Joel 1:12 - Kashibo-Kakataibo Biblia

¹² ꞌIanan ka uvas ꞌapákëkama ꞌimainun higuera ꞌapakëkamaribi chushiaxa. Usai ꞌimainun ka kaxori, xëbin, manzana akama ꞌianan, kamabi naënu ꞌikë i kamaribi chushi ëskiaxa. ¡Usai ꞌia isi ka ꞌupiokin sinani kuëënkë a ëni kamabi unikama nitë́xëaxa!

Joel 1:12 Iomraidhean Croise

Isaías 9:3

Dios min kamina chaiira kuëënun nu ꞌimin; usa ꞌain ka anun nux kuëënti ax chaiira ꞌikën. Kamabi unix ka min ismainunbi kuëëni anun ñu ꞌapáxun biti nëtë ꞌikëbëtan aín ñu ꞌapákë bitankëx bëtsibë ꞌinánani kuëënkë usaribi ꞌikën, ꞌianan ka ꞌakanankin aín ꞌibu ꞌaxun ñu bitankëx bëtsibë ꞌinani kuëënkë usaribi ꞌiti ꞌikën.

Joel 1:10

Naëkamanu ka añu ñubi koima, mekamax ka uni ꞌain ꞌaintsi ñukë ꞌain masá nuitukë usaribi ꞌikën. Usa ꞌain ka trigo ꞌapákë ꞌimainun uvas ꞌianan, olivos akamax ka ëski chushiaxa.

Joel 1:16

Nukaman ismainunbi ka nun bërunuxunbi a piti ꞌapákë ñukama champun këñukin piakëxa, usa ꞌain ka unikaman anuxun Dios rabi xubunuax kuëënkë akama nëtë́akëxa.

Jonás 4:7

ꞌAínbi ka a ꞌiónkë bëtsi nëtë pë́karakë anun Diosanbi unimikëxun xënan aín pëi pikin aín xoribi pikëx chushiakëxa.

Malaquías 3:11

ꞌImianan kana atun ñu ꞌapákëkama ꞌimainun uvas ꞌapákëkama aribi an ñu këñukëkama an masókin pikin këñunun ꞌamitima ꞌain.