Jeremías 26:3 - Kashibo-Kakataibo Biblia

³ Usakinmi kakëxun kuakin sapi ka atun ꞌakë ñu ꞌatimakama a ënti ꞌikën, usakin ënia sapi kana atun ñu ꞌatima ꞌakë kupí tëmëramikin, ꞌën usakin ꞌati sinánkësokin ꞌatima ꞌain.

Jeremías 26:3 Iomraidhean Croise

1 Reyes 21:27

Ësokia Dios kikë bana Elíasnën ñuixunkëxun a banakama kuakin ka Ahabnën aín chupa abi tukai ꞌikiani aín xubunu kuanxun chupa xënira pañutankëx añubi pima a pañukë chupa xënira añabi ꞌuxanan, masá nuitukëishi ꞌaish niakëxa.

1 Reyes 21:29

“¿Min kaina Ahab ꞌuchatankëxbia ꞌëmi sinanati usai ꞌia isin? Usa ꞌain kana aín aintsikama ꞌatima okinma upitaxa bukunun ꞌimianan, ax ñukëbëa aín bakë bëchikë ꞌapu ꞌikëbë kunia atun ꞌikënu ꞌaisama ñu ꞌinun ꞌimiti ꞌain.”

Jeremías 26:13

Mitsux mi ꞌatimati tsókë a ënkin kamina, upíokin ñu ꞌakánti ꞌain mitsun ꞌIbu Dios kikësa okinshi kamina ꞌati ꞌain, usaími ꞌikankëbëtan ka axa ñu ꞌatima ka ꞌinúnuxun ꞌaia ax kikë, a ꞌëx kikë ñukama ꞌimitima ꞌikën.

Jeremías 26:19

¿ꞌApu Ezequías ꞌimainun kamabi Judá menu ꞌikë unikaman kara an bana ñuikë uni Miqueas rëtëakëx? Usakin ꞌati ka sinánma ꞌikën: ꞌapun ka ami rakuë́kin Dios atuisa nuibanun kixun kakëxa. Usa ꞌain ka Nukën ꞌIbun usai ka ñu ꞌiti ꞌikë kixuan aín unikaman ñuia usaía atunu ꞌinun ñu ꞌatima ꞌimiama ꞌikën. ¿Usa ꞌain karanuna nukaman an bana ñuikë uni ꞌatankëxun chaiira ꞌucha papikë ꞌiti ꞌain?” (Kiax ka ꞌain tukurikubu unikama atux kiakëxa.)

Jeremías 36:3

A banakama kuakin sapi ka Judánu ꞌikë unikaman ꞌën atunu ñu ꞌaisama ꞌimiti sinánkë a ꞌunánkin, atuan ñu ꞌatima ꞌati sinánkë a ënti ꞌikën, usakin a banakama kuakin ënia kana atun ñu ꞌatima ꞌai ꞌuchakëkama a mëníoxunti ꞌain.” Kiax ka kiakëxa.

Jeremías 36:7

Usakin mi ꞌaia kuati sinanakin sapika atun ñu ꞌatima ꞌakëkama Nukën ꞌIbu chikinaxunkin ënti ꞌikën. Usa ꞌain ka Nukën ꞌIbu ꞌitsaira nishaxa, usa ꞌain ka usakin unikama ꞌakatsia kikë ax ꞌaisama ñuira atunu ꞌiti ꞌikën.”

Ezequiel 18:21

Usa ꞌain ka uni ꞌatima sinánñu an kamabi ñu ꞌatima ꞌaia ꞌuchakë a sinanakin aín ꞌucha a ënkin ꞌën banakama ax kikësaibi ꞌiti a tankin ꞌanan ñu upíokin ꞌai ka asérabi ñuima a unix tsóti ꞌikën.

Oseas 11:9

Usa ꞌain kana ꞌëx nishkësokinshi ꞌatima ꞌain: usakin ꞌakin kana Efraín amiribishi ꞌatima okin këñutima ꞌain, ꞌëx kana Dios ꞌain, usa ꞌaish kana ꞌëx unima ꞌain, ꞌëx kana upíira ꞌaish mi nëbëtsi ꞌain, usa ꞌaish kana mitsu këñui ukëma ꞌain.”

Joel 2:14

Usa ꞌain ka Diosan mitsu ꞌatima otima ꞌikën, ꞌakinma ka sinanatia okin ꞌakinkin mitsu: ñu bimikama ꞌimainun uvas chakaxun aín baka bikë ꞌianan a ꞌinaínshiti ñukama Dios ꞌinánti ꞌikën.

Jonás 4:2

Usa ꞌain ka abë banakin Dios ësokin kakëxa: —ꞌËn ꞌIbu Dios ësa ñu ka ꞌiti ꞌikë, kiax kana ꞌën menuaxi ꞌëx kian. Usa ꞌain kana bënëtishi Tarsis menu abáti sinánkë ꞌian, ꞌën kana mix kamina achúshi Dios nuibanairakë ꞌaish bënëtishi nishkëma a ꞌai kixun ꞌunánkë ꞌian, usa ꞌain kamina ꞌën sinánkëxun ꞌitsaira uni nuibakin ꞌatimokin tëmëramikatsi kixunbi mimia sinanatia ꞌakëma ꞌain kixun ka munuma banai ami nishkin Dios kakëxa.