Joel 2:26 - Kashibo-Kakataibo Biblia

²⁶ Mitsun kamina ꞌitsaira ñuñu ꞌixun puchákin pikin mitsun ꞌIbu Dios ꞌikë ꞌë rabikanti ꞌain, ꞌën kana mitsu ñu chaiirabu ꞌaxunin. Usa ꞌain ka ꞌën unikamax katë́kë bërútëkëntima ꞌikën,

Joel 2:26 Iomraidhean Croise

Génesis 33:11

ꞌËn kana mi ꞌinaishiti ñukama bëkë ënëmi binun mi kain Nukën ꞌIbu Diosan ka ꞌitsaira ñuñuira ꞌinun ꞌë ꞌimiaxa, usa ꞌain kana ñuñumama ꞌain. Ësakian Jacobnën ꞌuran kakëxun ka Esaúnën an ꞌinánkë ñuinakama biakëxa.

Nehemías 9:25

ꞌAkin ka ëmakama upíokian kënëarakama a ꞌimainun me upíbu anu ñu ꞌapákëxa upiti kookë ꞌimainun atun xubu anua ñu upíirabu bukúnkë a ꞌianan anua atun ꞌumpax biti me kinikë upíirabu a ꞌianan atun uvas ꞌapákë a ꞌianan olivos ꞌimainun raíri i bimi an tuákë akama bikankëxa; bitankëx ka a menu upíokin puchákin pi xuati atun kuëënkësa oi ꞌi tsókankëxa.

Salmos 103:5

ꞌanan ka kamabi ñu upíbu ꞌë ꞌinania ꞌianan ka ꞌë bënátëkëni tëtëkamë ꞌëo ain rani rëukubutankëx amiribishi ꞌirutëkënkësa usairibi ꞌi ꞌëx kushi ꞌinun ꞌë ꞌimia.

Salmos 116:7

Usa ꞌain kana bërí, kuni chuámarua tanin, min kamina ꞌëbë upí ꞌixun ꞌë,

Salmos 22:26

Ñuñuma unikama mitsux kamina, puchákin pitankëx kuëënkanti ꞌain; ainan ꞌixun Dios rabi kamina mitsux, ꞌitsabaritia ꞌimi tsókanti ꞌain.

Salmos 37:19

Usa ꞌain ka anúan numi ꞌiti nëtë ꞌikëbë, numin ꞌi rabinkësa ꞌima, raírinëxa a piti ñuñuma ꞌimainun, atun piti ꞌitsaira ꞌiti ꞌikën.

Salmos 72:18

Chúamarua ka Israel unikaman ꞌIbu ꞌimainun atun Dios ax ꞌiti ꞌikën, axëshi ka an ñu chaiirabu ꞌakë a ꞌikën;

Isaías 45:17

ꞌAínbi ka Nukën ꞌIbun Israel unikama a ië́miakëxa, ië́mikin xënibua ꞌaínbi ꞌitiokin ië́miakëxa. Usa ꞌaish ka uínsaranbi katë́ti ñuumara ꞌitima ꞌikën.

Isaías 49:23

ꞌApukaman ka kanioti atu biti ꞌikën, ꞌimainun ꞌapun xubunu ꞌikë xanu upíbu akamaxribi ka an tuá xukama bërúankë ꞌiti ꞌikën. Usakin ꞌai ka mitsu bëtánain ñanati ꞌikë ax mitsun kakësabi oi kananuna ꞌiti ꞌai kixun sinania ꞌikë ꞌiti ꞌikën. Usai ꞌikin ka ꞌëx kana Nukën ꞌIbu ꞌai kixun ꞌunánan, uix kara ꞌëmi katamëtia ax ka uínbi paránkëma ꞌiti ꞌikë kiax kiakëxa.”

Isaías 54:4

Usa ꞌain kamina rakuë́tima ꞌain katë́kësamina ꞌin, usa ꞌain kamina bërúankati ꞌain; mi ꞌichakin ñuikankëxbi anun rabinti ñu ka ꞌaíma ꞌiti ꞌikën. Bëná ꞌaíshmi bakë bëchikëñuma ꞌaish rabian akamina manuti ꞌain, ꞌimainun kamina xanu aín bënën kasunankë ꞌakësokin mi ꞌakan a sinántima ꞌain,

Isaías 55:2

¿Uisa kupín kaina kuríkinën a piti ñu ꞌakësokin pitima ñu a kupíoti ꞌain? ¿Uisa kupín kaina të́xumi bikë kuríki anun pitima ñu kupíoti ꞌain, a kana ꞌa kixun sinani kuëëntima ñu a kupíoti ꞌain? Upiokin kamina ꞌën kakëxun kuati ꞌain, kuakin kamina upiokin ꞌakë piti nëish irakama piti ꞌain.

