Joel 2:18 - Kashibo-Kakataibo Biblia

¹⁸ Usa ꞌain ka Diosan ax nuibanan irakë ꞌixun atun ꞌakë ñukama sinánkinma ꞌain unikama nuibakin ismiakëxa. Usokin aín unikama,

Joel 2:18 Iomraidhean Croise

2 Reyes 19:31

Usa ꞌain ka Jerusalénnu ꞌitsama unishi bërúmainun aín bashi Sión kakë anuribi axa ñukëmakama axribi anu tsóti ꞌikën. Ësokin kana ꞌën atu nuibakin Dios kamabi kushiñuira ꞌixun ꞌëx kiásabiokin ꞌati ꞌain.

Salmos 103:13

Uikaman kara a nuibakin ax kikësabiokin ꞌaia, a unikama ka Diosan unían aín bakë bëchikëkama ꞌakësaribi okin nuibatia;

Salmos 103:17

ꞌAínbi ka Diosan unikama nuibakë ax usabi nëtë́tima oi ꞌia, uikaman kara ax kikësabiokin ꞌaia a unikama; ꞌianan ka uin kara an kakësabiokin ꞌaia a nuibanan aín rëbúnkikamaribi aín chaitikama ꞌasaribiokin bëríbi nuibatia,

Isaías 42:13

Usa ꞌain ka Nukën ꞌIbu ax uínbia uisakinbi kakëma ꞌianan, axa ꞌakánanti ꞌunánkëira uníxa bëtsibë ꞌakanani kushikë usai ꞌiti ꞌikën; munuma kuënkëni axa ami nishkë unikama an ñusmokin ꞌai ꞌiti ꞌikën.

Isaías 60:10

Bëtsi menu tsókë unikaman ka anun mitsun ëma kënëara ꞌikëbia rurupakama a mitsu ꞌaxuntëkënti ꞌikën, usakin ꞌaia ka atun ꞌapukaman mitsu ꞌakinti ꞌikën; Nukën ꞌIbun ka ax nishkin mitsu ꞌatima okin tëmëramiakëxa, ꞌaínbi ka bërí ax upí ꞌixun mitsu nuibatia.

Isaías 63:15

Nun ꞌIbu min kamina naíkamë ꞌëonuxunbi nu ꞌisti ꞌain, upíira anuxunbi kamina min isti ꞌain. ¿Uinu kara mix nuibanankë chaiira ꞌimainun min kushi ax ꞌit? ¿Uinu kara nu sinánkinmi nukama nuibakë ax ꞌit? ¿Minmi nukama nuiba a kaina numi manukin ëan?

Isaías 63:9

kamabi atun tëmërakë anuabi. Usa ꞌixun ka bëtsi uni an ië́minun xukinma, Nukën ꞌIbunbi ka ië́miakëxa. An ka bitëkëánkëxa nuibanairakë ꞌixun; aín pëñanën birukësa ꞌinun ꞌakiankëxa. Usakin ka bërámabi ꞌa ꞌixun ꞌakiankëxa.

Jeremías 31:20

Efraínnu ꞌikë unikama ax ka, ꞌëx amira sinánkë bakë bëchikë usaribi ꞌikën; usa ꞌaish ka ax ꞌën kuëëinrakë ꞌën bakë bëchikë ꞌikën. Usa ꞌikë kana ñu ꞌatima ꞌaia usakin kamina ꞌatima ꞌai kixun kan, ꞌaínbi kana ami manukima usakin kamina ꞌatima ꞌain kixun kain; usa ꞌain kana ꞌën nuitunën upitani kuëënkin, atu ꞌitsaira nuibatin. ꞌËx min ꞌIbu ꞌaish kana asérabi ësai kin.

Lucas 15:20

Usaquin sinántancëx ca aín papanu cuanxa. Cuania ca ꞌuránxunbi aín papan mëraxa. Mërai nuibati cuëëni abáquiani cuanxun ca ꞌicúquin biquin bëtsucucaxa.

Deuteronomio 32:16

Usai ꞌikin ka Dios ꞌaisamaira nishmikin bëtsi ñukama rabikin ax kuëënkëma ñuira ꞌakankëxa;

Deuteronomio 32:36

Usai ka Nukën ꞌIbu an kaisa unikama bëtsi bëtsi okin ñu mëëmikëxa kushiñumasa ꞌia iskin ꞌakinti ꞌikën; usakin ka Nukën ꞌIbun uniñumasa ꞌinua atubë ꞌikë unikama ꞌimainun aín kushibu akama nëtë́ti ꞌaisamai ꞌiabi atu ꞌakinti ꞌikën.

Deuteronomio 32:43

Usa ꞌain ka Moisés Nukën ꞌIbu rabi kantatankëx sënënishi ësai ki kantakëxa: ¡Kamabi menu ꞌikë unikamaxribi ka Diosan kaískë ꞌaíshmabi aín unikamabë a rabi kantai kuëënti ꞌikën! ¡Usa ꞌain ka Diosan aín unikama an ꞌakë uni a ꞌanan, ain ëmanubi tsókë aín uni Israelkama nuibakin ꞌakinti ꞌikën usakin ꞌakin ka axa aín unikamami nishkë unikamaribi ꞌati ꞌikën!

Santiago 5:11

Uicaman cara tëmëraquinbi bënë́quinma tanshitia ax ca upí oquinshi sinani cuëënia quixun cananuna ꞌunanin. Mitsun camina Jobnëxa ꞌaisamaira tëmëraibi Nucën ꞌIbu Diosmi catamëa a bana ñuia cuan. Cuacë ꞌixun camina ꞌunáncanin, uisaira oquin cara Nucën ꞌIbu Dios an nuibaquin uni ꞌaquincë ꞌixun a uni ꞌaquiancëxa quixun.