Joel 1:20 - Kashibo-Kakataibo Biblia

²⁰ Usa ꞌain ka ñuina raëkëmakamaxribi tëmërai banaia, atúan xëakë xëxakamaribi ëskimainun, ka tsin pastokamaribi nënkin xaroxa.

Joel 1:20 Iomraidhean Croise

1 Reyes 17:7

Usakin anua ꞌumpax ain xëati bikëbëbi ka xëxá ax ꞌitsama nëtë ꞌikëbë, Israel nëtënuaxa ꞌuí ꞌibúkëbëma ë́skiakëxa.

1 Reyes 18:5

Ahab an ka Abdías kakëxa: —Kamabi Israel menu kuainakëkin kananuna isi kuanti ꞌain, bakakama upíbu kara anua basi paxa mëratisa ꞌikë isi kuanti ꞌain, nun caballo ꞌimainun burrokama a pimiti ka ꞌaíma ꞌikën, usokin barikëbëma ka nun ñuinakama bamai këñuti ꞌikën, këñúkëbë kananuna ñuinañuma bërúti ꞌain.

Job 38:41

¿Uin kara nónshiansa pëchiu ñuinakama, aín tuákamaxa nánuax pikatsi sharákëbëtan abá pimiti baria na piminun ñu ꞌinanin?

Salmos 104:21

ꞌImainun ka paru ꞌinúan aín piti ñuina bitankëx kuëëtia; usai ꞌikin ñukákëxun ka Diosan aín piti ꞌinania.

Salmos 145:15

Kamabi unin ka anun ꞌinánti nëtë ꞌikëbëtan min ꞌinánkëxun piti binuxun kainia.

Jeremías 14:4

ꞌImainun ka naën tëkë unikamaxribi, paránkësa bërúti ꞌitsaira rabinia usai ꞌika chupan mamapukutia, ꞌuíka ꞌibutima usa ꞌain ꞌimainun ka me ë́ski tukibutia.

Joel 1:18

¡Vacakama ka mankia! Ñankáishibi ka vacakaman pasto bari ꞌia, ꞌimainun ka oveja ꞌarakakëkama a piti ꞌaíma ꞌain numin bamaia.