Joel 1:2 - Kashibo-Kakataibo Biblia

² Kamabi uni ꞌain tukurikubu ꞌimainun axa ënë menu tsókë unikama mitsun kamina ënë bana ꞌupiokin kuati ꞌain. ¿Mitsun kaina ësaia ñu ꞌia isan? ¿Mitsun papan kara tsókë ꞌixun a nëtëkaman ësaia ñu ꞌia isakët? ka isama ꞌikën.

Joel 1:2 Iomraidhean Croise

Isaías 7:17

Usai ꞌikëbëtan ka Diosan mitsu ꞌianan, min unikama ꞌimainun, ꞌapun aintsikamaxa Efraínbëa Judá ënanainsamapain ꞌain ꞌiásamaira ꞌinun, a nëtëkama ꞌikëbë tëmëranun ꞌimiti ꞌikën.” (Ënëx ka Asirianu ꞌikë ꞌapu ukëbë usai ꞌiti ñuia kia bana ꞌikën.)

Oseas 4:1

Israel unikaman ka ësai ka Nukën ꞌIbu kia kuati ꞌikën. An ka ënë menu tsókë unikama nishanankë a uisokin kara ꞌati ꞌikë sinánxa, ënë menu ka uni nuibanani tsókë ꞌaíma ꞌianan, bëtsi uni mëëkaskin uisai kara Diosan bana kia abi ꞌunanima.

Oseas 5:1

Sacerdotekama mitsun kamina ënë bana kuati ꞌain; ꞌimainun ka Israel kamanribi bëmë́kin kuati ꞌikën; ꞌimainun ka ꞌapun aintsikama upíokin kuati ꞌikën: ꞌËn kana mitsu tëmëramiti ꞌain, mitsun kamina ami ñu ꞌiti nankë usa ꞌixun Mispá anuxun unikama ꞌuchamiakën, ꞌanan kamina achúshi rika sarakaxun satëonkin tëkërëkakësa ꞌixun aín bashi Tabor anuxun ꞌakën,

Joel 1:14

Usa ꞌain kamina kamabi unikama pima samákanun kati ꞌain; usai ꞌixun kamina anuxun Dios rabiti xubunu uni aín tukurikubu ꞌimainun kamabi unikama a menu ꞌikë timë́ti ꞌikën, anuxun ka Dios atun ꞌuchakëkama ñuixunti ꞌikën.

Joel 2:2

a nëtëx ka imë́ ꞌianan, bëánbëankibukë ꞌiti ꞌikën, ꞌianan ka a nëtë kuinan tupë́onkë nëtë ꞌiti ꞌikën. Suntáru kushibu ꞌimainun ꞌitsaira an ka aín bashikama tsitsiruti ꞌikën, usokin ꞌakin ka barin urukin pë́kabëtsinkë usaribiokin ꞌati ꞌikën. Uinsaranbi ka usai ꞌia ñu uínbi isáma ꞌikën, usa ꞌain ka uínsaranbi bërí ꞌikë ësai ñu ꞌia uínbi istëkëntima ꞌikën.

Amós 3:1

Israel unikama mikaman kamina ësai ka Dios kia kuati ꞌain, an ka aín uni ꞌikë Egipto menua chikíankëxa:

Amós 4:1

Samarianu ꞌikë xanukama ësokin mitsu kamainun kamina kuati ꞌain: Mitsux kamina Basán menu ꞌikë vaca ain xanu xuabu usaribi ꞌaish xubairabu ꞌain, usa ꞌixun kamina uni ñuñuma ꞌatima onan, an ñu kuëënkin bisatankë a ꞌianan, mitsun bënëkamaribi a xëati uvas baka paëokin ꞌakë bëxunun kixun kain.

Amós 5:1

Israelkaman ka ꞌën bana kuati ꞌikën; ꞌëx kana usaími mitsux ñu inuti masá nuituti a ñui kin.

Miqueas 1:2

Kamabi unikama mitsun kamina ënë banakama upíokin kuakanti ꞌain; ꞌimainun ka kamabi menu ꞌikë ëmakamanu ꞌikë unikamanribi bëmë́kin kuati ꞌikën: Diosan ka anua ꞌikë naíkamë ꞌëo anuxunbi, mitsun ꞌatima ñu ꞌakë kupí uisa kara oti ꞌikë usokin mitsu ꞌati ꞌikën.

Miqueas 3:1

Bërí kamina an bana mëníokë ꞌapukama ꞌimainun, Israel unikaman kushibu mitsun ësai kia küakanti ꞌain, ¿mitsun mi ꞌunántima kara unin ñu ꞌatima ꞌaia mëníoxunti ax ꞌik?

Miqueas 3:9

Bërí ka an bana mëníokë ꞌapukama ꞌimainun Israel unikaman kushibu an ënë bana kuati ꞌikën, mitsun kamina upí ñu ꞌati a kuëënkinma ꞌatima ñuishi ꞌakin usakin ñu ꞌati kikë bana ax kikësokin ꞌakaniman,

Mateo 13:9

An aín pabitan ënë bana cuacë unin ca aín nuitunënbi sinánquin cuati ꞌicën.

Mateo 24:21

Usai ꞌi ca unicama Nucën Papa Diosan me uniotabacë ꞌaían uínsaranbi ꞌiásamairai tëmërati ꞌicën, amiribishi usai tëmëratëcëntimoi.

Apocalipsis 2:7

An cuaisa tancë unicaman ca axa ꞌëmi catamëcë unicama Nucën Papa Diosan Bëru Ñunshin Upitan ꞌináncë bana, ënë aín nuitunënbi sinánquin upí oquin cuati ꞌicën. An ꞌëmi catamëquin ꞌëx cuëëncësabi oi ꞌiti ëncëma uni, a cana Nucën Papa Diosan nëtënu ꞌicë i, aín bimi a cüax bamatima, a cunun ꞌinánti ꞌain.