Joel 2:7 - Kashibo-Kakataibo Biblia

⁷ Usa ꞌain ka suntáru rakuëma kamax ꞌikësaribiti abákianx anun ëma kënëara anun rorukiani puntëishi amo kima kuankësa usaribi kiani kuanti ꞌikën.

Joel 2:7 Iomraidhean Croise

2 Samuel 1:23

Saúl ꞌimainun Jonatán ax ka kamabi israel unikaman axa upí uni ꞌikë nuibakë ꞌiakëxa, ꞌianan ka tsókëpan ꞌaish ꞌiásabi ñuaxi atubë ënanankëma ꞌikën. ¡Ax ka tëtëkamë ꞌëo nuankësamaira ꞌianan! ¡Paru ꞌinuán kushisamaira ꞌiakëxa!

2 Samuel 5:8

Usa ꞌain ka Davidnën usakin kamina anuxun ꞌati ꞌai kixun aín unikama kakë ꞌiakëxa: “jebuseo unikama ꞌakin kamina anúan ꞌumpax kuanti ꞌakë kini anun, atsínkin kamina kamabi uni bëxuñu ꞌimainun, aín xo ꞌatima masari nikë uni, akamami kana ꞌëx nishin usa ꞌain a këñukin ꞌati ꞌain.” Usa ꞌain ka a ñui a ꞌunánti bana ësai kia: “Uni aín niti upíma ꞌimainun, aín xo bamakë masari nikë a unikamax ka anuxun Dios rabiti xubunu atsintima ꞌikën, kiax ka unikamax kiakëxa.”

Salmos 19:5

anuax ka bari achúshi uni ꞌain xubunuax mëratiñu ꞌaish kuëëni ꞌikësai ꞌianan, achúshi uni abáti ꞌunan axa kuëëni abákësa kiani kuania.

Joel 2:8

Usai ꞌika champukama ꞌikësai suntárukama ax bëtsibë bëtsibë bëarananima ꞌiti ꞌikën; usai ꞌika achúshi achúshitax anun kuankë anunbi kuanti ꞌikën, kuani ka atumi okin atun pia pukëbëbi anuax raíribë ënananima sënë́nbi kuanti ꞌikën.

Joel 2:9

Usai ꞌika ëmami kikiani abákianx anun ëma kënëara anun rorukiani kuani, xubukamanu atsínti ꞌikën, usai ꞌika an ñu mëkamakë unikamax xubu ꞌain xëkuë chukúmakama anun atsínkësaribi ꞌiti ꞌikën.