Joel 2:20 - Kashibo-Kakataibo Biblia

²⁰ Usa ꞌain kana aín tsipumiaxa champu ꞌitsa ukësa kuatsini mitsunu ukë suntárukama anu uni ꞌikëma menua kuantanun xuti ꞌain. Usokin ꞌakin kana anpan rëkuë́n kuatsinkëkama a parúmpapa bamakë kakë anua bakamikinun ꞌimiti ꞌain, ꞌimianan kana axa tsiankuatsini ukë akamaribi parúmpapa mediterráneo kakë anu këñunun ꞌimiti ꞌain, usokin ꞌakëx ka aín namikama chë́ki pisiti ꞌikën. ¡ꞌËn kana unin iskëma ñu chaiirabu usokin ꞌati ꞌain!”

Joel 2:20 Iomraidhean Croise

Salmos 126:3

Nuribia Nukën ꞌIbun ñu chaiirabu ꞌaxunkëx kananuna nuxribi ꞌitsaira kuëëankën.

Éxodo 10:19

Usakian ñukákëxun ka Nukën ꞌIbun abu bari kuabúkë amiaxa bëkikë a buinakin amo bëkinun ꞌimikëxun ka suñun champu kamabi Egipto menua achúshirabi bërutanuma parúmpapa xónsa kakë anu punun sinanxuankëxa.

Éxodo 8:14

Këñutia ka anu ꞌikë unikaman ꞌashá timëkin bukuankëxa bukunkëx ka ꞌaisamaira ꞌashá bamakë ax kamabi a menuax xëisamai pisiakëxa.

Amós 4:10

“Usa ꞌain kana ñu ꞌatima Egipto menu ꞌimiasaribi okin atunu ꞌimiakën; uni bënábukama anuax ꞌakanankë me anuax bamanun ꞌimiakën, usakin ꞌanan kana atun caballokama axa ami nishkë unikama atunan ꞌinun ꞌibuanun ꞌamiakën, ꞌamianan kana anua atux ꞌikë anuaxa ñukë unin ꞌisha xënun xëmiakën, ¡usa ꞌaínbi kamina mitsux ꞌëmi sinántëkëntisama tankankën!” Usai ka Dios kiaxa.

Malaquías 3:11

ꞌImianan kana atun ñu ꞌapákëkama ꞌimainun uvas ꞌapákëkama aribi an ñu këñukëkama an masókin pikin këñunun ꞌamitima ꞌain.