Jeremías 23:1 - Kashibo-Kakataibo Biblia

¹ Ësai ka Nukën ꞌIbu asérabi kiakëxa: “¡Uisai kara an ꞌën unikama aín ñuina ꞌarakakë unin ꞌakësa okin bërúankinma ꞌën ovejakama nëtë́nun ꞌimianan abísnun ꞌimikë akamax ꞌiti ꞌikën!”

Jeremías 23:1 Iomraidhean Croise

Jeremías 2:26

An ñu mëkamakë uníxa ñu mëkamatia mërakëx rabinkësa, usaribiti ka Israel unikamax rabinkë ꞌiti ꞌikën, usai ꞌika Israel unikama atun ëmanu bukukëkama ꞌimainun, atun ꞌapukama kushibu ꞌimainun sacerdote unikama an Dios kikë bana ñuikë akamabëbi katë́kë bërúti ꞌikën;

Jeremías 2:8

ꞌImainun ka sacerdote kamanribi ꞌën ꞌakinun ꞌë bariti sinánma ꞌikën, ꞌimainun ka an ꞌën bana kuënëo ꞌunánkë unikamanbi ꞌë ꞌunántisamatankëxa, ꞌimainun ka ꞌapukamaribi ꞌëx kikësokin ꞌaisamatamainun, an Dios kikë bana ñuikë unikamaxribi ꞌëmi manutankëx unin rabikë Baal a ñuishi banakëxa, usai ꞌikian a ñukama rabikë ax ka ñankabia ꞌakë ꞌiakëxa.

Jeremías 23:2

Nukën ꞌIbu Israel unikaman Dios an ka aín unikama ꞌakinkë ꞌapukama ësokin kaia: “Mitsun kamina ꞌën kaískë unikama bërúankinma abístanun abámian. Usa ꞌain kana ꞌën uisakin kaina ñu ꞌaisama ꞌan usakinbi mitsu tëmëramiti ꞌain. ꞌËx kana Dios ꞌaish ësai kin.

Ezequiel 34:1

Nukën ꞌIbu Diosan ka ꞌë kaxa:

Ezequiel 34:21

Mitsun kamina mitsun aintsi axa ñuumasara ꞌikë, bëtsin aín manchatan ꞌakëxa ñuina abákësa usaribiti abátanun abámikan.

Ezequiel 34:31

Mitsux kamina ꞌën ꞌarakakë ñuinakamasa ꞌain, usa ꞌaish kamina ꞌën ꞌarakakë ñuinakama ꞌën menu ꞌikësa ꞌain. ꞌËx Dios ꞌaish kana ësai kin. ꞌËx kana atun ꞌIbu ꞌain.”

Ezequiel 36:38

ꞌImainun ka axa ami nishkë unikaman atun ëma masó anua tsókë unikama ax ꞌaisamaira ꞌinun kaiti, ovejakama fiesta ꞌakin anuxun rëxun xaroti Jerusalénnu buánkin timë́kë usaribi ꞌiti ꞌikën. Usakin ꞌakin ka ꞌëx kana Dios ꞌai kixun ꞌë ꞌunánkanti ꞌikën.”

Mateo 15:14

Fariseo unicamaxa nishiabi camina isëshiti ꞌain. Atun Nucën Papa Diosan bana uni itsi ꞌunánmiti ꞌixunbi ca uisai cara quia quixun ꞌunanima. Ca bëxuñu unisa ꞌicën. Bëxuñu unin abë bëxuñu uni itsi buáncatsi quixun ꞌaíbi ca bëxuñu ꞌixun uin cuanti cara quixun ꞌunanima, a rabëtaxbi aman cuanx quininu nipacëti ꞌicën.

Mateo 9:36

Uinu cara Jesús ꞌicë anubi ca ꞌaisamaira uni ꞌiacëxa. Usai ꞌia an atu Nucën Papa Dios ñuiquin ꞌunánmianan ami sinánun ꞌaquinti ꞌaíma ꞌain ca axa piánancë ñuinacan ubíocëxa ꞌaracacë ñuina, an a bërúanti aín ꞌibu ꞌaíma ꞌain, bënëti sináncasmai ꞌicësaribiti ꞌiacëxa. Usaia ꞌia atu isquin ca Jesusan a unicama nuibacëxa.

Juan 10:10

Axa mëcamacë unicama, ax ca mëcamanan ꞌaracacë ñuina rëquin ꞌatimoi aia. Usa ꞌaínbi cana ꞌëx a unicaman ꞌacësa oquin ꞌaquinma ꞌëmi catamëtia upitax bucunun unicama ꞌimi uacën, bamatancëxribia xënibua ꞌaínbi Nucën Papa Diosbë ꞌinun.

Juan 10:12

Usa ꞌaínbi ca an curíqui biti cupíshi carnero bërúanquin ñu mëëcë uni, ax ꞌinu aia isquin carnero ëbiani abatia, ax asérabi aín ꞌibuma ꞌaish. Abácëbë uxun ca bëtsi biquin ꞌinun raíri tsuácaia.

Juan 10:8

ꞌËx ucëma pan ꞌaían anpáinra uá unicama ax ca an mëcamacë unisa ꞌiacëxa. Usa ꞌixun ca Nucën Papa Diosan bana isa ñuixunia quixun aín bana cuanun quixun uni paráncëxa. Usa ꞌicë ca atun bana unicaman cuaisama tancëxa.