Jeremías 26:9 - Kashibo-Kakataibo Biblia

⁹ ¿Uisa ꞌaish kaina mix rakuë́timaishi Nukën ꞌIbun anë ñui anuxun a rabiti xubu ënëx ka Silónu ꞌikë ax ꞌiásaribiti ꞌiti ꞌikë, kianan ënë ëmaxribisa anu uni ꞌikëmasa ꞌitánun masókë ꞌiti ꞌikë kiax kin?” Usai kiax sënë́nkë ka kamabi unikaman anuxun Dios rabiti xubunu Jeremías bëararakankëxa.

Jeremías 26:9 Iomraidhean Croise

Jeremías 36:29

Ësokin kamina kati ꞌain: Ësai ka Nukën ꞌIbu kiaxa: Min kamina kirika tarankë a nëëanan Jeremías atima banan uisa kupí anu kuënëokin Babilonianu ꞌikë ꞌapux isa aimama ꞌima, ënë ëma masókin uniñuma ꞌianan ñuinañuma ꞌitánun këñui aia kixun kan.

Jeremías 9:11

ꞌËn kana Jerusalén ëma bëtsiokin maxákama bukunkësa ꞌitánun ꞌimiti ꞌain; ꞌimikëbë ka anu kamun raëkëma kama ꞌiti ꞌikën, ꞌimianan kana anu uni ꞌikëma mesa ꞌitánun Judánu ꞌikë ëmakama ꞌimiti ꞌain, ꞌimikëbë ka a ëmakama uniñuma ꞌiti ꞌikën.

Amós 5:10

¡Mitsun kamina an asérabi ñu ꞌakë ꞌimainun, axa asérabi banakë unikama a kuëënkaniman!

Miqueas 2:6

¡Usa ꞌain ka ësai kia an Diosan bana uni ñuixunkë unikaman ka paránkin nu bana ñuixuntima ꞌikën! —kiax ka atux kia—. Usa ꞌain ka nunu ꞌatima ñukama ꞌinútima ꞌikën.

Mateo 21:23

Jerusalénuxun ca Jesusan anuxun Nucën Papa Dios rabiti xubunu atsínxun anu ꞌicë unicama ꞌunánmiacëxa. ꞌUnánmia ca judíos sacerdotenën cushicama ꞌimainun ampan caniacëcë unicaman anu cuanxun ñucáquin Jesús cacëxa: —¿Uin banan caramina min usa ñu ꞌain? ¿Uin cara ësoquinmi ñu ꞌanun mi cax?

Mateo 27:20

Pilátonën —¿ui carana chiquínti ꞌai? —quixun ñucácëxbi ca judíos sacerdotenën cushicama ꞌimainun ampan caniacëcë unicamax anu ꞌicë judíos unicama timëcamëëocë a tsuaquirumi quiacëxa, —Camáxbi cananuna quiti ꞌain, Barrabas chiquíanan ca Jesús ꞌati ꞌicën.

Marcos 15:11

Usaquian cacëxunbi ca judíos sacerdotenën cushicaman, anu timëcamëꞌëocë unicama tsuáquirumiquin cacëxa: —Ama, Barrabása chiquínun cananuna cati ꞌain.

Juan 8:20

Usaquin ca Jesusan anuxun Nucën Papa Dios rabiti xubunuxun unicama bana ñuixuancëxa, anu curíqui nanti ñu rapasunuxun. Ñuixuncëxunbi ca anúan unin a biti nëtëa ꞌicëma pain ꞌain, achúshira unínbi biáma ꞌicën.

Juan 8:59

Usaquian cacëxuan judíos unicaman anun ꞌacatsi quixun maxax bicëbëbi ca Jesús uni xanpë́scabiani, anuxun Nucën Papa Dios rabiti xubunuax cuancëxa.

Hechos 13:50

Usa ꞌaínbi ca judíos unicaman Pablocëñun Bernabé ñui ami ꞌatimati banaquin bëtsi bëtsi xanu Nucën Papa Diosmi sináncë ꞌianan —atux ca aín nuitu upí ꞌicë —quixun unin cacë acama ꞌimainun a ëmanu ꞌicë cushi unicamaribi Bërnabé ꞌimainun Pablomia nishnun quixun tsuáquirumiacëxa. Usocëxun ca Pablocëñun Bernabé bëtsi bëtsi oquin aín nëtënuaxa cuanun quixun xuacëxa.

Hechos 21:30

Usaía quicëbë tsuáquirui abácuatsini uquin ca Jerusalénu ꞌicë unicaman biquin, Pablo anuxun Nucën Papa Dios rabiti xubu ëman nirínbianquin bënë́nquinshi xëcuëcama xëpuacëxa.

Hechos 22:22

Usaquian Pablonën ñuixuncëxun pascësarua ꞌaish sëtë́xun cuatibi ca judíosma unicama ñuia quia cuati sharatëcëni quicancëxa: —Ënë uni ca bamati ꞌicën, ꞌaíma ꞌinun.

Hechos 3:11

A unin ca Pedrocëñun Juan ënquinma ꞌaracaraishiacëxa. Usa ꞌaísha anuxun Nucën Papa Dios rabiti xubu amo anun uni nicë, Salomón cacë, anu a rabë́bëbi cuania isi ca ratuti abáquiani cuanx anu timë́cancëxa.

Hechos 5:12

Usa ꞌain ca Jerusalénu ꞌicë unicaman, ax ca atubë ꞌicë quixun ꞌunánun Nucën Papa Diosan ꞌamicëxun, Jesusan caíscë unicaman uni itsin ꞌacëma ñu ꞌacëxa. Usocëbë ca axa Jesúsmi catamëcë unicamax Salomón cacë anun uni nicë, anubi ꞌi anuxun Nucën Papa Dios rabiti xubunu camabi nëtën timë́acëxa.

Hechos 5:28

—Nun cananuna mitsu amiribishi Jesús ñuiquin bana ñuixunxunma ꞌanun quixun can. Cacëxunbi mitsun nëtë́quinma a bana uni ñuixunia chanioia ca Jersualénu ꞌicë unicaman cuaxa. Usa ꞌaish camina nun isanuna uni Jesús ꞌamia quiaxribi quicanin.

Hechos 6:14

Nun cuacëx ca ësai Esteban quiaxa: Jesús Nazaretnu ꞌicë, an isa anuxun Nucën Papa Dios rabiti xubu rurupanan, Moisésnëan ax quicësabi oínu ꞌinun cuënëo bana aribi bëtsi oti ꞌicë quiax.