Jeremías 2:9 - Kashibo-Kakataibo Biblia

⁹ Usa ꞌain kana ꞌëx Min ꞌIbu ꞌaish ësai kin. ꞌËx kana bërí mitsu ꞌimainun mitsun xutakama ñui usakin ka an bana mëníokë ꞌapukaman ꞌanuxun ꞌaia kin.

Jeremías 2:9 Iomraidhean Croise

Éxodo 20:5

Usakin ꞌatankënxun ka a ñukamaribi ami ñanákin rabitima ꞌikën, ꞌëx kana atun Dios ꞌain, ꞌianan kana ꞌëx nishi kian an ñu ꞌatima ꞌatishi kuëënkë aín, bëchikëkama ꞌimainun aín baba aín bëchikënën bëchikë akama ꞌatimokin tëmëranun ꞌimiti ꞌain,

Isaías 43:26

Ñu ꞌatima ꞌai ꞌëmi banai ꞌuchakë ꞌixun kamina ꞌëbë banakin añu kaina a ꞌën mëníonun ꞌë kati ꞌain. Kakëxun kana mitsux kaina asérabi ñu ꞌatima ꞌakëma upí uni ꞌai kixun isti ꞌain.

Jeremías 2:29

¿Uisa kupín kaina mitsun ꞌën bana kuaisamatankë ꞌixunbi, usakin kamina ñu ꞌatima ꞌai kixun ꞌë kaisa tankanin? ꞌËx Min ꞌIbu ꞌaish, kana ësai kin.

Jeremías 2:35

ꞌAínbi ka usakin a ñukama axi atux kia: Nukamax kananuna ñu ꞌatima ꞌai ꞌuchama ꞌain. Nukën ꞌIbu Dios ka bërí numi nishima. Asábi ka usai ki kamina ismina ꞌuchakëma ꞌai kiax kikanin, usa ꞌain kamina ëbëtan anuxun bana mëníokë anuxun mëníoti ꞌain.

Oseas 2:2

Ësai ka Israel unikama ñui Dios kiaxa: “¡Mitsun tita kamina min ꞌuchoti ꞌain, ax ka bërí ꞌën xanuma ꞌikën, ꞌimainun kana ꞌëx aín bënëma ꞌain! ¡ꞌIanan ka aín nami ꞌakë xanusa ꞌikëa unin ꞌunánkë a ënti ꞌikën! ¡ꞌIanan ka an ꞌain nami ꞌakë unikamabëa ꞌikë a ënti ꞌikën!

Oseas 4:1

Israel unikaman ka ësai ka Nukën ꞌIbu kia kuati ꞌikën. An ka ënë menu tsókë unikama nishanankë a uisokin kara ꞌati ꞌikë sinánxa, ënë menu ka uni nuibanani tsókë ꞌaíma ꞌianan, bëtsi uni mëëkaskin uisai kara Diosan bana kia abi ꞌunanima.

Miqueas 6:2

Bashikama ꞌimainun an me tuinkë akaman ka kuati ꞌikën: Nukën ꞌIbu ka aín unikama ꞌatima oti sinania, usa ꞌaish ka Israel unikamami nishia.