Joel 2:21 - Kashibo-Kakataibo Biblia

²¹ Kamabi mex ka rakuë́tima ꞌitsaira kuëënti ꞌikën, Diosan ka chaiirabu ñu ꞌati ꞌikën.

Joel 2:21 Iomraidhean Croise

Génesis 15:1

Ënë ñukama ꞌatankëxa ꞌinúkë ꞌain ka Nukën ꞌIbun Abram namákin iskësokian isia kakëxa: —Kamina rakuë́tima ꞌain Abram, ꞌëx kana an mi bërúankë a ꞌain. Min biti ñu ax ka chaiira ꞌinuxun ꞌaia.

Isaías 35:1

ꞌËx kana kuëënin anu uni ꞌikëma, me ëskikë ax kuëënti, kuëënkëbë ka ꞌitsaira anu ñu bimi uábuti ꞌikën,

Isaías 41:10

ꞌËx kana mitsubë ꞌain usa ꞌain kamina rakuë́kantima ꞌain; ꞌëx kana mitsun Dios ꞌain usa ꞌain kamina rakuë́kantima ꞌain, ꞌën kana mitsu kushionan ꞌakinti ꞌain, ꞌën kana mitsu anun ꞌakánanti manë xëtokë ꞌën mëkënan tuínxun ꞌakësokin axa mimi nishkë unikamami kupitanuma ꞌanun ꞌamiti ꞌain.

Isaías 44:23

¡Naíkamë ꞌëo ax ka munuma kuëëni kuënkënti ꞌikën, usakian Nukën ꞌIbun ñu ꞌakë a isi! ¡Munuma kuënkëni ka me chaiira nankë́kë kamax unix ꞌikësaribiti ꞌiti ꞌikën! ¡Aín bashikama ꞌimainun ninu ꞌikë ikama axribi ka munuma unix ꞌikësai kuëënti ꞌikën, Nukën ꞌIbun ka aín kushi chaiira ismikin Israel unikama Jacobnën rëbúnkikama ië́miaxa usa ꞌain!

Isaías 54:4

Usa ꞌain kamina rakuë́tima ꞌain katë́kësamina ꞌin, usa ꞌain kamina bërúankati ꞌain; mi ꞌichakin ñuikankëxbi anun rabinti ñu ka ꞌaíma ꞌiti ꞌikën. Bëná ꞌaíshmi bakë bëchikëñuma ꞌaish rabian akamina manuti ꞌain, ꞌimainun kamina xanu aín bënën kasunankë ꞌakësokin mi ꞌakan a sinántima ꞌain,

Isaías 55:12

Usa ꞌain kamina mitsux kuëënkiani anuaxmi tëmërakankë, anuax kamina mitsun menubi uínbi uisokinbi kakëma kuantëkënti ꞌain. Usai mitsux kuania isi ka ꞌain bashikama kuëëni kantati ꞌikën, ꞌimainun ka kamabi ikama ninu ꞌikë akamax mëtashkiti ꞌikën.

Oseas 2:21

ꞌËx Dios ꞌaish kana ësai kin, a nëtëkaman kana ꞌën uni Israelkama ñukákëxun naínuax ꞌibúkian ꞌuñenën me chabónun ꞌamiti ꞌain;

Joel 2:20

Usa ꞌain kana aín tsipumiaxa champu ꞌitsa ukësa kuatsini mitsunu ukë suntárukama anu uni ꞌikëma menua kuantanun xuti ꞌain. Usokin ꞌakin kana anpan rëkuë́n kuatsinkëkama a parúmpapa bamakë kakë anua bakamikinun ꞌimiti ꞌain, ꞌimianan kana axa tsiankuatsini ukë akamaribi parúmpapa mediterráneo kakë anu këñunun ꞌimiti ꞌain, usokin ꞌakëx ka aín namikama chë́ki pisiti ꞌikën. ¡ꞌËn kana unin iskëma ñu chaiirabu usokin ꞌati ꞌain!”

Joel 2:26

Mitsun kamina ꞌitsaira ñuñu ꞌixun puchákin pikin mitsun ꞌIbu Dios ꞌikë ꞌë rabikanti ꞌain, ꞌën kana mitsu ñu chaiirabu ꞌaxunin. Usa ꞌain ka ꞌën unikamax katë́kë bërútëkëntima ꞌikën,

Deuteronomio 4:32

Mitsun kamina ësokin sinánti ꞌain, bërámabi nëtë ióñu ꞌia ꞌimainun, Diosan ënë nëtënu uni uniotabakin unio; a kamina mitsun kamabi menu ꞌikë unikama atunuribi kara Israel menu ꞌikësaribiti Diosan ꞌakinkëx ñu ꞌiakëxa kixun ñukáti ꞌain.

1 Samuel 12:16

“Usa ꞌain kamina anumi bukukë anuax kuainkima pain uni itsin ꞌakëma ñu Nukën ꞌIbun mitsun ismainun ꞌaia iskanti ꞌain.

1 Samuel 12:24

Mitsun kamina Nukën ꞌIbun kakësokinshi ꞌakin asérabi kuëënkin ashi rabikanti ꞌain, an ka nu upíokin ꞌitsaira ꞌakinia kixun ami sinánkin.