Jeremías 2:3 - Kashibo-Kakataibo Biblia

³ Israel unikama ax ka upíira ꞌinun ꞌën kaískë ꞌaish ñu bimi upíirabu usaribi ꞌikën. Usa ꞌikëbia an ꞌatima okë unikama akana uisa ñubi kara anu ꞌimikin ꞌën ꞌatima okën. ꞌËx Dios ꞌaish kana usai kin.

Jeremías 2:3 Iomraidhean Croise

Isaías 41:11

Usa ꞌain ka kamabi axa mitsumi nishkë unikamax rabinkëbu ꞌianan ñuumarasabu ꞌiti ꞌikën; ꞌianan ka axa mitsubë ꞌakanankatsi kikë unikama achúshirabi nitánuma maërakatanun këñúkë ꞌiti ꞌikën.

Jeremías 2:4

Jacobnën rënbunki Israelnën ꞌaintsikaman ka Dios kikë bana kuati ꞌikën.

Joel 1:3

Usa ꞌain kamina mitsun bakë bëchikëkama ꞌa bana ñuixunti ꞌain, ñuixunkëxun ka atúnribi atun bëchikëkama ñuixunti ꞌikën, ñuixunkëxun ka atúnribi bakëntankëxa kanirukë aribi ñuixunti ꞌikën.

Amós 6:1

¡Axa Jerusalén ꞌikëbi Sión kakë anu tëmëraima bukukë unikama! ¡ꞌianan Samaria ëmanu uisaibi kananuna ꞌima kixun sinani bukukë ꞌapukama, amia Israel unikama katamëkë atux ka kuanti ꞌikën!

Habacuc 1:11

Usakin ꞌai ka suñúan kushiira inúkësa ꞌinun ꞌia; usakin atun kushínbi ꞌatankëx ka nukamax kananuna dios kamasamaira kushiira ꞌai kiax kikania. Kiax ka Dios kiakëxa.

Romanos 11:16

Judíos unibunën ca aín ñu ꞌapácë an pain tancëma aín bimi anuxun a rabiti xubunu buáncëxa, Nucën Papa Diosan camabi aín bimi upí isnun quixun. Usaribi ca i aín tapun upí ꞌaish camabi aín pëñáncamaribi upí ꞌia. Usa ñu sinánquin cananuna ꞌunanin, judíos uni bëtsix bëtsíxa Nucën Papa Diosmi sináncë ꞌain ca atúxa ꞌicësaribiti judíos unicama camáxbi Cristomi catamëtia Nucën Papa Diosan upí isti ꞌicën.

Romanos 16:5

Axa Jesucristomi catamëcë ꞌaish Priscila ꞌimainun Aquilanën xubunu timë́cëcamaribi camina bërúanxa ꞌinun ꞌë caxunti ꞌain. Acama ꞌimainun camina, ꞌën nuibacë Epeneto, ax paían Acaya menuax Cristomi catamëcë, aribi bërúanxa ꞌinun ꞌë caxunti ꞌain.

Efesios 1:4

Mecama uniocëma ꞌixunbi ca Nucën Papa Diosan Cristo cupínu an iscëx ꞌuchañuma ꞌianan ainanshi ꞌinun nu caísacëxa.

Deuteronomio 26:19

Nukën ꞌIbu Diosan ka kamabi menu ꞌikë ëmakama ꞌakëxa, ꞌaínbi ka an mitsúxmi ëma achúshi kushiira ꞌaish ainan ꞌikë ñuikania kuati bëtsi ëmakama mitsumi rakuënun Dios kikësabi oi ꞌikanti aín.

Deuteronomio 7:6

Mitsux kamina ainan ꞌitia Nukën ꞌIbun kaisa a ꞌain; usa ꞌikë ka Nukën ꞌIbu Diosan achúshi ëma upíira ꞌinun mitsu ꞌimiaxa, usa ꞌaish kamina bëtsi menu ꞌikë ëmakamasamaira upíira ꞌinun mitsu ꞌimiaxa.

Santiago 1:18

An ca unían aín bana ñuixuncëxun cuatínu ainan ꞌinun nu ꞌimiaxa, nux pain ꞌicë cupía raíri uníxribi Jesucristomi catamëcë ꞌaish camabi ñu an uniosamaira ꞌinun.

1 Pedro 2:9

A unicama usa ꞌaínbi camina mitsux Nucën Papa Diosan ainan ꞌinun caísa ꞌain. Usa ꞌixun camina ax cuëëncësabi oquin ꞌanan aín unicama a ñucáxunin. Camina an ꞌimicëx upí ꞌaish aín uni ꞌain. Usa ꞌixunmi a rabiquin an ꞌacë ñucama camabi uni ñuixunun ca Nucën Papa Diosan mitsu ainan ꞌinun caísacëxa. Mitsux bëráma bëánquibucënu nicësa ꞌiá ꞌaíshbi camina bërí an ꞌimicëx xabánu nicësa ꞌain, axa mitsubë ꞌain.

Apocalipsis 14:4

A unicamax ca xanubë ꞌuchacëma ꞌianan ñu ꞌatima ꞌati cuëënima Carnero ꞌicësaribitia unin ꞌucha cupí bama ainanshi ꞌaish, ax quicësabi oi ꞌia. Acamax ca Nucën Papa Diosan ainan ꞌinun ië́micë ꞌianan Carnero ꞌicësaribitia unin ꞌucha cupí bama, ainanribi ꞌinun aín ꞌuchacama tërë́ncë a ꞌicën.