Joel 2:15 - Kashibo-Kakataibo Biblia

¹⁵ ¡Manë banañu aín bashi Sión kakë anuxun banokëbëa timëtia kamina! Ëmanu ꞌikë unikama pikëmëti samákanun kati ꞌain;

Joel 2:15 Iomraidhean Croise

1 Reyes 21:12

ꞌAkin ka kamabi unikaman timë́xun atun achúshi nëtën añubi pima samákin Nabot anua kamabi unikama timë́kë anua rëkuë́ni atubë tsónun ꞌimiakëxa.

1 Reyes 21:9

A kirika kuënëokë anu ka ësokin atu kakin ꞌakë ꞌiakëxa: “Kamabi Jezreel ëmanua ꞌikë unikamax ka añu ñubi pima samánux timë́kanti ꞌikën. Usakin ꞌakin ka Nabot anua unikama tsókankë anu rëkuë́mikin tsónti ꞌikën.

Isaías 1:13

ꞌË nanxuinshikatsi kixun mitsun ꞌaisamaira ñu bëkankë ax ka ñankáishibimi bëkankë ꞌikën; usa ꞌain kana a ñukama xarokëxa kuínkë aín kuin a xëisama tanin. Mitsun kamina unikama ꞌuxë ió ꞌikëbëtan ꞌanan anun ñu mëëtima nëtë ꞌikë anun kuëënin, ꞌaínbi kana ꞌën an ñu ꞌatima ꞌakë unikaman usakin fiesta ꞌakin ñu ꞌatima ꞌakë a kuëënima.

Jeremías 36:9

ꞌApu Joaquím Josíasnën bakë bëchikë axa mapai achúshi baritia Judá menu ꞌapu ꞌikë ꞌaían nueve ꞌuxë ꞌirukë anun ka Jerusalénnu tsókë ꞌimainun Judá menu ꞌikë ëmakanuaxa Jerusalénnu ukë akamax ka samákin pikëmëti Nukën ꞌIbu kuëëntanun ꞌai anu ꞌikankëxa.

Joel 1:14

Usa ꞌain kamina kamabi unikama pima samákanun kati ꞌain; usai ꞌixun kamina anuxun Dios rabiti xubunu uni aín tukurikubu ꞌimainun kamabi unikama a menu ꞌikë timë́ti ꞌikën, anuxun ka Dios atun ꞌuchakëkama ñuixunti ꞌikën.

Joel 2:1

Aín bashi Sión kakë anuxun ka manë banañu banokanti ꞌikën, ꞌanan ka Nukën ꞌIbun kaisa bashi upíira anuxun uisai ñu ꞌikëbëtan a banamiti aribi banamiti ꞌikën. Kamabi unikama Judá menu tsókë akamax ka bërëti ꞌikën, Nukën ꞌIbun nëtë ka ꞌuramaxa usa ꞌain: