Jeremías 15:1 - Kashibo-Kakataibo Biblia

¹ Ësakin ka Nukën ꞌIbun ꞌë kakëxa: Mitsun chaitiokë Moisés ꞌimainun Samuelnën ꞌë bëtánain nirakëxun usakin kamina ꞌatima ꞌai kixun kakëxunbi kana ënë unikama nuibatima ꞌain. Usa ꞌain kamina anu ꞌëx ꞌikë ënuax chikíkiania kuantanun ënë unikama kati ꞌain.

Jeremías 15:1 Iomraidhean Croise

Génesis 19:27

Usai ꞌiónxa pëkarakëma ꞌaínshi ka Abraham anuaxa Nukën ꞌIbubë banonkë anubi kuantëankëxa;

Jeremías 14:11

Nukën ꞌIbu Diosan ka ꞌë kakëxa: ꞌË kamina ënë unikama upiokin ꞌakinun kixun katima ꞌain.

Jeremías 14:12

Usa ꞌain kana ꞌitsa nëtë imi pima samákin atun ñukákëxunbi kuatima ꞌain; ꞌianan kana ꞌitsaira ñuina xaroxuanan ñu ꞌapákë aín bimi ꞌë bëxun nanxunkëxunbi ꞌën upí istima ꞌain. Usa ꞌain kana ꞌën suntárukama abë ꞌakanankin ꞌakëx ꞌianan, atun piti ꞌaíma ꞌain numin ꞌianan, ꞌinsinan këñunun ꞌimiti ꞌain.

Jeremías 15:19

Usa aín ka Diosan ësakin ꞌë katëkëankëxa: ꞌËmi sinántëkënia kana ꞌën mi amiribishi bitëkënti ꞌain, ꞌëmi upíokin ñu ꞌaxúnun, usa ꞌain kamina upíokin ꞌë ñu ꞌaxunti ꞌain. Usa ꞌain kamina mix ꞌatimati banai min sinánkëshi banakë a ëni, mix an ꞌëx kikësa ꞌitánun an ꞌën bana upíokin ñuikë uni ꞌiti ꞌain. Usa ꞌain ka Israel unikama min ꞌën bana ñui kia kuati minu utëkënti ꞌikën, usa ꞌain kamina min atun kakëxun kuatima ꞌain.

Jeremías 18:20

¿ꞌËn upíokin ꞌakinkëxunbi atun ꞌë usokin ꞌatimokë ax kara upí ꞌiti ꞌik? ¡Atun ka anu ꞌatankëxun ꞌë mainkatsi kixun kini ꞌaxa! Usa ꞌain kamina atun rabanan në́kin kanan, atumi nishkin ꞌatima oxunma ꞌanun ꞌën mi kakë akamina sinánti ꞌain.

Jeremías 52:3

Usokin ꞌakëbë atumi xuamati nishkin ka Nukën ꞌIbun an ꞌinan me Jerusalén ꞌimainun Judá anua atu chikíankëxa. Usokin ꞌatankëxi ka ꞌapu Sedequías Babilonianu ꞌikë ꞌapubë banakë usakinbi ꞌaisama tankëxa.

Jeremías 9:19

Kamabi Jerusalénnu ꞌikë unikama sharati masá nuituti inkë ax ka kamaxunbi kuakë ꞌiti ꞌikën: ¡Axa numi nishkë unikaman ka nun ëma masókin rurupaxa!, ¡usa ꞌain kananuna ꞌitsaira ꞌatimokëx tëmëran! Usa ꞌain kananuna nun xubukamaribi chánkapakë ꞌikë axa numi nishkë unikaman ka nun me ënun kixun nu bënëia, usa ꞌain kananuna nun me ënti ꞌain.

Deuteronomio 9:26

ꞌikin kana anuxun munuma banakin kakën: ꞌËn ꞌIbu Dios ënë unikama kamina usakin ꞌatima aín, atux ka min uni ꞌikëmi Egipto menuxun tëmërakin ñu mëëiabi mix kushiira ꞌixun chikínbëtsinkin bëa a ꞌikën.

Hebreos 9:24

Ax ca tabernáculo, anua Nucën Papa Dios ꞌicë tanquian unin ꞌacë, anuma, anua Nucën Papa Dios ꞌicë anubi atsíancëxa, anuxuan nu Nucën Papa Dios ñucáxuncë anu.

Jueces 5:9

¡ꞌËn kana Israelkaman ꞌapukama asábi ka kain, atux ka ꞌën ꞌakánanti unun kamikëx uax ꞌakananxa! ¡Usa ꞌain ka kamaxunbi Nukën ꞌIbu rabikanti ꞌikën!

1 Samuel 12:19

Usai ꞌikin ka kamabi unikaman Samuel kakëxa: —Min kamina Dios ñukáti ꞌain, an mi ñu mëëxunti unikama nu kupí, an ka nu këñunun ꞌimitima ꞌikën; nun kananuna ami ꞌaisamairai ꞌuchakë ꞌixunbi amiribishi achúshi ꞌapu nu ꞌinánun kixunribi ñukan.

1 Samuel 12:23

ꞌËn kana mitsu Nukën ꞌIbu ñukaxunkin ëntima ꞌain, mitsu ñukáxunima kana ami ꞌuchakë ꞌiti ꞌain. ꞌIanan kana uisai kaina mitsux an kuëënkësabi ꞌoíshi tsóti ꞌain akama ꞌunánmiti ꞌain.

1 Samuel 7:9

Usakin kakëxun ka Samuelnën achúshi oveja ꞌain tuá bërí kanikë bitankëxun Nukën ꞌIbu ꞌaímai këñutanun raroxuankëxa; xaroxunkin ka Israelkama ꞌakinun Nukën ꞌIbu ñukáxuankëxa, usakin ꞌakëxun ka Nukën ꞌIbun an ñukákësabi okin ꞌakiankëxa.