Joel 3:5 - Kashibo-Kakataibo Biblia

⁵ Mitsun kamina ꞌën manë uxua, ꞌimainun kuri akama mëkamakën, ꞌianan kamina ñu kupikëirabu ꞌianan upíirabu a mitsun dios anuxun rabiti xubukamanu buánkën.

Joel 3:5 Iomraidhean Croise

2 Reyes 24:13

Usakin ꞌanan ka ꞌapu Nabucodonosornën anua ꞌikankë anuxun Dios rabiti xubunua ꞌikë ñu upíbu a bianan anua ꞌapu ꞌikë aín xubu anuaribi ñu upíirabu biakëxa, usakin ka ꞌanuxun ꞌaia kiaxa Dios kiásabiokin ꞌakëxa, ꞌanan ka kamabi ñu upíbu kuri akama Salomón Israel kaman ꞌapu an anuxun Dios rabiti xubunu nantia ꞌamia akamaribi masókin tukapakëxa.

Jeremías 23:7

Ësai ka Nukën ꞌIbu asérabi kiakëxa: “Ka kuat, anúan uínsaranbi ꞌëmi sinántëkënima ësai asérabi kikanti nëtë ka ꞌiti ꞌikën: ꞌËx kana Nukën ꞌIbu axa tsókë aín anë ñui kin an ka Israel unikama Egipto menua chikíankëxa,

Ezequiel 37:12

Asábi ka usa ꞌain kamina ꞌën anë ñuikin atu kati ꞌain: Ësai ka Dios kiaxa: ꞌËn unikama anumi mitsux bamakësa ꞌaish bukukë me anua kana mitsu chikínti ꞌain, usakin ꞌaxun kana Israel unikaman menubi mitsu buántëkënti ꞌain.