Joel 3:12 - Kashibo-Kakataibo Biblia

¹² Kamabi ëmanu ꞌikë unikama a ꞌurama ꞌikë atumia nishkë ax ka mëníokakiani Josafat kakë me sapan anu kuanti ꞌikën, anuxun ka Diosan axa atumi nishkë a ꞌurama ꞌikë unikama uisa kara oti ꞌikë a istankëxun usokin ꞌati ꞌikën.

Joel 3:12 Iomraidhean Croise

Salmos 96:13

usai ꞌika Diosan ꞌismainun kantati ꞌikën! ¡Ax ukin ka ënë menu ꞌikë ꞌapu ꞌixun ꞌakinti ꞌikën, ꞌakianan ka kamabi menu ꞌikë ëmakamanu ꞌikë unikamaribi ꞌakinkin asérabi an ñu upíokin ꞌati ꞌikën!

Isaías 2:4

Diosan ka bëtsi bëtsi menu ꞌikë unikama ꞌakanantëkënima upitax bukunun ꞌitsaira uni uinu kara tsotia anuabi ꞌimiti ꞌikën. Usakin ꞌimikëxun ka atun manë xëtokë anua ꞌakanankë a anun ñu mëëkin me anun naëti ꞌanan, aín paka pia akamaribi anun bimia ñu ꞌapákë tëakin biti taxuñu okin ꞌati ꞌikën. Usokin ꞌaxun ka uinu ꞌikë ëma kamanuxunbi bëtsibë ꞌakananuxun anúan ꞌakanankë a bitëkëntima ꞌikën. Usonan ka uisai ꞌakánanti kara kixun uínbi bëtsi ꞌunámitima ꞌikën.

Joel 3:14

ꞌItsaira unika anuxun uisakin kara ꞌati ꞌikë kixun sinánkë me sapan anu, Diosan nëtë ka ꞌurama ꞌikë usa ain.

Joel 3:2

Usakin ꞌanan kana axa atumi nishkë bëtsi menu ꞌikë unikama, timëbiankin Josafat kakë me sapan anu uanti ꞌain, anuxun kana uisakin karana ꞌaisatani usakin ꞌën unikama Israel ꞌasaribiokin ꞌati ꞌain. (Josafat kikë bana ax ka Diosan uisa kara oisatania usakin ꞌati kikë bana ꞌikën.) Atun ka ꞌën uni Israelkama bëtsi bëtsi menu abístanun ꞌimianan, ꞌën atu ꞌinánkë me ꞌinánankin bikankëxa.

Miqueas 4:3

Usa ꞌain ka Nukën ꞌIbun bëtsi bëtsi menu tsókë unikama uix kara ꞌuchaxa kixun istankëxun uisa kara okatsia usakin ꞌati ꞌikën, ꞌakin ka ꞌura men tsókë unikama ꞌakanankë a mëníoxunti ꞌikën. Usakin ꞌakëxun ka atúnbi atun manë xëtokëkama a anun me tukati ꞌanan, ꞌain paka piakama anun ñu bimi biti tëntuñu ꞌitánun xëtokin ꞌati ꞌikën. Usa ꞌain ka uinu ꞌikë ëmanu ꞌikë unínbi anun bëtsibë ꞌakánanti sinánxun amiribishi anuan ꞌakanankë a bitëkëntima ꞌikën, ꞌianan ka uínbi usai ꞌakánanti ka kixun bëtsi ꞌunánmitëkëntima ꞌikën.

Apocalipsis 19:11

Usaquin ángelnën cacëxun cana naí panárabëcë isan. Anuaxa caballo uxua chiquitia cana isan. Ax a caballonu tsócë, ax ca Aín Quicësabi Oquin ꞌAcë caquin anëcë ꞌianan ca An Uni Paráncëma caquin anëcë ꞌiaxa. Usa ax ꞌixun ca ꞌatima unicama a uisoquin cara ꞌaisa tania usoquin castícanan axa upí sinánñucama a upí oia.