Zacarías 9:15

ꞌËnbi kana kamabi kushiñu ꞌixun ꞌën unikama bërúanti ꞌain, usokëxun ka atun axa ami nishkë unikama anun ꞌakanankë ñukama tsasipakin ꞌatima oti ꞌikën, usakin ꞌakin kanantankëxun ka chaiira fiesta ꞌati ꞌikën, usakin ꞌai ka xëakë anunbi paë́nkanti ꞌikën; atun xëakë uvas baka anunbi ka amia xëakëkama a buchukë ꞌiti ꞌikën, usakin ka xampakama anuxun ñuina xaroti anu chikuti imin buchukë usa ꞌitánun ꞌati ꞌikën.

Zacarías 9:17

¡Upíira upí ka anu aín unikama ꞌiti ax ꞌikën! Usa ꞌain ka aín trigo bimi ꞌitsaira ꞌimainun a xëati uvas baka ꞌaisamaira ꞌikëbë aín bakë bëchikë ꞌimainun ꞌini bëchikë kama upí ꞌinun kanikanti ꞌikën.

Romanos 10:11

Cristo ñuiquian Nucën Papa Diosan bana cuënëo ca ësairibi quia: “Axa ami catamëcë unicaman ca, an ca ax quicësabi oquin ꞌë ꞌaquinia quixun ꞌunania”.

Romanos 5:5

An ca —asérabi camina ꞌëbë ꞌiti ꞌai —quixun caquin nu paraníma. An ca aín Bëru Ñunshin Upí nubë ꞌinun nu ꞌinánxa. Nubë ꞌixun ca nu ꞌunánmia uisaira oquin cara Nucën Papa Diosan nu nuibatia quixun. An ca asérabi nu nuibatia quixun ꞌunánquin cananuna, nux cananuna asérabi aín nëtënu abë ꞌiti ꞌai quixun ꞌunanin.

Romanos 9:33

Nucën Papa Diosan bana cuënëo ca maxax ñuicësa oquin Cristo ñui ësai quia: Camina ꞌunánti ꞌain, ꞌën cana Sión cacë ëmanua, maxax achúshi ꞌinun mëníoin. Ami ca uni raírinëx tatíquianan maxax cha ꞌain chacati nipacëti ꞌicën. Usa ꞌaínbi ca axa ami catamëcë unicaman ꞌunánti ꞌicën, an ca asérabi ax quicësabi oquin atu ꞌaquinia quixun.

Deuteronomio 12:12

ꞌImainun kamina anuxun Nukën ꞌIbu Diosan isnun fiesta ꞌakin, mitsun bakë bëchikëkama ꞌimainun an mi ñu mëëxunkë unikama ꞌimainun axa mitsubë ꞌikë, levita unikama mitsún biti me a bitima ꞌikën.

Deuteronomio 12:18

ꞌImainun kamina Nukën ꞌIbu Diosan isnun ꞌakin mitsun uinu kara an kaisia, anuxun Diosan ismainun ꞌakin mitsun bakë bëchikëkama ꞌimainun an ñu mitsu mëëxunkë ꞌimainun mitsun aintsi levita unikama atubëbi timë́xun mitsun ñu ꞌapákë ꞌain bimi bixun pi kuëënti ꞌain.

Deuteronomio 12:7

ꞌInánkin kamina xubusa okin chupa ꞌakë anuxun mitsun aintsikamabëtanbi xara okëxa tëxëkëkama kuëënkin piiti ꞌain, ax ka ñu mëia Diosan mitsun ñu ꞌapákë ain bimi ꞌimainun mitsun ñuinakamaribi ꞌaisamaira ꞌinun ꞌimikë ꞌikën.

Deuteronomio 8:10

Usa ꞌain kamina anuxun mitsu ꞌinánkë ñu a piti ꞌitsaira ꞌain kuëënkin anuxun Dios rabiti ꞌikanin, mitsua me upí anbi ꞌinánkë kupí.

1 Timoteo 6:17

Axa Jesucristomi catamëcë uni, ꞌitsa curíquiñu ꞌimainun ꞌitsa ñuñu ꞌicë camina ësaquin cati ꞌain: Curíquiñu ꞌixun camina —ꞌëx cana ñuñuira ꞌaish bëtsi unisama ꞌai —quixun sinántima ꞌain. Curíqui ꞌimainun ñucamaxribi ca nëtë́ti ꞌicën. Usa ꞌain camina min curíquimi catamëquin —uínbi ca ꞌë uisoima, añu ñu carana ꞌaisa tani a cana ꞌati ꞌai —quixun sinántima ꞌain. Usaquin sinánquinma camina Nucën Papa Dios an bamatimoi tsócë ꞌixun, anun nux chuámarua bucunun camabi ñu nu ꞌináncë, amishi catamëti ꞌain.

1 Juan 2:28

ꞌËn bëchicësa ꞌicë, cana mitsu cain, utëcënquian Jesucristonën nu upí isti cupí camina camabi nëtën an sinánmicësabi oquin sinánti ꞌain, axa ucëbë rabíntima cupí.