Jeremías 7:16 - Kashibo-Kakataibo Biblia

¹⁶ Diosan ka Jeremías kakëxa, minmi ënë unikama abi ꞌë ñukáxunkëxunbi kana min bana kuatima ꞌain. ꞌIanan kana ñunshinakëkin kakëxunbi ꞌën min bana kuashiti ꞌain.

Jeremías 7:16 Iomraidhean Croise

Éxodo 32:10

¡Usa ꞌain kamina atumi nishkin këñunun ꞌë ënti ꞌain, bërí kana xuamati atumi nishin usa ꞌain kana atu këñuti ꞌain! ꞌAínbi kana min rëbúnki kamaxa ꞌuakamë ꞌëotanun ꞌimiti ꞌain.

Isaías 1:15

Uínsaran kaina ꞌë ñukákin manámi okin mëkën birui ëbë banain, anunbi kana ꞌën usakin ꞌaia mitsu istisama tani ꞌamo kuainakëtin; ꞌimainun kana ꞌitsaira ëbë banakin ñukákëxunbi, ꞌën a banakama kuatima. Mitsun mëkënkama ax ka anun uni ꞌakë ꞌaish imin mëshikikësa ꞌikën.

Jeremías 15:1

Ësakin ka Nukën ꞌIbun ꞌë kakëxa: Mitsun chaitiokë Moisés ꞌimainun Samuelnën ꞌë bëtánain nirakëxun usakin kamina ꞌatima ꞌai kixun kakëxunbi kana ënë unikama nuibatima ꞌain. Usa ꞌain kamina anu ꞌëx ꞌikë ënuax chikíkiania kuantanun ënë unikama kati ꞌain.

Jeremías 15:6

Mitsux kamina ꞌën kakëxun kuaisama tani ꞌëmi manúkankën. ꞌËx Min ꞌIbu ꞌaish, kana asérabi ësai kin. Usa ꞌain kana ꞌurainra mitsu nuibati tënëxun, ꞌën ꞌakësa ꞌitanua axa mimi nishkë unikaman këñukin ꞌanun mitsu ëankën.

Jeremías 18:20

¿ꞌËn upíokin ꞌakinkëxunbi atun ꞌë usokin ꞌatimokë ax kara upí ꞌiti ꞌik? ¡Atun ka anu ꞌatankëxun ꞌë mainkatsi kixun kini ꞌaxa! Usa ꞌain kamina atun rabanan në́kin kanan, atumi nishkin ꞌatima oxunma ꞌanun ꞌën mi kakë akamina sinánti ꞌain.

Jeremías 7:17

¿Min kaina Judá menu ꞌikë ëmakamanuxua ꞌakë ñukama ꞌimainun Jerusalén ëmanu ꞌikë anun niti baikamanuxua ꞌakë ñukama a isiman?

Miqueas 3:4

Achúshi nëtën kamina mitsun Dios ꞌakinun kixun kati ꞌain, ꞌaínbi ka mitsun ñukákëxun an kuatima ꞌikën. A nëtën ka Dios mitsumi unë́kësa ꞌiti ꞌikën ñu ꞌatimaira ꞌaimi ami ꞌuchakankë ꞌain.

Deuteronomio 9:14

Usa ꞌain kamina ꞌën a sinánxuma ꞌanun ꞌëmi bana kantima ꞌain, ꞌën kana menua a unikama uínbia atumi sinántima okin atu maë rakátanun këñuti ꞌain, ꞌaínbi kana min rëbúnki kamaxa atux ꞌiásamaira ꞌaish kushiirabu ꞌianan ꞌaisamaira ꞌinun ꞌuákamë ꞌëonun ꞌimiti ꞌai kixun ka ꞌë kakëxa.

1 Juan 5:16

Abëa Jesucristomi catamëcë uni itsían ñu ꞌatima ꞌaia ꞌunánquin ca unin —tërë́ntisama ꞌinun ca ꞌuchacëma ꞌicë —quixun sinánquin aín ꞌucha tërë́nquin sinanaminun Nucën Papa Dios ñucáxunti ꞌicën. Ñucáxuncëxun ca Nucën Papa Diosan aín ꞌucha tërë́nquin a uni upí ꞌitëcënun ꞌimiti ꞌicën. Usa ꞌaínbi cana axa tërë́ntisama ꞌinun ꞌuchacë uni a Nucën Papa Dios ñucáxunun quixun mitsu caiman.