Joel 2:17 - Kashibo-Kakataibo Biblia

¹⁷ Sacerdotekama an Diosan ñu mëëti ꞌakë mitsuxribi kamina utankëx Dios ñukáti inti ꞌain. Usai ini ka anuxun Dios rabiti xubu a bëtanaia ꞌikë anuxun ñuina xaroti ꞌakë anu sëtëtax ësai kikanti ꞌikën: “Nukën ꞌIbu Dios min unikama kamina atun ꞌakë ñu ꞌatimakama mëníoxunti ꞌain; ꞌanan kamina ñuumara ka atux ꞌikë kiax numi uinu ꞌikë uníxbi kuainun ꞌimitima ꞌain, nux kananuna min kaískë unikama ꞌai usa ꞌain; ꞌianan kamina bëtsi ëmanu ꞌikë unikaman atun kuëënkësokin ꞌamainun an bëtsi ñu rabikë unikaman numi kuaikin: ¿Uinu kara mitsun Dios ꞌik? kixun nu kanun ꞌimitima ꞌain.

Joel 2:17 Iomraidhean Croise

1 Reyes 6:3

ꞌImainun ka anuxun Dios rabiti xubu bëtánain anua uni niti ꞌakë ax nueve metro aín chaxkë́ tupunkë ꞌianan, xubun naxbabëtan sënë́nbi ꞌakë, ꞌianan ka ain naxba cuatro metro ꞌimainun medio metro ꞌiakëxa.

1 Reyes 9:7

ꞌën atu ꞌinan me anua Israelkama chikínti ꞌain, chikíanan anuxun ꞌë rabiti xubu ꞌamikë a ënun ëmikëbë ka Israel kamami bëtsi menu ꞌikë unikama kuaiti ꞌikën.

Nehemías 9:36

Usa ꞌain kamina nukamami sinánti ꞌain, bërí kananuna bëtsi unikaman ñu mëmikë uni ꞌain, usa ꞌaish kananuna nun chaitiokëkamami anu ñu ꞌapáxun bimia pia bukunun ꞌinan me ënu uni itsin ñu mëëmikë ꞌain.

Salmos 115:2

¿Uisa kupín kara numi kuaikin ñu ꞌatima ꞌakë unikaman uinu kara nun Dios ꞌikë kixun nu ñukáti ik?

Salmos 42:10

Axa ꞌëmi nishkë unikamax ꞌë ñui banakë kuakë anunbi kana ꞌën namikama paëkësa tani atsan, usai ꞌia ka panakimaira kamabi nëtën atun ꞌë ñukatia. “¿Uinu kara min Dios ax ꞌik?”

Salmos 42:11

¿Uisa kupín karana sinanati kana ꞌaima kiax kiti ꞌain? ¿Uisa kupín karana ꞌitsaira sinánti ꞌain? ꞌËn ꞌIbu Dios ashi kana an ꞌë ꞌakinun rabiti ꞌain. ¡An ka ꞌën Dios ꞌixun ꞌë ië́mia!

Salmos 42:3

Nëtë ꞌimainun imë́bi kana ꞌën piti pikësa ꞌinun tëmërai bëunan mëskúkin ëniman, usai ꞌia ka kamabi nëtën unikaman ꞌëmi kuaikin ꞌë ñukatia: “¿Uinu kara min Dios ax ꞌik?”

Salmos 42:4

Kixuan ꞌë kakan a sinani kana uínsaran karana ꞌëx tëmëra akama sinani anun ꞌitsaira masánuituti paëin; ꞌianan kana anuxun mi rabiti xubu Jerusalénnu ꞌikë anuax unikamabë kuanxun fiesta ꞌakin mi rabi munuma kuëëni ꞌia akama sinanin. ¡Ax ka fiesta chaiira nun ꞌakë ꞌiakëxa!

Salmos 89:41

Usokin ꞌakë ꞌain ka au inúkin kamabi unin añu kara bisatania a iskin mëkamatia; usokëbë ka a rapasu ꞌikë unikamax atumi kuaia.

