Jeremías 7:6 - Kashibo-Kakataibo Biblia

⁶ ꞌatimokin aín ñu bikuanan tuá papa ñumakama ꞌimainun xanu kasunamëkë ꞌimainun bëtsi menu tsókë aribi ꞌatima oíma ꞌianan, uni ꞌatima ñu ꞌakëmabi ënë menuxun ꞌanan, unínbia a rabinuxun ꞌakë a rabi ꞌatimatiama kana,

Jeremías 7:6 Iomraidhean Croise

Jeremías 19:4

Usa ꞌain ka Israel kaman ꞌëmi manutankëxun ënë me ꞌunánkëma mesa ꞌimikin anuxun bëtsi dioskama rabiakëxa. Rabikin ka unínbia ꞌakë ñukama sanuira ñu xaroxuankëxa, ꞌaínbi ka atúnbi a dioskama ꞌunánma ꞌikën, a dioskaman ka a nëtëkaman uisai kara ꞌiabi uínsaranbi ꞌakianma ꞌikën, ꞌimainun ka atun chaitiokëkama ꞌianan Judánu ꞌikë ꞌapukamanbi ꞌunánma ꞌikën. ꞌUnánkima ka a menuxun uni ñu ꞌatima ꞌakëmabi aín imi menu ꞌëbankiantanun ꞌakankëxa.

Jeremías 2:30

ꞌËn kana ñankáishibi mitsun bakë bëchikëkama tëmëramiakën, atun ka ꞌën bana ꞌunánkin ax kikësokin ꞌaisama tankëxa. Mitsúnbi kamina paru ꞌinúan raëkëma, ꞌain piti bitsi në́kësa usaribi ꞌikin, an ꞌën bana ñuikë unikama ꞌakankën.

Jeremías 2:34

Mitsun chupax ka uni ñuñuma ꞌimainun ñu ꞌatima ꞌakëmabi, ꞌaxun aín imin pukukësa ꞌikën, a unikamax ka ñu ꞌatima ꞌaiabi uni mërakëmasa ꞌiakëxa.

Jeremías 26:15

ꞌAínbi kamina mitsun upíokin ënë ꞌunánkanti ꞌain: mitsunmi ñu ꞌatima ꞌakëmabi ënë ëmanu ꞌikë unikamabëtan ꞌë ꞌax kamina ꞌuchokë ꞌikanti ꞌain; asérabi ka Nukën ꞌIbunbi ꞌë ënë bana upíokin ñuianan kamabi a ñukama chikinakin ñuinun ꞌë xuaxa.”

Jeremías 26:23

xukëx kuanxun ka Egipto menua bitsínkin bëxun ꞌapu Joaquím a Urías ꞌinánkëxa, ꞌinánkëxun ka Joaquímnën, ꞌatankëxun anu uni ñuñumakama maínti ꞌakë anu maínun unikama ꞌamiakëxa.

Jeremías 7:5

Mitsux upiti tsókin ñu upíokin ꞌai bëtsibë bëtsibë upiti nuibanankin kamina;

Jeremías 7:9

Mitsun kamina ñu mëkamanan uni ꞌanan, bëtsi unin xanubë ꞌianan, këmëishi anuxun bana mëníokë anuxun bëtsi uni ꞌuchonan, asérabi ñu ꞌakatsi kianan a rabikankë Baal rabikin sanuira ro xaroxuanan, mitsun usakin ꞌati ꞌikëmabi unínbia a rabinuxun ꞌakë dioskama a rabikanin,

Ezequiel 18:6

usa ꞌaish ka atun dios rabikian matá mekamanuxun unikaman piti ꞌakë anu ꞌianan, Israel unikaman dios isa kixun këmëkinshi rabikë ñukama ami katamëtima; ꞌimainun ka bëtsi uni aín xanu bikuanima ꞌianan ka, aín xanun pëi machakë sënë́nkëmapain ꞌain abë ꞌima;

Levítico 19:33

Bëtsi menu ꞌikë unikama axa mitsubë tsókë akama kamina ubiotima ꞌain.

Malaquías 3:5

Ësai ka Dios kamabi kushiñuira ax kia: ꞌËx kana uisa ñukama kaina mitsun ꞌa kixun isi uti ꞌain. Isanan kana anuxuinshi an ñunshinan ꞌamikëxun ñu ꞌati sinánkë, an aín xanumabi bëtsi unin xanu aín nami ꞌakë, axa këmëi usai ka ñu ꞌiti ꞌikë kiax kikë ꞌimainun tëmixunbi an ñu mëëmikë unikama kupíokëma ꞌimainun, raëmëkë xanukamakëñun ꞌibuñumakë tuákama ꞌianan an bëtsi menu tsókë unikama ꞌatima okë ꞌimainun, an ꞌëmi rakuënkin ꞌëx kikësabiokin ꞌakëma akamaribi kana ꞌatima oti ꞌain.

Mateo 27:25

Cacëxun ca anu ꞌicë unicaman cacëxa: —Ca nun ꞌucha ꞌimainun nun rëbúnquicamananribi ꞌiti ꞌicën.

Mateo 27:4

ꞌInánquin ca cacëxa: —ꞌËn cana ñancánbi ꞌuchañuma ꞌicëbi a uni mitsu ꞌinan. Usa ꞌaish cana ꞌëx ꞌuchañuira ꞌain. Cacëxunbi ca cacancëxa: —A ñu cananuna nun ꞌunaniman. Ax ca min ꞌuchabi ꞌicën, minbi camina mëníoti ꞌain.

Deuteronomio 24:17

ꞌIanan kamina axa mitsubë tsókë bëtsi menu ꞌikë unikama ꞌatima onan papañuma tuákamaribi ꞌatima otima ꞌain. ꞌImainun ka xanu raëmëkë ñu ꞌinánkin anun rakukë aín chupa a bikuantima ꞌain.

Deuteronomio 8:19

Aínbi ka Nukën ꞌIbu Diosmi manukuainxun mitsun, bëtsi dioskama rabia ꞌën sinánkëxun mitsu ꞌatima okin këñuti ꞌikën.

Santiago 1:27

An Nucën Papa Dios cuëëncësabi oquin ꞌacë unin ca ësaquin ꞌati ꞌicën: Papañuma titañuma tuácama ꞌimainun casunamëcë xanucamaribi ꞌaquinsa ꞌianan masá nuitutia isquin ca ꞌaquinti ꞌicën. ꞌAquianan ca an Nucën Papa Diosmi sinánquinma ënë menu ꞌicë ñuishi sináncë unin ꞌacësaribi oquin ñu ꞌaisama ꞌatima ꞌicën.