Jeremías 9:12 - Kashibo-Kakataibo Biblia

¹² ¿Uin kara an ꞌitsaira ñu ꞌunánkë ꞌixun uisai kara ënë ñu ꞌia kixun ꞌunánti ꞌik? ¿Ui uni kara Diosan ënë ñukama unánmiaxa, an ꞌunánxua raíri unikama usa ka ñu ꞌikë kixun ñuixunun ꞌunanmiakëx? ¿Uisa kupín kara a menu ꞌikë ëma masókan ꞌaían anu uni ꞌiamasa ꞌain, anu uni ꞌikëma mesa ꞌain, anun uinu ꞌikë unixi nitëkënkëma ꞌiti ꞌik?

Jeremías 9:12 Iomraidhean Croise

Salmos 107:34

ꞌimianan ka mekama aribi anu ñu ꞌapátisama ꞌitánun; anu ꞌikë unikamaxa ñu ꞌatima ꞌai ꞌuchakë kupín ꞌimia;

Salmos 107:43

Uix kara sinánñu ꞌikë an kuni ka ënë bana kikësokin ꞌati ꞌikën, ꞌakin ka Diosan ka kamabi uni nuibatia kixun unánti ꞌikën.

Isaías 42:23

¿Usa ꞌaínbi karamina uinu ꞌikë mitsukaman ënë banakama kikësabi oi ka ꞌiti ꞌikë kixun sinánkaniman? ¿Uix kara a banakama kikësabi oi kara ꞌia kixun kuatishi ꞌiti ꞌik?

Jeremías 23:10

A menuxun ka unikaman ꞌaisamaira ꞌatima ñuira ꞌaia, ꞌën kana usaía ꞌinun ꞌatimakin sinánxuan, usa ꞌain ka a me masá nuitukë ꞌikën. ꞌImainun ka anu uni ꞌikëma menu kookë nikamaribi ëskiaxa usa ꞌain ka atun kushínbi uni ꞌatimakin ñu ꞌaxunia.

Jeremías 23:16

Nukën ꞌIbu kamabi kushiñu ax ka ësai kiaxa: “Israel unikama mitsun kamina, an këmëkinshi uni ꞌën bana ñuixunkë unikama ax kikë a kamina kuatima ꞌain. Atúxa kikë ax atúnbi sinanx këmëishi, usai ka ꞌiti ꞌikë kiax kikë ꞌikën, ꞌën kana usai karamina kiti ꞌai kixun atu kakëma ꞌain.

Jeremías 23:22

ꞌAínbi ka anu ꞌëx ꞌikë anu kuanxun kuni ꞌën bana kuakë ꞌitsíanxa, kuaxun ka ꞌën bana ꞌën unikama ñuixunkë ꞌitsíanxa; usakin ꞌakin ka atun ñu ꞌatima ꞌakëkama ënun ꞌimianan ꞌatimai tsókë akama ënun ꞌimikë ꞌitsíanxa kiax ka kiakëxa.”

Jeremías 23:28

¡An Dios kikë bana ñuikë unin namáxun ka aín namákë ashi bëtsi ñu ñuikinma ñuiti ꞌikën, ꞌaínbi ka uin kara ꞌën bana ñuia an ꞌën banaishi ñui kiti ꞌikën! Usai ka Nukën ꞌIbu kiakëxa.

Jeremías 9:20

Xanu kamanribi ka Nukën ꞌIbu Dios kikë bana kuati ꞌikën, kuakin ka ain bana upíokin ꞌati ꞌikën. ꞌAnan ka aín tuákamaribi usai kara inti ꞌikë aribi ꞌunámianan, usaía masá nuituti ini kiti ꞌunamiti ꞌikën:

Oseas 14:9

An ñu ꞌunánkë unikama ꞌimainun sinánñu unikama, akaman ka ënë bana kuati ꞌikën: Kamabi ñu Diosan ꞌá ax ka upíokin ꞌá ꞌikën, usa ꞌain ka an ñu ꞌupíshi akë unikaman ax kikësabiokin ꞌaia; usa ꞌaínbi ka ꞌatima sinánñu unikama usakin ñu ꞌaiama Diosan ꞌatima oia.

Oseas 4:10

Usa ꞌain ka atun Dios rabiti ënkë ꞌixun piti ꞌikë, ꞌaínbi ka puchákin pitima ꞌikën; ꞌianan ka xanun nami ꞌakinbi bëchikantima ꞌikën.

Joel 1:11

Axa naënu ñu mëi tëkë unikama ꞌimainun axa uvas ꞌapákënu tëkë unikama mitsux kamina masá nuituti inkanti ꞌain, ami ꞌapákë ñukama ka kamaxi nëtë́axa, ꞌimainun ka anun biti ꞌurama ꞌaínbi trigo ꞌimainun cebada akamabi këñúaxa.

Mateo 24:15

Usaquin caxun ca Jesusan ësaquinribi aín ꞌunánmicë unicama cacëxa: —An Nucën Papa Dios quicë bana unicama ñuixuncë uni Danielnëan a ñuiquin cuënëo uni ax ca ꞌatimaira ꞌicëa unin timacë ꞌaíshbi aín suntárucamabë uti ꞌicën. Danielnëan ñuia uni ax ca utancëx ami sinanimabi anuxun Nucën Papa Dios rabiti xubu Jerusalénu ꞌicë, anu ꞌiti ꞌicën. An ënë bana iscë uni an ca uisai quice cara quixun ꞌunánti ꞌicën.

Deuteronomio 32:29

Bana kuakë ꞌixun ka, atun kuatsianxa; ꞌianan ka uisai kara atux ꞌiti ꞌikë kixun unántsianxa.

Apocalipsis 1:3

Anun cuënëo banacama quicësabi oi ꞌiti nëtë ca xënibuiracëma ꞌaínshi uti ꞌicën. A nëtën ca an ënë bana iscë unicama ꞌimainun an uni itsían ñuia cuacë unicama ꞌimainun a bana cuaquin —asérabi ca usaía quicësabi oi ꞌiti ꞌicë —quixun sinánquin a bana quicësabi oquin ꞌacë unicama cuëëinra cuëënti ꞌicën.