Salmos 89:51

ꞌËn ꞌIbu Dios, ¡ësokin ka axa mimi nishkë unikaman nu ꞌatima oia! ¡Usakin ka min kaískë uni ꞌikëbi uisai kara ꞌia abi ñuibiankin ꞌatima oia!

Éxodo 34:9

ësakin kakëxa: —¡ꞌËn ꞌIbu! ¡ꞌËn ꞌIbu! Asérabi nu nuibati kamina nu kuankëbë nubë kuanti ꞌain. Ënë unikaman ka asérabi aín sinan iruarakin bana kuakëma ꞌikën, ꞌaínbi kamina nux mimi ꞌuchakë a tërënkin minan ꞌinun nu ꞌimiti ꞌain.

Oseas 14:2

Usa ꞌain kamina Diosmi sinanatëkënkin ësokin mitsun a ñukáti ꞌain: “Nukaman ꞌuchakama kamina nu mëníoxunti ꞌain, mëníoxunkin kamina mix upí ixun nun mi rabikëxun upíokin kuati ꞌain.

Joel 1:13

Usa ꞌain kamina sacerdotekama anuxun ñuina xarotinu tëkë, ꞌain kushibu mitsux chupa xëni pañutankëx paëi masá sinani inkanti ꞌain, anuxun Dios rabiti xubunu ka ñu bimikama ꞌimainun a Dios ꞌinaínshiti uvas baka vino ꞌakë abi ꞌaíma ꞌikën.

Joel 1:9

usaribiti ka sacerdote unikamax inia, anuxun Dios rabiti xubunu ka añu ñubi ꞌaíma ꞌianan, a xëati uvas baka ꞌakë ꞌimainun a Dios ꞌinaínshiti ñukamaribi ꞌaíma ꞌikën.

Amós 7:2

Usakin ꞌimikëxun ꞌaisamaira champun tëokimaira ñu pikëbëtan kana ꞌën kan: —¡Nukën ꞌIbu Dios nukamina uisabi okima nuibati ꞌain! ¿Nux karanuna Jacobnën rëbúnki ꞌaish ꞌitsama uni ëmanu bërúkë ꞌain?

Amós 7:5

Iskin kana ꞌën kan: —¡Usokin kamina nu ꞌatima ꞌain! ¿Uisaxun kara Jacobnën rëbúnkikaman ax ëma chukúmara ꞌixun usakin min ꞌakëxun tënëti ꞌik?

Malaquías 1:9

Mitsun kamina Dios nukama nuibanun kixun abë banakin kati ꞌain. ꞌAínbi kamina usakin a ꞌinánti ñu a ꞌinánkin Diosan ka a ñukama upíokin bitsia kixun mitsun sinánkantima ꞌain. Dios kamabi kushiñu ax ka ësai kia:

Mateo 23:35

Usa ꞌixun camina mitsun raran ꞌásaribi oquin ꞌain. Abel pain ca ꞌuchañuma ꞌicëbi mitsun rara achúshinën ꞌacëxa. Usaribi oquin ca mitsun raran an Nucën Papa Dios quicësabi oquin ꞌacë unicama bari itsi bari itsi inúmiquin ꞌacëxa. ꞌA ꞌaían ca raírinënribi Zacarías, Baraquíasnën bëchicë, a anuxun Nucën Papa Dios rabiti xubu rapasunuxun ꞌacëxa. Usaribi oquin camina mitsun ꞌain.

Mateo 27:43

Ax isa aín Bëchicë ꞌaish Nucën Papa Diosmi catamëtia ca quiaxa. Ax asérabi anun cuëëncë ꞌixun ca Nucën Papa Diosan bërí ië́mitsianxa, usa ꞌaínbi ca ië́mima.

Deuteronomio 32:27

ꞌaínbi kana atumi nishkë unikamaxa ꞌëmi kuai kiti ꞌikë kixun sinánkin ꞌakëma ꞌain; ꞌakinma kana atúxa ꞌëmi kuai kánani: Nukën ꞌIbun ka atu ësokin ꞌakëma ꞌikën; nun kushínbi kananuna ësokin ꞌa kiax kiti ꞌikën.