Joel 3:3 - Kashibo-Kakataibo Biblia

³ Usakin ꞌakin ka ñuratsu amo rabë́bi kuënëoxun anun pain tantankëx, ꞌën unikama ꞌinánankëxa, usakin ꞌanan ka bëbu tuákama ꞌimainun xanu tuákamaribi marukankëxa, usakin ꞌatankëxun ka atu marukia bikë kuríki anun uvas baka paëokin ꞌakë a maruxun xëanan bëtsi bëtsi unin aín nami ꞌakë xanukamaribi aín nami ꞌaxun kupíokëxa.

Joel 3:3 Iomraidhean Croise

Joel 1:5

¡Axa paë́nkë unikama mitsux kamina bësukanti ꞌain! ¡An uvas baka vino ꞌakë xëakë unikama mitsux kamina inkanti ꞌain, ꞌami mitsun ꞌain baka xëakë uvakama ka champun këñúaxa!

Amós 2:6

Ësai ka Nukën ꞌIbu kia: “Israel unikaman ka ꞌaisama ñu ꞌakin ꞌatima ñuira ꞌaxa, usa ꞌain kana ꞌaimama ꞌikinma atu tëmëramiti ꞌain; atun ka uni upí bëtsi ñu ꞌakëmabi kuríki bianan bëtsi uni ꞌinánan, ñuñuma uni aribi ñu kupímara ꞌakësokin rabë́ taxaka kupín bëtsi uni maruia.

Apocalipsis 18:13

ꞌimainun sanu ro, i baca sanuira oquin ꞌacë, tsëpasa ꞌaíshbi nëëncëx sanuira ñu, vino, xëni, trigo, trigo rëncë, acama ꞌimainun a ñu papimiti ꞌaracacë ñuina ꞌimainun carnero, caballo, caballonëan niquincë auto, ꞌimainun uni, an uni itsi ñu ꞌaxúnun maruti, a ñucama bëia —an biti ca bërí ꞌaíma ꞌicë —quixun sinani ca an usa ñu marunuxun bëcë unicamax rarumati inti ꞌicën.