Jeremías 1:9 - Kashibo-Kakataibo Biblia

⁹ Usa ꞌain ka Nukën ꞌIbun aín mëkën mëshpakin ꞌën kuëbí mëëkin ꞌë kaxa:

Jeremías 1:9 Iomraidhean Croise

Isaías 49:2

An ka ꞌën kuëbí manë xëtokë kuënukë usaribi ꞌitánun ꞌimiakëxa, ꞌimikëx kana kuaisabi ꞌitánun banakën, ꞌimainun ka aín mëkënan unëkësa oxun bërúanan ꞌë ꞌakiankëxa, usakin ꞌakinkin ka axa ꞌakánanti ꞌunánkë unin ꞌakanankin bitëkënuxun aín pia nëaxun nankësa, usaribi okin Nukën ꞌIbun ꞌë bërúankëxa.

Isaías 50:4

Nukën ꞌIbun ka ꞌë ñu ꞌunánmiaxa atsánkë unikama bana ñuixunkin kuëminun. ꞌIanan ka pëkarakëma ꞌain ꞌaínshi ꞌëa kakëxun munu aín bana kuanun ꞌë kaxa.

Jeremías 15:19

Usa aín ka Diosan ësakin ꞌë katëkëankëxa: ꞌËmi sinántëkënia kana ꞌën mi amiribishi bitëkënti ꞌain, ꞌëmi upíokin ñu ꞌaxúnun, usa ꞌain kamina upíokin ꞌë ñu ꞌaxunti ꞌain. Usa ꞌain kamina mix ꞌatimati banai min sinánkëshi banakë a ëni, mix an ꞌëx kikësa ꞌitánun an ꞌën bana upíokin ñuikë uni ꞌiti ꞌain. Usa ꞌain ka Israel unikama min ꞌën bana ñui kia kuati minu utëkënti ꞌikën, usa ꞌain kamina min atun kakëxun kuatima ꞌain.

Jeremías 36:2

“Achúshi kirika tarankë anu kuënëokëma bixun kamina kamabi usaía Israel ꞌimainun Judá menu ꞌikë ꞌimainun bëtsi mekamanu ꞌikë unikama ñuikin ꞌën mi kakë banakama kuënëoti ꞌain, kuënëokin kamina anúan Josías ꞌapu ꞌikë anun kakin pëua ꞌixun bëríbi ꞌën mi kakë banakama a kuënëoti ꞌain.

Ezequiel 3:10

Usa ꞌain ka ꞌë kaxa: “Ñuitsimarua tsóxun kamina ꞌën mi kakë banakama a sinánkin min maxkátan sinánti ꞌain.

Números 23:5

Ësokian kakëxun ka Nukën ꞌIbun usakian katánun kixun. Balaam kakëxa: —Amiribishi anua ꞌikë anu kuanxun kamima ꞌën mi kakë banakama a Balac kai kuanti ꞌain.

Mateo 10:19

A unicaman mitsu ꞌapunu buáncëxun camina racuë́quin —uisai carana quiti ꞌai —quixun sinánan —uisa banan carana cati ꞌai —quixun sinántima ꞌain. Nucën Papa Diosan ca mitsúxmi banacëbëtainshi uisaquin caramina cati ꞌai quixun mitsu sinánmiti ꞌicën.

Marcos 7:33

Cacëxun ca Jesusan unicama ꞌuri amo nitsinaxun aín pabínu, aín mëcën rëbu atsínmianan tushuquixun cuñunan aín mëcën rëbu chabóxun, aín ana mëëacëxa.

Lucas 12:12

Nucën Papa Diosan Bëru Ñunshin Upitan ca mitsúxmi banacëbëtanshi uisaquin caramina cati ꞌai quixun mitsu sinánmiti ꞌicën.

Deuteronomio 18:16

Ënëx ka asérabi ꞌikën, mitsux kamina anumi aín bashi Sinaí kakë anu timë́xun Dios ñukati kamina ësai kikankën: bërí kananuna amiribishi Nun Diosan kakëxun kuatëkëinsama tanin, ꞌimainun kananuna chaiira ꞌinuan tsi rëkirukësai ꞌikë aribi bamatima kupín istisama tanin kiax kiakën.

Deuteronomio 18:17

Usai mitsux kia okin ka Nukën ꞌIbun ꞌë kakëxa: Asabi ka usaími kikë ax ꞌikën.

Deuteronomio 18:18

ꞌËn kana atunuaxa achúshi uni an ꞌën bana ñuiti uni ꞌimiti ꞌain, min ꞌakësarabi okin an bana ñuixunun ꞌimiti ꞌain, an ka mitsun aintsibi ꞌixun ꞌën kakë banakama mitsu ñuixunti ꞌikën, ꞌimainun ka ꞌën kakë banakama abi mitsu ñuixuntëkënti ꞌikën.