Jeremías 2:5 - Kashibo-Kakataibo Biblia

⁵ Ësai ka Nukën ꞌIbu kiaxa: ¿Añu ñu ꞌatima ënua mërax, kara min chaitiokama ꞌëmi ꞌunánkëx? Atúnbi bëtsi dioskama añu ñu ꞌikëmabi rabikë kupín, atúxribi usaribi ñankáishi bërukankëxa.

Jeremías 2:5 Iomraidhean Croise

Salmos 115:8

Usaribi ka an a ñukama uniokëma a ꞌimainun an a ñukama rabikë unikama ax ꞌikën.

Isaías 44:9

Uin kara a rabiti ñu unio a unix ka añubima ꞌikën, ꞌianan ka unínbia uniokë ñukama ax isa upí ꞌikë kixun a ñukama upíokin bërúaia. Usa ꞌain ka an rabikë unikama ax bëxuñusa ꞌaish, añu kara ꞌaia kixun ꞌunanima rabinkë ꞌiti ꞌikën.

Isaías 46:12

Kamina kuakanti ꞌain, bana kuakëma unikama, anun ꞌën mitsumi nishkë unikamanua mitsu chikíntisa basipain ꞌikë kixun kamina sinan kanin:

Jeremías 14:22

¿Anu kara ꞌiti ꞌikë unínbia a rabinuxun ꞌakë dios an ꞌuí ꞌibúmiti ꞌiti ꞌit? ¿ꞌIanan kara naíkamë ꞌëo abi ꞌuí kushiira ꞌibúnun ꞌimiti ꞌik? ¡Usama ka, Nukën ꞌIbu Dios! Mix kamina an ꞌuí ꞌibúnun ꞌimikë a ꞌain. Mix kamina an kamabi ënë ñukama usaía ꞌinun ꞌimikë a ꞌain; ¡usa ꞌain kananuna mimishi katamëti ꞌain!

Jeremías 2:31

(Axa bërí tsókë mitsun kamina ꞌën bana upíokin kuati ꞌain, ꞌëx kana Dios ꞌain.) Israel unikama, ¿ꞌëx karana anu uni ꞌikëma mesa mitsunan ꞌian? ¿ꞌianan karana anua me ꞌitsaira bëánkibukë chichabiantisama usaribi mitsunan ꞌian? ꞌËn unikama, ¿uisa kupín kaina: bërí kananuna uisa ñu ꞌatimabi inútima ꞌai kianan, uínsaranbi kananuna mi sinántëkëntima ꞌai kikanin?

Jeremías 2:4

Jacobnën rënbunki Israelnën ꞌaintsikaman ka Dios kikë bana kuati ꞌikën.

Jonás 2:8

Uin kara unínbia a rabinuxun bëtsi ñukama ꞌakë a rabikin, Dios axa ië́mianankë a ëanxa;

Mateo 15:8

Ënë unicaman ca aín cuëbitanshi ꞌë rabia, ꞌixunbi ca aín nuitu mëu ꞌë sinanima.

Hechos 14:15

—¿Uisocasquin caramina ësoquin ñu ꞌacanin? Nuxribi cananuna mitsusaribi unishi ꞌain. Usa ꞌaíshbi cananuna an mitsu ꞌaquincëxunmabimi ñancábi ñu rabicë, a ënquin Nucën Papa Dios ashi rabinun quixun mitsu cai uan. An bamatiomoi tsóo ꞌixun naí, me, bacacama ꞌimainun anu ꞌicë ñucamaribi unio, a camina sinánti ꞌain.

Romanos 1:21

A unicaman, ui cara Nucën Papa Dios ꞌicë quixun ꞌunánquinbi ca a sinánquin, —mix camina Nucën Papa Dios ꞌai —quixun caiman. Nucën Papa Diosan ñu ꞌaxuncëxunbi ca a unicaman —camina nu ñu ꞌaxuan, ca asábi ꞌicë —quixun rabiquin cacëma ꞌicën. Caquinma atun sináncësa oquinshi ꞌacë ñuishi ꞌacë ꞌixun ca ꞌatima ñuishi ꞌai sinánñuma unisa ꞌicanxa.

Deuteronomio 32:21

ꞌË kamina diosmabi bëtsi dios rabikin nishmian, usa ꞌain kana ꞌënribi mitsu nishmikin ꞌën uni ꞌikëmabi bëtsi uni ꞌën uni ꞌimiti ꞌain, ꞌimikëbë ka atux ꞌatima okin sinani nishti ꞌikën, ¡usa ꞌain kana ꞌën bana kuaisama tankë unikama ꞌën uni ꞌimiti ꞌain, ꞌimikëbë ka ꞌën unikama atumi nishti ꞌikën!

1 Samuel 12:21

Usa ꞌain kamina bërí unin diosmabi rabikë ñukama a ënti ꞌain, an ka mitsu uisa ñu kara inutiabi ꞌakianan uisakinbi ië́mitima ꞌikën, ax ka unin këmëkinshi ꞌakë ꞌikën.