Jeremías 26:16 - Kashibo-Kakataibo Biblia

¹⁶ Usa ꞌain ka aín kushibu ꞌimainun kamabi unikaman sacerdotekama ꞌimainun an këmëkin Diosan bana ꞌikëmabi bana ñuikë unikaman kakëxa: “Ënë uni a kupín nun ꞌati ñu ꞌatima ka ꞌaíma ꞌikën; ënë unin ka Nukën ꞌIbu Diosan anën nukama kaxa.”

Jeremías 26:16 Iomraidhean Croise

Jeremías 26:11

Usa ꞌain ka sacerdotekama ꞌimainun an këmëkinshi bana ñuikë unikama atun aín kushibu ꞌimainun kamabi unikaman kakëxa: “Ënë unix ka ꞌakë ꞌiti ꞌikën, ax ka ënë ëma ñui ꞌatimati banaia. Mitsúnbi kamina axa usai kia mitsun pabitanbi kuakan.”

Jeremías 36:19

Usa ꞌain ka achúshinën Baruc kakëxa: —¡Mi ꞌimainun Jeremías ka uínbi ꞌunántisamanu unëti kuanti ꞌikën!

Jeremías 36:25

Usokin ꞌaia ka Elnatán, Delaías a ꞌimainun Guemarías an munuma banakin ꞌapu kirika kuënëokë tarankë a xaroxuma ꞌanun kakëxa, ꞌaínbi ka atun kakëxun ꞌapun kuaisama tankëxa.

Jeremías 37:15

A unikaman ka ꞌitsaira ami nishkin an bana ñuikë Jeremías mëëtankëxuan an bërúankë suntárukaman sipuanun kakëxa, anu uni xëpútia Jonatán an kirika kuënëokë an aín xubunu ꞌakë anu xëpúnun ꞌamiakëxa.

Mateo 27:54

Me shaíquimainuan usai bëtsi ñuribi ꞌia isi ca suntárunën cushibëtan an unínma Jesús i curúsocënua nanpatia quixun a bërúancë suntárucamaxribi ꞌaisamaira racuë́acëxa. Racuëti ca —ënë unix ca asérabi Diosan Bëchicë ꞌiaxa —quiax quiacëxa.

Lucas 23:41

Asérabi cananuna nux nun ꞌucha cupí paë tanin. Usa nux ꞌaínbi ca ënë uni añu ꞌuchabi ꞌacëma ꞌicën.

Lucas 23:47

Usaía ꞌicëcama isquin ca Romanu ꞌicë capitán Nucën Papa Dios rabi quiacëxa: —Asérabi ca ënë unix ꞌuchañuma ꞌiaxa.

Hechos 23:29

Buánxun ñucácëxunbi ca Pablonëx isa usai judíos unicama ꞌitia Moisésnën cuënëo bana quicësabi oi ꞌima quixun ꞌë caxa. Cacëxun iscëxbi ca an ꞌacë ñu a cupí Pablo ꞌati ꞌaíma ꞌianan a cupí sipuatibi ꞌaíma ꞌiaxa.

Hechos 23:9

Usa ꞌaísha camáxbi cuëbícanani sharámainun ca fariseo uni raíri, an Moisésnën cuënëo bana ꞌunáncë, an niruquin munuma banaquin cacëxa: —Nun iscëx ca ënë unix añu ñubi ꞌacëma ꞌicën. Sapi ca ñunshin banaia cuaxa, ángel banaia sapi ca cuaxa. An ꞌimicëxuan nu bana ñuixuncëxunbi ënë uni ꞌatimoi atununa Nucën Papa Diosmiribi nishi, usa ꞌain cananuna ꞌatimotima ꞌain.

Hechos 25:25

ꞌAínbi ca ꞌën sináncëx a cupí bamati uisa ñubi ꞌacëma ꞌicën. Usa ꞌaínbi cana axbi, César Augustonënbi ca ꞌëmia uni manáncë bana istancëxun uisa cara oti ꞌicë quixun isti ꞌicë quixun ꞌë cacë cupí Césarnu xuti sinan.