Jeremías 7:4 - Kashibo-Kakataibo Biblia

⁴ Usa ꞌain kamina axa këmëi mitsu paráni banai ësai kikë a unikama ami rarámatima ꞌain. Atun ka ësai kikin mitsu kati ꞌikën: ¡Ënu ka anuxun Dios rabiti xubu ꞌikën!

Jeremías 7:4 Iomraidhean Croise

1 Reyes 9:7

ꞌën atu ꞌinan me anua Israelkama chikínti ꞌain, chikíanan anuxun ꞌë rabiti xubu ꞌamikë a ënun ëmikëbë ka Israel kamami bëtsi menu ꞌikë unikama kuaiti ꞌikën.

Isaías 66:1

Ësai ka Nukën ꞌIbu kiaxa: “Naíkamë ꞌëo ax ka ꞌëx anu tsókë a ꞌikën, ꞌimainun ka me axribi anu ꞌën taë nankë ꞌikën. ¿Uinu kara achúshi xubu ꞌë ꞌaxunti ꞌit? ¿Uinu kara anu tantiti achúshi xubu ꞌë ꞌaxunkanti ꞌit?

Jeremías 7:14

Usa ꞌain kana anuxun ꞌë rabiti xubu Silónu ꞌikë ꞌásaribiokin, bërí anuxun ꞌë rabiti xubu ënë mikama ꞌimainun mitsun chaitiokëkama ꞌinan amimi mitsux katamëkankë ënë ꞌati ꞌain.

Miqueas 3:11

Axa Jerusalén ëmanu ꞌikë an bana mëníokë unikama an ka uin kara kupíoia a ëanan an kupíokë a ꞌatima oti sinania, ꞌimainun ka sacerdotekaman kupíokëxunshi uni ꞌunánmiti kuëënia, ꞌianan ka an Dios kikë bana ñuikë unikamanribi kuríki kupíshi abi sinántankëx ësai kia: Nukën ꞌIbu ka nubë ꞌikën usa ꞌixun ka ñu ꞌatima inútima rabanan Nukën ꞌIbun nu bërúaia.

Lucas 3:8

Unían mitsu asérabi sinanacë ꞌai quixun ꞌunánun camina ñu ꞌaisama ꞌati ënquin upí ñuishi ꞌati ꞌain. —Nux Abrahamnën rëbúnqui ꞌaish cananuna Nucën Papa Diosan iscëx upí ꞌai —quixun sinánxunma ca ꞌacan. Asérabi cana mitsu cain, ꞌaisa tanquin ca Nucën Papa Diosan ënë maxáxbi bëtsi oquin Abrahamnën rëbúnqui ꞌimiti ꞌicën.