Jeremías 19:3 - Kashibo-Kakataibo Biblia

³ Ënë bana: Ka Judá menu tsókë ꞌapukama ꞌimainun Jerusalén ëmanu tsókë unikaman kuati ꞌikën, ësokin mitsu kakëxunmi kuakanun ka Nukën ꞌIbu kamabi kushiñu, Israel kaman Dios ax kiaxa: ꞌËn kana ñu ꞌaisama chaiira ënë menu, tsókë unikamaxa a ñuia kuati ꞌitsaira rakuë́kantanun ꞌimiti ꞌain.

Jeremías 19:3 Iomraidhean Croise

Salmos 110:5

Nukën ꞌIbu an ka min mëkeu ꞌixun mi ꞌakinti ꞌikën; usa ꞌixun ka anúan atu ꞌatima oti nëtë ꞌikëbëtan atumi nishkin ꞌapukama ꞌatima oti ꞌikën;

Salmos 2:10

ꞌApukama ꞌimainun an bana mëníokë unikama ënë menu ꞌikë mitsun kamina ënë bana kuati ꞌain, ¡Kuakin kamina upíokin ënë bana sinánkanti ꞌain!

Jeremías 18:11

Usa ꞌain kamina Judá menu tsókë unikama ꞌimainun Jerusalén ëmanu tsókë unikama ësokin kati ꞌain, ꞌëx Dios ꞌaish kana ësai kin: ꞌËn kana uisokin karana mitsu ꞌatima oti ꞌai kixun sinánkin, mitsu ꞌatima oti sinanin. Usa ꞌain kamina mitsunmi ꞌatima ñu ꞌakë a ënkin; upí ñukamaishi ꞌai upiti bukukanti ꞌain.

Jeremías 19:15

Nukën ꞌIbu kamabi kushiñu Israel unikaman Dios ax ka ësai kia: ꞌËn kana ënë ëma anua ꞌikë unikama këñunbi ꞌëx kikësokinbi tëmëramiti ꞌain. Usa ꞌain kana atun ka aín nuitu iruarakin ꞌën bana kikësabiokin ꞌaisamatania kiaxa Dios kikë ka Jeremíasnën atu ñuixuankëxa.

Jeremías 6:19

Men ka unin ꞌakësokin kuati ꞌikën: Ënë unikama kana ꞌaisama ñu inúnun ꞌimiti ꞌain, atun ka ñu ꞌaisama ꞌatishi sinánkanxa usa kupín; ꞌimainun ka ꞌën bana kuaisama tankëxa usa ꞌain, ꞌianan ka ꞌën bana kikësokinshi ꞌaisama tankëxa, usai ꞌikin ka a tanti ꞌën bana timakankëxa.

Mateo 10:18

ꞌËn bana uni ñuixuncë cupí ca unin mitsumi nishquin judíosma unibunën ꞌapunu mitsu buánti ꞌicën, ami mitsu ñui manánuxun. Usocëxunbi camina a ꞌapucama ꞌimainun judíosma uniburibi ꞌën mitsu ꞌunánmicë banacama ñuixunti ꞌain.

Apocalipsis 2:29

An cuaisa tancë unicaman ca axa ꞌëmi catamëcë unicama Nucën Papa Diosan Bëru Ñunshin Upitan ꞌináncë bana, ënë aín nuitunënbi sinánquin upí oquin cuati ꞌicën.

1 Samuel 3:11

Kakëxun ka Nukën ꞌIbun ësokin kakëxa: —ꞌËn kana a kuatia rakuëtan bamai bërëtanun añu kara Israelkaman menu ꞌati ꞌain.