Jeremías 2:2 - Kashibo-Kakataibo Biblia

² Anu kuanxun kamina Jerusalén ëmanua ꞌikë unikama; munuma kuëníshkin upíokian kuanun kati ꞌain: ¡Ësakin mitsu kanun ka Nukën ꞌIbu kiaxa! ꞌËn kana bëná pain ꞌixunmi ꞌën kakësabiokin ꞌá a sinanin, usa ꞌixun kamina an biti unían mëratiokëxun xanun nuikësa ꞌinun mitsun ꞌë nuibakën, ꞌimainun kamina anu uni ꞌikëma me anu ñu ꞌapátisama anuxunbi ꞌë ꞌakiankën.

Jeremías 2:2 Iomraidhean Croise

Éxodo 14:31

Usakian Nukën ꞌIbun ain kushin Egiptonu ꞌikë unikama ꞌaia isi ka israel unibu Nukën ꞌIbu rabi, ami katamëti rantinpuruni tsóbuti ꞌianan Moisésnën kakësabiokin aín bana kuakankëxa.

Éxodo 16:8

Katankëxun ka Moisésnën ësakinribi katëkëankëxa: —Ënë xupibukëbëtan kamina ami piti nami Nukën ꞌIbun mitsu ꞌinánmainun biti ꞌain, bionxun kamina pëkarakëma ꞌaínshi pánribi biti ꞌain, an ka mitsúxmi ami ꞌatimati banakëxun kuaxa. Uisa kupín, ¿Ui karanuna nux ꞌain? Mikamax kamina numi ꞌatimai banakëma ꞌain. Nukën ꞌIbumi kamina ꞌatimai banan.

Proverbios 1:20

An ñu ꞌunánkë unikama ax ka anun xubunu kuanti ëman anuax kianan anun ëmanu kuanti bai cha ꞌakë anun kuani ꞌësai nukaman kuanun kiti ꞌikën;

Isaías 58:1

Nukën ꞌIbun ka ësokin ꞌë kaxa: “Rakuëtimaishi kamina munuma banai kiti ꞌain, usai ꞌi kamina manë banañu banokëx ꞌikësa min bana ꞌinun kushin banati ꞌain; usai ꞌikin kamina ꞌën kaísa unikama atun ꞌakë ꞌatima ñukama ñuikin kati ꞌain, ax ka Jacobnën rëbúnkikama ꞌikën atun ꞌuchakëkamaribi ñuikin kati ꞌain.

Jeremías 19:2

Usokin ꞌabiani kamina Ben-hinom kakë me sapan anu kuanti ꞌain, anua Chumu sani pukë kakë Xëputi ꞌikë a bëtánain kuantankëx, anu bëbatankëxun kamina ꞌën mi kakë banakama atu ñuixunti ꞌain.

Jeremías 2:1

Nukën ꞌIbu Diosan ka ësokin ꞌë kakëxa:

Jeremías 2:6

Usai ꞌikin ka ꞌën Egipto menua chikían ꞌixunbi ꞌë bariti sinánkama ꞌikën, anu uni ꞌikëma me, me ëskikë ꞌimainun kuëtú me, ꞌumpaxñuma ꞌimainun anun nisama ꞌatima me, anu uni tsókëma ꞌianan, me anun uni nikëma anun nitsiabi ꞌën ꞌakian, a sinánkin ꞌë rabiti sinánma ꞌikën.

Jeremías 7:2

Anun ꞌë rabi atsínti anu kuantankëx nirakëkin kamina ꞌëx kikë ënë banakama unikama ñuixunti ꞌain: Kamabi Judá menu ꞌikë unikama axa Dios rabi ënë xëpútikaman atsínkë mitsun kamina ënë bana kuati ꞌain.

Oseas 11:1

ꞌËn kana Israelkama ꞌën uni ꞌikë tuá xura ꞌakësokin nuibakën; usa ꞌixun kana atu Egipto menuax chikitia ꞌën bëchikë ka ax ꞌikë kixun kakën:

Oseas 2:15

Usokin ꞌatankëxun kana atun ꞌapá uvakama atu ꞌinántëkënkin, me sapan Acor kakë anua ꞌapákëxa ꞌitsaira bimiñu ꞌinun ꞌimiti ꞌain. Anuxun ka bëná ꞌixuan ꞌasa okin ꞌanan, anúan Egiptonuax chikíkë nëtë anun ꞌasaribiokin ꞌë kati ꞌikën.

Oseas 2:17

Usakin ꞌakin kana amiribishi Baal kaman anë ñui banatëkënun ꞌimitima ꞌain, usakin ꞌakëx ka uínsaranbi amiribishi aín anë ñui banatëkënkantima ꞌikën.

Oseas 2:7

Usai ꞌikin ka ꞌain mërati ꞌikë unikama nuiti ꞌikën, ꞌaínbi ka nukutima ꞌikën; ꞌianan ka barikinbi mëratima ꞌikën. Usakin mërakima tani ka kiti ꞌikën: Ax paían ꞌën bënë ꞌia uni anubi kana kuantëkënti ꞌain, abë kana bërí ꞌëx ꞌikësamai upiti tsóakën.

Jonás 1:2

Anu kuanxun kamina, chaiira ëma Nínive kakë Asiria menua bukukë unikama ꞌëx kikë bana ñuixunkin kai kuanti ꞌain, ꞌënbi kana atun ñu ꞌatima ꞌaia isan usa ꞌain kana a ëma këñuti ꞌain.

Mateo 11:15

An aín pabitan ënë bana cuacë unin ca aín nuitunënbi sinánquin cuati ꞌicën.

Lucas 12:13

Anu ꞌicë unicama achúshinën ca Jesús cacëxa: —Ñuquin ca ꞌën papocën aín ñu casunanxa. Usa ꞌain camina ꞌën xucën apan an a ñucama raíri ꞌë ꞌinánun cati ꞌain.

Deuteronomio 33:3

Nukën ꞌIbun ka aín unikama nuibatia, nuibanan ka uikaman kara aín bana kikësabiokin ꞌaia a bërúaia. Bërúanan ka uin kara a rabianan an kakë banakama kikësabiokin ꞌaia a ꞌakinia.

Deuteronomio 8:2

Usa ꞌain kamina sinánkanti ꞌain, Diosan ka anu uni ꞌikëma menu cuarenta baritia ꞌimi tëmërai ninun nu ꞌimiakëxa akamina manukinma sinánkanti ꞌain, usakin ka mitsu tankin ꞌanan ami karamina asérabi sinanatëkëni isti ꞌanan ax kikësabiokin aín bana ꞌai ꞌisnuxun mitsu ꞌakëxa.

Santiago 4:4

Nucën Papa Diosmi manúxunmi mitsun cuëëncësa oquinshi ꞌaia cana ësaquin mitsu cain: ¿Mitsun caramina ꞌunaniman, ënë menu ꞌicë ñuishi sináncë ꞌaish ca uni Nucën Papa Diosbë upíma ꞌicë quixun? Uinu ꞌicë unin cara ënë menu ꞌicë ñuishi sinania ax ca ainanma ꞌaish Nucën Papa Diosmi nishcësa ꞌicën.

Apocalipsis 2:4

Mitsúxmi usa ꞌicëbi cana ësaquin mitsu cain, mitsux camina ꞌëmi catamëtabati ꞌitsaira ꞌëmi sináncën. Usai ꞌiá ꞌaíshbi camina bërí usai ꞌima.