Joel 2:3 - Kashibo-Kakataibo Biblia

³ A suntárukaman ka tsin ërë́nrukin bënë́kinshi, kamabi ñu këñukësa okin ꞌaia; usa ꞌain ka tsi rëkirukiantankëx ꞌinúkëbë ñankáishi ꞌikë usaribi ꞌiti ꞌikën. Atúxa kuankëmapain ꞌain ka me upíira ꞌaish, Edén kakë naësa ꞌiakëxa, ꞌaínbi ka atux kuankëbë anu uni ꞌikëma mesa ꞌiti ꞌikën. ¡ꞌAíma ka anuaxa abati ꞌiakëti ñu ꞌikën!

Joel 2:3 Iomraidhean Croise

Génesis 13:10

Usakian Abramnën kakëxun ka Lotnën me upí anu ꞌiisa Jordán kakë baka ꞌurama anua ꞌumpax ꞌitsaira ꞌikë a isakëxa, iskin ka Sóar ꞌurama ꞌikë ëma chukúma aribi isakëxa, usa ꞌain ka a menu ꞌitsaira ꞌumpax ꞌimainun naësa me chaiira ꞌikë isakëxa. Ax ka Egipto me iskësa ꞌiakëxa. (Ënëx ka Nukën ꞌIbun Sodoma ꞌimainun Gomorra ëma këñutisama pain ꞌain ꞌiakëxa.)

Génesis 2:8

Usokin ꞌatankëxun ka Nukën ꞌIbu Diosan Edén kakë naësa me, auküaxa bari urukë, anu achúshi naësa okin ꞌaxun anuxun kamabi ñu bëruánti anubi ëankëxa.

Éxodo 10:15

ꞌain ka me istisama ꞌitánun ankëkin tsitsiruakëxa, usa ꞌixun ka champun kamabi me tsitsirukin ñu ꞌapákë ꞌain pëchi ꞌimainun aín bimiñu ꞌimainun ni matsin titan ꞌakin tëokë akamabi këñuakëxa. Usakian ꞌakëx ka pëi paxa achúshirabi iskëma Egipto menu: ꞌimainun ninubi pëi paxa ꞌaíma ꞌiakëxa.

Éxodo 10:5

usakin unimikëx ꞌaisamaira ꞌixun nuturukëx ka me istisama ꞌiti ꞌikën. An ka anu pakëkin matsin këñukinbi tëxëokë mitsun ñu ꞌapákë pikin këñuti ꞌikën, ꞌimainun ka kamabi ni pëi ninu ꞌikë kamaribi piti ꞌikën.

Isaías 33:4

usa ꞌain ka axa ami nishkë unikamax champu ꞌitsa nuania nëtë kuin masá kuatsini ukësai ukin axa ami nishkë unikaman, atun ñu kupíkë akamabi bianan anúan ñuñuira ꞌikankë akamabi bikuanti ꞌikën.

Ezequiel 36:35

Usakin mitsun ꞌakë isi ka ësai kikanti ꞌikën: Ënë me anu uni ꞌikëma mesa iskan ax ka bërí, Edén kakë menu naësa ꞌia usaribi ꞌikën; usa ꞌain ka anu ꞌikë ëmakama ami nishkë unikaman masókin rurupakan ꞌikëbi bërí, amiribishi ꞌatëkëntankëx ꞌitsa uni anu tsotia kiax kikanti ꞌikën.

Amós 7:4

Ënë ñu ka namákësokin Diosan ꞌë ismiaxa: Ismikëxun kana anun ꞌatima okin nu tëmëramiti tsi ënxaira an parúmpapa nëmin abi ë́skakin xaronan kamabi naëkama këñuti xutia isan.

Habacuc 1:6

Usa ꞌain kana caldeo unikama ꞌakanani unun ꞌimiti ꞌain atux ka ñu ꞌaisama ꞌakëbuira ꞌaish ñu ꞌaisama atishi ꞌikën, usa ꞌain kana atu ënti ꞌain, atun suntárukamax ka bëtsi bëtsi menu kuankin, ainamabi bëtsi unikaman me ꞌibuakin bikë unibu ꞌikën.