Joel 3:10 - Kashibo-Kakataibo Biblia

¹⁰ Kuakin ka atun manë sëbía chaxkë́ a manë xëtokin anun ꞌakánanti ꞌanan, machitusa tëntuñukama aribi atun masínbu ꞌati ꞌikën, usakin ꞌamainun ka ñuumara ka kixun iskëkama atux kiti ꞌikën: “¡ꞌËx kana kushi ꞌain!”

Joel 3:10 Iomraidhean Croise

Isaías 2:4

Diosan ka bëtsi bëtsi menu ꞌikë unikama ꞌakanantëkënima upitax bukunun ꞌitsaira uni uinu kara tsotia anuabi ꞌimiti ꞌikën. Usakin ꞌimikëxun ka atun manë xëtokë anua ꞌakanankë a anun ñu mëëkin me anun naëti ꞌanan, aín paka pia akamaribi anun bimia ñu ꞌapákë tëakin biti taxuñu okin ꞌati ꞌikën. Usokin ꞌaxun ka uinu ꞌikë ëma kamanuxunbi bëtsibë ꞌakananuxun anúan ꞌakanankë a bitëkëntima ꞌikën. Usonan ka uisai ꞌakánanti kara kixun uínbi bëtsi ꞌunámitima ꞌikën.

Miqueas 4:3

Usa ꞌain ka Nukën ꞌIbun bëtsi bëtsi menu tsókë unikama uix kara ꞌuchaxa kixun istankëxun uisa kara okatsia usakin ꞌati ꞌikën, ꞌakin ka ꞌura men tsókë unikama ꞌakanankë a mëníoxunti ꞌikën. Usakin ꞌakëxun ka atúnbi atun manë xëtokëkama a anun me tukati ꞌanan, ꞌain paka piakama anun ñu bimi biti tëntuñu ꞌitánun xëtokin ꞌati ꞌikën. Usa ꞌain ka uinu ꞌikë ëmanu ꞌikë unínbi anun bëtsibë ꞌakánanti sinánxun amiribishi anuan ꞌakanankë a bitëkëntima ꞌikën, ꞌianan ka uínbi usai ꞌakánanti ka kixun bëtsi ꞌunánmitëkëntima ꞌikën.

Lucas 13:12

Usa ꞌicë isquin cuënxun ca Jesusan cacëxa: —Min ꞌinsin ca nëtë́axa, camina pëxcúcë ꞌain.

Lucas 22:36

Canan ca ësaquinribi cacëxa: —Nucën Papa Diosan bana ꞌë ñuiquian cuënëo quiásabi oi ca ꞌiti ꞌicën. A banax ca quia: “An ñu ꞌatima ꞌacë unicama achúshi ca ax ꞌicë quiax ca unicamax quiti ꞌicën”. A bana quiásabi oi ca unicamax ꞌë ñui quiti ꞌicën. Usa ꞌain camina bërí min bana ñuixuni cuanquin burasañu ꞌixun a buánti ꞌain. Curíquiñu ꞌixun camina buánti ꞌain. Manë xëtocëñuma ꞌixun camina min tari maruquin anun curíqui biquin maruti ꞌain.