunti ꞌai kixun xaroxuankëxa ꞌaxuni ka ënëx kuni ka asérabi a rabiti Dios a ꞌikë kiax kikankëxa.

Jonás 1:5

Usai ꞌikëbë ka an manë nunti nikinkë unikamax ꞌitsaira rakuë́akëxa, rakuëkin ka atun dios achúshi achúshixun atuisa ꞌakinun kixun ñukákankëxa. ꞌAínbi ka atun diosan ꞌakianma ꞌikën, usai ꞌurainra ꞌikëbëtan ka manë nuntisa bëspúrui urutanun kixun anua ꞌikë ñukama parúmpapanu puakëxa. Usakin ꞌakamainun ka Jonás manë nunti kataitsi ꞌukëmëu anu ñu puruti ꞌakë anu kuabúax ꞌaímai napëkëti ꞌuxkë ꞌiakëxa.

Jonás 3:8

ꞌIanan ka kamáxbi chupan mapuanan atun ñuinakamaribi chupan mapukanti ꞌikën, atun ñu ꞌatima ꞌakë a sinani bënë́kin chupa xëni pañuxun ka ami sinánkin Dios aín kushibëtanbi ñukákanti ꞌikën. Usakin ꞌakin ka achúshi achúshi unin bëríbia ꞌatima ñu ꞌakë akama ënkanti ꞌikën;

Mateo 11:26

—Ñu ꞌunánma ca —quixuan unin sináncë unicaman min ꞌimicëxun ꞌën bana cuati camina cuëëan.

Hechos 28:4

Usoia isi ca a nasínu ꞌicë unicamax ratuti ësai canancëxa: —Ënë unix ca asérabi an uni ꞌacë uni ꞌicën. Bacamiquibi ië́axbi ca aín ꞌucha cupí bamati ꞌicën.

Efesios 1:11

Nux Cristonan cupí aín uni raíri ꞌacësaribi oquin nu axa cuëëncësabi oi ꞌianan aín nëtënu abë ꞌiti nu ꞌiminuxun ca Nucën Papa Diosan ainan ꞌinun nu caísacëxa. Usai nux ꞌinun ca Nucën Papa Diosan camabi ñu ax cuëëncësabi oquin ꞌaquin mëníocëxa.

Efesios 1:9

Unin ꞌunánma ꞌicëbi ca nu ꞌunánmiaxa, uisa cupí cara ax cuëëansabi oquin Cristo ënë nëtënuaxa bamanun xuacëxa quixun.